Click it and Unblock the Notifications
Just In
Don't Miss
-
IPL 2024: 17ാം ഓവര് എറിയാനെത്തിയത് ഹാര്ദിക്, തടുത്ത് രോഹിത്; കളി മാറ്റിയ തന്ത്രം ഇതാണ് -
സ്വപ്നങ്ങള് യാഥാര്ത്ഥ്യമാക്കാം, പടിപടിയായി ഇക്കാര്യങ്ങള് ചെയ്താല് മതി -
അന്സിബ കിണറ്റില് ചാടാന് പറഞ്ഞാലും ഋഷി ചാടും; 30 ദിവസം കഴിഞ്ഞിട്ടും ഒരു ഗുണവും ഇല്ല -
പ്രശസ്ത നിർമാതാവ് സ്വന്തമാക്കിയ വാഹനം കണ്ടോ, ബോളിവുഡിൽ ഇപ്പോൾ ബെൻസിൻ്റെ ചാകര -
വാലിഡിറ്റിക്ക് ഈ തറവാട്ടിൽ ഒരു പഞ്ഞവുമില്ല! രണ്ട് മാസത്തേക്ക് ദേ ഈ ബിഎസ്എൻഎൽ പ്ലാൻ ബെസ്റ്റാ -
തുടർച്ചയായ അഞ്ചാം വർഷവും ബുൾ റൺ, നാല് വർഷത്തെ നേട്ടം 2765%, ഈ ഓഹരി പൊളിയാണ് -
ആവേശം ദാ ഇവിടെ.. വണ്ടിയെടുത്ത് പോകാം! കിടിലം ആണ് ഈ റൂട്ടുകളും ഇതുവഴിയുള്ള ഡ്രൈവും!
വഞ്ചിയൂര്‍ കോടതിയില്‍ നാടകീയ രംഗങ്ങള്‍, ജില്ലാ മജിസ്‌ട്രേറ്റിനെ കോടതിയില്‍ തടഞ്ഞ് ഒരു സംഘം അഭിഭാഷകർ
വഞ്ചിയൂര്‍: തിരുവനന്തപുരം വഞ്ചിയൂര്‍ കോടതിയില്‍ നാടകീയ രംഗങ്ങള്‍. ജില്ലാ മജിസ്‌ട്രേറ്റ് ദീപ മോഹനെ കോടതിയില്‍ ഒരു സംഘം അഭിഭാഷകര്‍ ചേര്‍ന്ന് തടഞ്ഞു. വാഹനാപകടക്കേസിലെ പ്രതിയുടെ ജാമ്യം കോടതി റദ്ദാക്കിയതിന് പിന്നാലെയാണ് ഒരു കൂട്ടം അഭിഭാഷകര്‍ മജിസ്‌ട്രേറ്റിന് എതിരെ പ്രതിഷേധവുമായി രംഗത്ത് വന്നത്. ഉച്ചയോടെ ചേംബറില്‍ കയറിയാണ് വക്കീലന്മാര്‍ മജിസ്‌ട്രേറ്റിനെ തടഞ്ഞ് വെച്ചത്.
കെഎസ്ആര്‍ടിസി ബസ്സിടിച്ച് ഒരു സ്ത്രീക്ക് പരിക്കേറ്റ കേസില്‍ ഡ്രൈവറായ മണിയുടെ ജാമ്യം ജുഡീഷ്യല്‍ ഫസ്റ്റ് ക്ലാസ് മജിസ്‌ട്രേറ്റായ ദീപ മോഹന് റദ്ദാക്കിയിരുന്നു. പാപ്പനംകോട് കെഎസ്ആര്‍ടിസി ഡിപ്പോയിലെ ജീവനക്കാരനാണ് മണി.
മണി ഭീഷണിപ്പെടുത്തുന്നതായി പരാതിക്കാരി കോടതിയെ അറിയിച്ചിരുന്നു. ഇതിനെ തുടര്‍ന്നാണ് ജാമ്യം റദ്ദാക്കിയത്. ഒത്തുതീര്‍പ്പ് നീക്കത്തില്‍ നിന്ന് സാക്ഷി പിന്മാറുകയുമുണ്ടായി. ജാമ്യം റദ്ദാക്കിയ വിവരം പ്രതിയുടെ അഭിഭാഷകന്‍ ബാര്‍ അസോസിയേഷന്‍ ഭാരവാഹികളെ അറിയിച്ചു. തുടര്‍ന്നാണ് അഭിഭാഷകന്‍ ചേംബറിലെത്തി മജിസ്‌ട്രേറ്റിനെ തടഞ്ഞ് വെച്ച് പ്രതിഷേധിച്ചത്.
കോടതി റിമാന്‍ഡ് ചെയ്ത പ്രതിയെ അഭിഭാഷകര്‍ മോചിപ്പിക്കാന്‍ ശ്രമിച്ചതായും ആരോപണമുണ്ട്. അഭിഭാഷകരുടെ നടപടിക്കെതിരെ മജിസ്‌ട്രേറ്റ് ചീഫ് ജുഡീഷ്യല്‍ മജിസ്‌ട്രേറ്റിന് പരാതി നല്‍കിയിട്ടുണ്ട്. അതേസമയം ജസ്റ്റിസ് ദീപ മോഹന് എതിരെ നേരത്തെയും പല പരാതികളും ഉയര്‍ന്ന് വന്നിട്ടുളളതായും ചട്ടവിരുദ്ധമായ നടപടികളാണ് പല തവണ ഉണ്ടായിട്ടുളളതെന്നും വഞ്ചിയൂര്‍ ബാര്‍ അസോസിയേഷന്‍ പ്രസിഡണ്ട് അഡ്വക്കേറ്റ് കെപി ജയചന്ദ്രന്‍ പ്രതികരിച്ചു.
