സംസ്ഥാനത്ത് 62 പേര്ക്ക് കൂടി ഒമിക്രോണ്; 8 പേര്ക്ക് സമ്പര്ക്കത്തിലൂടെ രോഗം
തിരുവനന്തപുരം; സംസ്ഥാനത്ത് 62 പേര്ക്ക് കൂടി ഒമിക്രോണ് സ്ഥിരീകരിച്ചു. തൃശൂര് 14, കണ്ണൂര് 11, പത്തനംതിട്ട 9, എറണാകുളം 8, കോഴിക്കോട്, തിരുവനന്തപുരം 5 വീതം, കൊല്ലം, ആലപ്പുഴ, പാലക്കാട്, കാസര്ഗോഡ് 2 വീതം, ഇടുക്കി 1, എന്നിങ്ങനെയാണ് ഒമിക്രോണ് സ്ഥിരീകരിച്ചത്.
ഒരാള് യുഎഇയില് നിന്നും വന്ന തമിഴ്നാട് സ്വദേശിയാണ്. 49 പേര് ലോ റിസ്ക് രാജ്യങ്ങളില് നിന്നും ഒരാള് ഹൈ റിസ്ക് രാജ്യത്തില് നിന്നും വന്നതാണ്. 4 പേര് മറ്റ് സംസ്ഥാനങ്ങളില് നിന്നും വന്നതാണ്. 8 പേര്ക്ക് സമ്പര്ക്കത്തിലൂടെയാണ് ഒമിക്രോണ് ബാധിച്ചത്.
Recommended Video
സംസ്ഥാനത്ത് ആകെ 707 പേര്ക്കാണ് ഒമിക്രോണ് സ്ഥിരീകരിച്ചത്. ലോ റിസ്ക് രാജ്യങ്ങളില് നിന്നും 483 പേരും ഹൈ റിസ്ക് രാജ്യങ്ങളില് നിന്നും ആകെ 108 പേരും എത്തിയിട്ടുണ്ട്. 88 പേര്ക്കാണ് ആകെ സമ്പര്ക്കത്തിലൂടെ രോഗം ബാധിച്ചത്. മറ്റ് സംസ്ഥാനങ്ങളില് നിന്നും വന്ന 28 പേരാണുള്ളത്.
അതേസമയം സംസ്ഥാനത്ത് ഇന്ന് 46,387 പേര്ക്കാണ് കൊവിഡ് സ്ഥിരീകരിച്ചത്. ഇതാദ്യമായാണ് സംസ്ഥാനത്ത് പ്രതിദിന കൊവിഡ് രോഗികളുടെ എണ്ണത്തിൽ ഇത്രയും വർധനവ് രേഖപ്പെടുത്തുന്നത്. സംസ്ഥാനത്തെ വിവിധ ജില്ലകളിലായി 3,20,516 പേരാണ് ഇപ്പോള് നിരീക്ഷണത്തിലുള്ളത്. 1,99,041 പേരാണ് രോഗം സ്ഥിരീകരിച്ച് ഇനി ചികിത്സയിലുള്ളത്. കൊവിഡ് വ്യാപനം രൂക്ഷമായ പശ്ചാത്തലത്തിൽ സംസ്ഥാനത്ത് നിയന്ത്രണങ്ങൾ കർശനമാക്കാൻ ഇന്ന് ചേർന്ന കൊവിഡ് അവലോകന യോഗത്തിൽ തീരുമാനമായിട്ടുണ്ട്. അടുത്ത രണ്ട് ഞായറാഴ്ച കടുത്ത ലോക്ക്ഡൗണിന് സമാനമായ നിയന്ത്രണങ്ങൾ ഏർപ്പെടുത്താനാണ് തിരുമാനം.
Click it and Unblock the Notifications
Sign in with Google