വീണ്ടും സഖാവ് ആഷിക് അബു.. ജനങ്ങളെ മുഴുവന് സസ്പെന്ഡ് ചെയ്യണം
കൊച്ചി: കെഎം മാണിക്കെതിരെ എന്റെവക 500 ഹാഷ്ടാഗിന് തുടക്കം കുറിച്ച സിനിമ സംവിധായകന് ആഷിക് അബു സര്ക്കാരിനെതിരെ വീണ്ടും രംഗത്ത്. നിയമസഭയില് നിന്ന് അഞ്ച് പ്രതിപക്ഷ എംഎല്എമാരെ സസ്പെന്റ് ചെയ്തതിനോടാണ് ഇത്തവണ ആഷികിന്റെ പ്രതികരണം.
ഈ നാട്ടിലെ മുഴുവന് ജനങ്ങളേയും സസ്പെന്റ് ചെയ്യണം എന്നാണ് ആഷിക് അബുവിന്റെ ഫേസ്ബുക്ക് പോസ്റ്റ്. ഡാര്ക്ക് ഏജ് എന്ന ഹാഷ്ടാഗും ഉണ്ട്.
ബാര് കോഴ വിവാദത്തില് കെഎം മാണിക്കെതിരെ കൈക്കൂലി ആരോപണം കത്തി നില്ക്കുമ്പോഴാണ് ആഷിക് അബു എന്റെവക500 എന്ന ഹാഷ്ടാഗ് തുറന്ന് വിട്ടത്. പിന്നീടത് ഫേസ്ബുക്കില് തരംഗമായി. ഇതിന്റെ പേരില് ആഷിക്കിന് ഏറെ പഴി കേള്ക്കേണ്ടിയും വന്നു.
പിന്നീട് കൊച്ചി കൊക്കെയ്ന് കേസുമായി ബന്ധപ്പെടുത്തി ആഷിക് അബുവിന്റേയും ഭാര്യ റീമ കല്ലിങ്കലിന്റേയും പേരുകള് ഉയര്ന്നുവന്നു. ബാര് കോഴയില് മാണിക്കെതിരെ ഫേസ്ബുക്കില് പരാമര്ശം നടത്തിയതിന്റെ പ്രതികാരമായാണ് ആഷിക്കിന്റെ പേര് മയക്കുമരുന്ന് കേസില് പ്രചരിപ്പിച്ചതെന്നും ആക്ഷേപം ഉയര്ന്നിരുന്നു.
എന്തായാലും സിപിഎമ്മിനോട് ഏറെ അടുപ്പമുള്ള ആളാണ് ആഷിക് അബു. പഠിക്കുന്ന കാലത്ത് എസ്എഫ്ഐയില് സജീവമായിരുന്നു. സിപിഎം സംസ്ഥാന സമ്മേളനത്തിന്റെ ഉദ്ഘാടന സമ്മേളനത്തിലും ആഷിക് അബുവിന് ക്ഷണമുണ്ടായിരുന്നു.