മൂവാറ്റുപുഴയില് സൈക്കിള് ചവിട്ടുന്നതിനിടെ 9 വയസ്സുകാരി കിണറ്റില് വീണു മരിച്ചു
മൂവാറ്റുപുഴ:സൈക്കിള് ചവിട്ടുന്നതിനിടെ നിയന്ത്രണം വിട്ട് ഒന്പതു വയസ്സുകാരി കിണറ്റില് വീണു മരിച്ചു. പോത്താനിക്കാട് ഏനാനിക്കല് ലൈജു ജെയിംസിന്റെയും ജിന്ജുവിന്റയും മകള് ജില്റ്റ മരിയ ലൈജു (9) ആണ് മരിച്ചത്. ശനിയാഴ്ച്ച വൈകിട്ട് നാലുമണിയോടെ വീടിനടുത്തായിരുന്നു അപകടം.
സഹോദരന് ജില്ബര്ട്ടിനൊപ്പം സൈക്കിള് ചവിട്ടുകയായിരുന്ന ജില്റ്റ കുത്തനെയുളള ഇറക്കത്തില് നിയന്ത്രണം വിട്ട് സമീപത്തുളള കിണറിനു സമീപം വീഴുകയായിരുന്നു. കിണറിന് തകര ഷീറ്റുകൊണ്ടുളള ആള്മറയുണ്ടായിരുന്നെങ്കിലും വീഴ്ച്ചയുടെ ആഘാതത്തില് ഷീറ്റുകള്ക്കിടയിലൂടെ കുട്ടി 30 അടിയുളള കിണറിലേയ്ക്കു വീണു. നിറയെ ചെടികളും വള്ളികളും മൂടിക്കിടന്ന സ്ഥലത്തായിരുന്നു കിണര്. അപകടം നടന്ന ഉടന് സമീപത്തു താമസിക്കുന്നവര് എത്തിയെങ്കിലും കുട്ടിയെ രക്ഷിക്കാനായില്ല.
ഗര്ഭിണികള് പാരസെറ്റമോള് ഉപയോഗിച്ചാല് കുട്ടികള്ക്ക് ഓട്ടിസം സംഭവിച്ചേക്കാം
സൈക്കിള് കിണറിന് സമീപത്തു തന്നെ കിടന്നിരുന്നു. മൂവാറ്റുപുഴയില് നിന്ന് ഫയര്ഫോഴ്സ് എത്തി കുട്ടിയെ പുറത്തെടുത്തപ്പോഴേയ്ക്കും മരിച്ചിരുന്നു. മൂവാറ്റുപുഴ നിര്മ്മല് പബ്ലിക്ക് സ്കൂളിലെ നാലാം ക്ലാസ് വിദ്യാര്ത്ഥിനിയാണ് ജില്റ്റ. ജില്റ്റയുടെ അച്ഛന് ലൈജു വിദേശത്താണ്.