പുതിയ 8 ഹോട്ട്സ്പോട്ടുകള് കൂടി; ഇന്ന് ആശുപത്രിയില് പ്രവേശിപ്പിച്ചത് 1312 പേരെ
തിരുവനന്തപുരം: സംസ്ഥാനത്ത് ഇന്ന് 3500 ഓളം പേര്ക്ക് കൊറോണ രോഗം സ്ഥിരീകരിച്ചു. മലപ്പുറം ജില്ലയിലാണ് കൂടുതല് രോഗികള്. ഇന്ന് പരിശോധിച്ച സാമ്പിളുകളുടെ എണ്ണം കുറവാണ്. ഇന്ന് 8 പുതിയ ഹോട്ട് സ്പോട്ടുകളാണുള്ളത്. ആലപ്പുഴ ജില്ലയിലെ ബുധനാര് (കണ്ടെന്മെന്റ് സോണ് സബ് വാര്ഡ് 10), കായംകുളം മുന്സിപ്പാലിറ്റി (18), പത്തനംതിട്ട ജില്ലയിലെ അയിരൂര് (4, 5, 8), ചെറുകോല് (6), സീതത്തോട് (6), തെള്ളിയൂര് (സബ് വാര്ഡ് 7), കോട്ടയം ജില്ലയിലെ അയ്മനം (20), കാസര്ഗോഡ് ജില്ലയിലെ ബാല്ലൂര് (11) എന്നിവയാണ് പുതിയ ഹോട്ട് സ്പോട്ടുകള്. ഇന്ന് 9 പ്രദേശങ്ങളെ ഹോട്ട് സ്പോട്ടില് നിന്നും ഒഴിവാക്കി. ഇതോടെ ആകെ 457 ഹോട്ട് സ്പോട്ടുകളാണുള്ളത്.
കേരളത്തില് ഇന്ന് 3423 പേര്ക്ക് കോവിഡ്-19 സ്ഥിരീകരിച്ചു. മലപ്പുറം 626, കോഴിക്കോട് 507, എറണാകുളം 377, പാലക്കാട് 305, തൃശൂര് 259, ആലപ്പുഴ 242, കൊല്ലം 234, തിരുവനന്തപുരം 222, കോട്ടയം 217, കണ്ണൂര് 159, പത്തനംതിട്ട 112, വയനാട് 65, ഇടുക്കി 55, കാസര്ഗോഡ് 43 എന്നിങ്ങനേയാണ് ജില്ലകളില് ഇന്ന് രോഗ ബാധ സ്ഥിരീകരിച്ചത്.
കഴിഞ്ഞ 24 മണിക്കൂറിനിടെ 34,847 സാമ്പിളുകളാണ് പരിശോധിച്ചത്. 27 പേര് മരിച്ചു. ഇതോടെ ആകെ മരണം 2843 ആയി. ഇന്ന് രോഗം സ്ഥിരീകരിച്ചവരില് 48 പേര് സംസ്ഥാനത്തിന് പുറത്ത് നിന്നും വന്നവരാണ്. 2982 പേര്ക്ക് സമ്പര്ക്കത്തിലൂടെയാണ് രോഗം ബാധിച്ചത്. 359 പേരുടെ സമ്പര്ക്ക ഉറവിടം വ്യക്തമല്ല.
34 ആരോഗ്യ പ്രവര്ത്തകര്ക്കാണ് രോഗം ബാധിച്ചത്. തിരുവനന്തപുരം, പാലക്കാട്, കോഴിക്കോട് 5 വീതം, എറണാകുളം, മലപ്പുറം 4 വീതം, പത്തനംതിട്ട, കണ്ണൂര് 3 വീതം, തൃശൂര്, കാസര്ഗോഡ് 2 വീതം, വയനാട് 1 എന്നിങ്ങനെ ആരോഗ്യ പ്രവര്ത്തകര്ക്കാണ് ഇന്ന് രോഗം ബാധിച്ചത്.
രോഗം സ്ഥിരീകരിച്ച് ചികിത്സയിലായിരുന്ന 4494 പേരുടെ പരിശോധനാഫലം നെഗറ്റീവ് ആയി. 60,504 പേരാണ് രോഗം സ്ഥിരീകരിച്ച് ഇനി ചികിത്സയിലുള്ളത്. 6,45,779 പേര് ഇതുവരെ കോവിഡില് നിന്നും മുക്തി നേടി. സംസ്ഥാനത്തെ വിവിധ ജില്ലകളിലായി 2,80,375 പേരാണ് ഇപ്പോള് നിരീക്ഷണത്തിലുള്ളത്. 1312 പേരെയാണ് ഇന്ന് ആശുപത്രിയില് പ്രവേശിപ്പിച്ചത്.
Click it and Unblock the Notifications
Sign in with Google