സ്വരൂപിക്കേണ്ടത് 10 ലക്ഷം രൂപ: വൃക്ക രോഗബാധിതനായ യുവാവ് ശസ്ത്രക്രിയക്കായി സഹായം തേടുന്നു

വയനാട്: വൃക്ക രോഗബാധിതനായ യുവാവ് സുമനസ്സുകളുടെ കാരുണ്യം തേടുന്നു. വയനാട് കാട്ടിക്കുളം അണമല അടിച്ചേരിക്കണ്ടി പ്രവീൺ (35) ആണ് ഇരുവൃക്കകളും തകരാറിലായി ദീർഘനാളായി ചികിത്സയില്‍ കഴിയുന്നത്. കോഴിക്കോട് ഗവ. മെഡിക്കൽ കോളജ് ആശുപത്രിയിലെ തീവ്രപരിചരണ വിഭാഗത്തിൽ ചികിത്സയില്‍ കഴിയുന്ന മുന്‍ മാധ്യമപ്രവർത്തകന്‍ കൂടിയായ പ്രവീണ്‍ ആഴ്ച്‌ചയിൽ 3 തവണ ഡയാലിസിസ് ചെയ്താണു ജീവൻ നിലനിർത്തിയിരുന്നത്.

വൃക്ക മാറ്റിവയ്ക്കൽ മാത്രമാണ് പഴയ ജീവിതത്തിലേക്കു തിരിച്ചെത്താനുള്ള ഏക പോംവഴി. വൃക്ക നൽകാൻ അമ്മ ശാന്ത തയാറാണ്. എന്നാൽ സർജറിക്കും തുടർ ചികിത്സയ്ക്കുമായി മാത്രം പത്ത് ലക്ഷം രൂപയോളം ചിലവ് വരും. കോഴിക്കോട് മെഡിക്കൽ കോളേജില്‍ വെച്ച് തന്നെയാണ് സർജറി നടത്തുന്നത്. സർജറി കഴിഞ്ഞാല്‍ ആറുമാസമെങ്കിലും ആശുപത്രിക്ക് അടുത്ത് വീട് വാടകയ്ക്ക് എടുത്തു താമസിക്കേണ്ടി വരും. സർജറി, തുടർ ചികിത്സ, താമസം തുടങ്ങിയ എല്ലാ ചിലവുകള്‍ക്കുമായാണ് പത്ത് ലക്ഷം രൂപ കണ്ടെത്തേണ്ടത്.

നിലവിൽ തന്നെ കടുത്ത സാമ്പത്തിക ബുദ്ധിമുട്ടിലായ കുടുംബത്തിന് ഈ തുക കണ്ടെത്തല്‍ പ്രയാസകരമായ സാഹചര്യത്തിലാണ് സുമനസ്സുകളുടെ സഹായം തേടുന്നത്. അസുഖം കാരണം ഒരു വർഷത്തോളമായി പ്രവീണിനും ജോലിക് പോവാൻ കഴിഞ്ഞിരുന്നില്ല. ഈ സാഹചര്യത്തില്‍ രാജേന്ദ്ര പ്രസാദ് ചെയർമാനും സികെ മനോജ് കൺവീനറുമായി ചികിത്സാ സഹായ കമ്മിറ്റി രൂപീകരിച്ചിട്ടുണ്ട്.

കേരള ഗ്രാമീൺ ബാങ്ക് കാട്ടിക്കുളം ശാഖയിൽ 40404101135880 നമ്പർ അക്കൗണ്ട് (ഐഎഫ്എസ്സി-KLGB0040404) തുറന്നിട്ടുണ്ട്. പ്രവീണിന്റെ 9847431532 നമ്പർ വഴി ഗൂഗിൾ പേയിലൂടെയും സഹായം നൽകാം. നാട്ടിലെ ഏതു കാര്യങ്ങൾക്കും മുന്നിലുണ്ടായിരുന്ന പ്രവീണിനെ ജീവിതത്തിലേക്ക് തിരികെയെത്തിക്കാൻ നല്ലവരായ ജനങ്ങള്‍ തുണയ്ക്കുമെന്ന പ്രതീക്ഷയിലാണു കമ്മിറ്റി ഭാരവാഹികൾ.

Account details

AC NO: 40404101135880
IFSC : KLGB0040404
Kerala Gramin Bank
Kartikulam Branch

Gpay no : 9847431532

English summary

A 35-year-old youth from Wayanad is seeking ₹10 lakh for kidney surgery