5 വർഷത്തിനിടെ ആത്മഹത്യ ചെയ്തത് 88 പോലീസുകാർ; വിഷയം സഭയിൽ ഉന്നയിച്ച് പിസി വിഷ്ണുനാഥ്
തിരുവന്തപുരം: സംസ്ഥാനത്തെ പോലീസ് സേനയിലെ ആത്മഹത്യ നിയമസഭയിൽ ഉന്നയിച്ച് പ്രതിപക്ഷം. പോലീസ് ഉദ്യോഗസ്ഥരുടെ അമിത ജോലി ഭാരവും മാനസിക സമ്മർദ്ദവും ഒഴിവാക്കാൻ സർക്കാരിന്റെ ഇടപെടൽ ആവശ്യപ്പെട്ട് ഉണ്ടാകണമെന്ന് ആവശ്യപ്പെട്ട് പിസി വിഷ്ണുനാഥ് എം എൽ എയാണ് അടിയന്തര പ്രമേയത്തിന് നോട്ടീസ് നൽകിയത്. അഞ്ചു വർഷത്തിനിടയിൽ 88 പോലീസുകാർ സംസ്ഥാനത്ത് ആത്മഹത്യ ചെയ്തതതെന്നും ശരാശരി 44 പോലീസുകാരെ വെച്ചാണ് 118 പോലീസുകാരുടെ ജോലി ഒരു സ്റ്റേഷനിൽ ചെയ്യുന്നതെന്നും പിസി വിഷ്ണുനാഥ് എംഎൽഎ ചൂണ്ടിക്കാട്ടി.
ആറ് ദിവസത്തിനിടെ ജീവനൊടുക്കിയത് അഞ്ച് പൊലീസുകാരാണ്.വനിതാ പോലീസുകാർക്ക് ആവശ്യമായ റെസ്റ്റ് റൂമുകൾ പോലുമില്ലെന്നും എംഎൽഎ ചൂണ്ടിക്കാട്ടി. അടുത്തിടെ ആത്മഹത്യ ചെയ്ത പോലീസ് ഉദ്യോഗസ്ഥൻ ജോബിദാസിന്റെ ആത്മഹത്യാക്കുറിപ്പും എം എൽ എ നിയമസഭയിൽ വായിച്ചു. അതേസമയം ഔദ്യോഗിക ജീവിതത്തിലെ പ്രശ്നങ്ങളും ആത്മഹത്യകള്ക്ക് വഴിവെച്ചിട്ടുണ്ട് എന്നത് യാഥാര്ത്ഥ്യമാണെന്ന് മുഖ്യമന്ത്രി സഭയിൽ വിശദീകരിച്ചു. ഇത്തരത്തില് കാണുന്ന ആത്മഹത്യാപ്രവണതകള് കുറയ്ക്കുന്നതിനുള്ള ശ്രമങ്ങള് എല്ലാ ഘട്ടത്തിലും സര്ക്കാര് കൈക്കൊണ്ടിട്ടുണ്ടെന്നും മുഖ്യമന്ത്രി സഭയിൽ വ്യക്തമാക്കി.
"സേനാംഗങ്ങള്ക്കിടയിലെ ആത്മഹത്യക്കുള്ള കാരണങ്ങളില് കൂടുതലും കുടുംബപ്രശ്നങ്ങളും സാമ്പത്തികപ്രശ്നങ്ങളും പല തരത്തിലുള്ള ആരോഗ്യപ്രശ്നങ്ങളും കൂടാതെ ഇതില്നിന്നും ഉരുത്തിരിയുന്ന മാനസിക സംഘര്ഷങ്ങളുമാണെന്നാണ് പൊതുവെ കണ്ടിട്ടുള്ളത്. എന്നാല്, ഔദ്യോഗിക ജീവിതത്തിലെ പ്രശ്നങ്ങളും ആത്മഹത്യകള്ക്ക് വഴിവെച്ചിട്ടുണ്ട് എന്നത് യാഥാര്ത്ഥ്യമാണ്. ഇത്തരത്തില് കാണുന്ന ആത്മഹത്യാപ്രവണതകള് കുറയ്ക്കുന്നതിനുള്ള ശ്രമങ്ങള് എല്ലാ ഘട്ടത്തിലും സര്ക്കാര് കൈക്കൊണ്ടിട്ടുണ്ട്.
ആധുനിക കാലത്ത് തൊഴിലിടങ്ങളില് ജീവനക്കാര് അനുഭവിക്കുന്ന മാനസിക സംഘര്ഷങ്ങള് ലഘൂകരിക്കുന്നതിനുള്ള വിവിധ തരത്തിലുള്ള ഇടപെടലുകളാണ് നിലനില്ക്കുന്നത്. മാറിയ ജീവിത നിലവാരവും ജീവിതശൈലിയും സമൂഹത്തില് വരുത്തിയ മാറ്റം സമൂഹത്തിന്റെ എല്ലാ മേഖലയിലുമെന്നപോലെ പോലീസ് ഉദ്യോഗസ്ഥരുടെ ജീവിതത്തിലും പലതരത്തില് സ്വാധീനിച്ചിട്ടുണ്ട്.
തിരക്കേറിയ ജീവിതവും തുറന്ന ആശയവിനിമയത്തിന്റെ അഭാവവും ആളുകളില് മാനസിക സംഘര്ഷം വര്ദ്ധിപ്പിക്കാന് ഇടയാക്കിയിട്ടുണ്ട്. പോലീസുദ്യോഗസ്ഥര്ക്കിടയില് ആത്മഹത്യാ പ്രവണത ഇല്ലാതാക്കുന്നതിനും മാനസിക സംഘര്ഷം കുറയ്ക്കുന്നതിനും പോലീസ് വകുപ്പും സര്ക്കാരും നിരവധി കര്മ്മ പദ്ധതികള് ആവിഷ്ക്കരിച്ച് നടപ്പിലാക്കിവരുന്നുണ്ടെന്ന് മുഖ്യമന്ത്രി പറഞ്ഞു.
അതേസമയം പോലീസ് സേനയിൽ എട്ടുമണിക്കൂർ ജോലി എന്ന ആവശ്യം പെട്ടെന്ന് നടപ്പിലാക്കാൻ സാധിക്കില്ലെന്നും മുഖ്യമന്ത്രി മറുപടി നൽകി. എന്നാൽ, ഇത് ലക്ഷ്യമിട്ടുകൊണ്ടുള്ള പ്രവർത്തനമാണ് സർക്കാർ നടത്തിവരുന്നതെന്നും തിരക്കുള്ള 52 സ്റ്റേഷനുകളിൽ നടപ്പിലാക്കിയതായും കൂടുതൽ സ്റ്റേഷനുകളിലേക്ക് ഇത് വ്യാപിപ്പിക്കുമെന്നും മുഖ്യമന്ത്രി പറഞ്ഞു.
-
പത്തനംതിട്ടയിൽ അഞ്ചിടത്തും പഞ്ചതന്ത്രം പയറ്റി മുന്നണികൾ -
'ഭാര്യയുടെ നാഭിക്ക് ചവിട്ടിയവന് കൊടുത്ത സ്ഥാനം എന്നെക്കൊണ്ട് പറയിക്കണ്ട', പിണറായിക്ക് മറുപടിയുമായി രാഹുൽ -
ത്രികോണപ്പോര് മുറുകി തലസ്ഥാന ജില്ല, മൂന്ന് ഹോട്ട്സ്പോട്ടുകൾ -
യു പ്രതിഭയെ അപമാനിച്ച് ലീഗ് നേതാവ്, കണ്ണീരോടെ ഇടത് സ്ഥാനാർത്ഥി, അപലപിച്ച് മുഖ്യമന്ത്രി പിണറായി വിജയൻ -
'മാധ്യമങ്ങളാൽ നിർമ്മിക്കപ്പെട്ട ബിംബമല്ല പിണറായി വിജയൻ, സച്ചിദാനന്ദന്റേത് അരാഷ്ട്രീയ വാദം'; ബി ഉണ്ണികൃഷ്ണൻ -
മോഹൻലാലുമായുള്ള മുഖ്യമന്ത്രിയുടെ അഭിമുഖത്തിന് ചിലവായത് ലക്ഷങ്ങൾ! ഉപയോഗിച്ചത് സർക്കാർ ഫണ്ട് -
സൗദി അറേബ്യയും ഖത്തറും വീണു; ലാഭം കൊയ്യാന് മറ്റൊരു രാജ്യം, ബ്രിട്ടനില് സുപ്രധാന ചര്ച്ച -
സ്വർണ വില പ്രവചനം തിരുത്തി വിദഗ്ജർ; പക്ഷെ പവന് 2.2 ലക്ഷം രൂപയാകും, ഗ്രാം വില 29000 -
സ്വര്ണം ഗിയര് മാറ്റി; ഇന്ന് വന് കുതിപ്പ്, ആഭരണം പൊള്ളും, ട്രംപിന്റെ വാക്കുകള് ഏറ്റു, ഇന്നത്തെ പവന് വില -
സ്വർണം വാങ്ങുന്നത് സേഫ് അല്ല, വിൽക്കാൻ നിൽക്കുന്നവരും പെട്ട് പോകും';സാമ്പത്തിക വിദഗ്ധ മേരി ജോർജ് -
ബിസിനസ്സിൽ സാമ്പത്തികനേട്ടം ഉണ്ടാകും, മത്സരപരീക്ഷകളില് വിജയ സാധ്യത, വിദേശത്ത് നിന്നും ധനലാഭം, നാൾഫലം -
മമ്മൂട്ടി ആ സിനിമയില് അനുകരിച്ചത് ഇദ്ദേഹത്തിന്റെ ഹെയര് സ്റ്റൈല്; തിയേറ്ററുകള് കിടുങ്ങിയ സീനുകള്
Click it and Unblock the Notifications
Sign in with Google