ചോറും കറിയും ചോദിച്ച് വാങ്ങുന്ന ഒരു തത്തമ്മ കുട്ടി, വീഡിയോ കാണൂ

തിരുവനന്തപുരം: വളര്‍ത്തു ജീവികളെ ഇഷ്ടമല്ലാത്തവര്‍ കുറവാണല്ലോ. വീട്ടില്‍ ഇണക്കി വളര്‍ത്താന്‍ പറ്റിയ ഒരു ജീവിയാണ് തത്തമ്മ. വീട്ടുകാരുടെ സംസാരം അനുകരിച്ച് അതേ പടി പറയുമെന്നതാണ് ചില തത്തകളുടെ പ്രത്യേകത. അത്തരത്തില്‍ ചോറും കറിയുമൊക്കെ ചോദിച്ച് വാങ്ങുന്ന ഒരു തത്തമ്മയുടെ വീഡിയോ യൂട്യൂബില്‍ തരംഗമായി മാറുന്നു.

ഷാജു സിഐ എന്നയാള്‍ അപ്ലോഡ് ചെയ്ത സംസാരിയ്ക്കുന്ന തത്തമ്മയുടെ വീഡിയോയാണ് വൈറലാകുന്നത്. 2011ലാണ് വീഡിയോ അപ്ലോഡ് ചെയ്തത്. എന്നാല്‍ അടുത്തിടെയാണ് ഇത് ഏറെ ശ്രദ്ധിയ്ക്കപ്പെട്ടത്.

വീട്ടുകാര്‍ക്കും അതിഥികള്‍ക്കും തലകുലുക്കി ടാറ്റ പറയുകയും ഗുഡ്‌മോര്‍ണിഗ് പറയുകയുമാണ് ഈ തത്ത. മാത്രമല്ല എപ്പോഴും വീട്ടുകാരോട് ചോറും കറിയും ചേദിയ്ക്കുകയും ചെയ്യും. വീട്ടുകാരെ പേരെടുത്ത് വിളിയ്ക്കുന്ന തത്തമ്മയുടെ കൂട്ടുകാര്‍ വീട്ടില്‍ വളര്‍ത്തുന്ന കോഴികളാണ്.

'തത്തമ്മക്കുട്ടി വായോ' എന്ന് വീട്ടുകാര്‍ വിളിയ്ക്കുമ്പോള്‍ അത് അനുകരിയ്ക്കാറുമുണ്ട്.മാത്രമല്ല തത്തമ്മക്കുട്ടിയ്ക്ക് സുഖമാണെന്നും പറയും. പഠിച്ച പല കാര്യങ്ങളും തത്തമ്മക്കുട്ടി മറന്ന് പോയെങ്കിലും കാണാനെത്തുന്നവര്‍ക്ക് മുന്നില്‍ ഓര്‍മ്മയുള്ള കാര്യങ്ങളൊക്കെ നിര്‍ത്താതെ പറയുകയാണ്. വീഡിയോ കണ്ട ആളുകള്‍ക്കുള്ള ഒരു പരാതി തത്തമ്മയുടെ കൂട് വളരെ ചെറുതാണെന്നാണ്. ഇക്കാര്യം വീട്ടുകാര്‍ ഇതിനോടകം തന്നെ പരിഗണിച്ച് കാണും.

English summary

A talking parrot's video goes viral in You Tube.