കാര്യങ്ങൾ അതിവേഗം അറിയാൻ
നോട്ടിഫിക്കേഷൻ അനുവദിക്കൂ  
For Daily Alerts
Oneindia App Download

കുട്ടനാട്ടില്‍ ഒഴുകുന്ന മൃഗാശുപത്രി

  • By Soorya Chandran
Google Oneindia Malayalam News

ആലപ്പുഴ: കായലിന്റെ നാടാണ് കുട്ടനാട്. പല വീടുകളിലും ബൈക്കും കാറും ഒന്നുമില്ലെങ്കിലും വള്ളങ്ങള്‍ ആവശ്യത്തിനുണ്ടാകും. കുട്ടനാട്ടുകാര്‍ക്ക് എവിടെപ്പോകണമെങ്കിലും വള്ളം അത്യാവശ്യമായിരുന്ന ഒരു കാലം ഉണ്ടായിരുന്നു. ഇപ്പോഴും അതിന് വലിയ മാറ്റമൊന്നും ഇല്ല.

ആളുകള്‍ക്ക് അസുഖം വന്നാല്‍ വള്ളത്തില്‍ കയറ്റി കൊണ്ടുപോകാം. പക്ഷേ വീട്ടിലെ വളര്‍ത്തുമൃഗള്‍ക്ക് അസുഖം വന്നാലോ. ചെറിയ മൃഗങ്ങളെയൊക്കെ വള്ളത്തില്‍ തന്നെ കൊണ്ടുപോകാം. പക്ഷെ പശുവിനേയും കാളയേയും ഒക്കെ കൊണ്ടുപോകാന്‍ വലിയ ബുദ്ധിമുട്ടാണ്. സഞ്ചരിക്കുന്ന ഒരു മൃഗാശുപത്രി കുട്ടനാട്ടുകാരുടെ ഏറെ നാളത്തെ ഒരു സ്വപ്‌നമായിരുന്നു.

Kuttanad

ഒടുവില്‍ കേരള മൃഗ സംരക്ഷണ വകുപ്പ് ആ സ്വപ്‌നം യാഥാര്‍ത്ഥ്യമാക്കുകയാണ്. കുട്ടനാട്ടില്‍ ഒഴുകുന്ന മൃഗാശുപത്രി വരുന്നു. നാട്ടുകാരുടെ വളര്‍ത്തുമൃഗങ്ങള്‍ക്ക് സൗജന്യ ചികിത്സയും മരുന്നുകളും നല്‍കും ഈ ഓളങ്ങളിലെ മൃഗാശുപത്രി.

ഏതാണ് 45 ലക്ഷം രൂപയുടെ പദ്ധതിയാണ് തയ്യാറാക്കിയിരിക്കുന്നത്. ഒരു മൃഗ ഡോക്ടറും ലൈവ്‌സ്‌റ്റോക്ക് ഇന്‍സ്‌പെക്ടറും അറ്റന്‍ഡറും ഡ്രൈവറും അടങ്ങുന്നതായിരിക്കും ആശുപത്രി. എല്ലാ പ്രവര്‍ത്തിദിനങ്ങളിലും 10 മണി മതല്‍ വൈകീട്ട് നാല് മണിവരെ ഈ സഞ്ചരിക്കുന്ന മൃഗാശുപത്രിയില്‍ സേവനങ്ങള്‍ ലഭ്യമാകും. ഓരോ ഗ്രാമപഞ്ചായത്തിലും വള്ളത്തിലെ ആശുപത്രി സന്ദര്‍ശനം നടത്തും. ഫോണ്‍ ചെയ്ത് വിവരം പറഞ്ഞാല്‍ വീടുകളിലെത്തിയും ചികിത്സ നടത്തും.

ഈ വര്‍ഷം തന്നെ പദ്ധതി പ്രാവര്‍ത്തികമാക്കാനുള്ള തയ്യാറെടുപ്പിലാണ് അധികൃതര്‍.

English summary
In a move that will fulfil the long-pending demand of the people in Kuttanad, the Kerala state animal husbandry department's Alappuzha wing has mooted a floating veterinary clinic in the area.
വാർത്തകൾ അതിവേഗം അറിയൂ
Enable
x
Notification Settings X
Time Settings
Done
Clear Notification X
Do you want to clear all the notifications from your inbox?
Settings X
X