Click it and Unblock the Notifications
Just In
Don't Miss
-
അരി കുതിര്ക്കേണ്ട, വെള്ളത്തിലിടണ്ട, കാത്തുനില്ക്കേണ്ട: 15 മിനിറ്റില് ഉണ്ണിയപ്പം -
അച്ഛന്റെ കൂടെ സംസാരിക്കാനോ പുറത്ത് പോകാനോ അനുവാദമില്ലായിരുന്നു; ബ്രേക്കപ്പിന്റെ സമയത്ത് മരണം; സൗഭാഗ്യ -
IPL 2024: 9 പന്തില് 28, സ്ട്രൈക്ക് റേറ്റ് 311! കത്തിക്കയറി ധോണി; പക്ഷെ ആരാധകര്ക്ക് നിരാശ -
മുങ്ങിത്താഴ്ന്ന ഥാറിനെ രക്ഷപ്പെടുത്തി മറ്റൊരു ഥാർ, ഞെട്ടിക്കുന്ന വൈറൽ വീഡിയോ കണ്ടോ -
ദിവസവും 233 രൂപ മാറ്റിവയ്ക്കാമോ, 12 ലക്ഷം രൂപ കയ്യിലെത്തും, ഇതാണ് പോസ്റ്റ് ഓഫീസ് പദ്ധതി -
കൊട്ടിയൂർ വൈശാഖോത്സവം 2024: ദർശനം പോലും പുണ്യം! അറിയാം പ്രധാന തിയതികളും വിശേഷ ദിവസങ്ങളും -
വാങ്ങാൻ ഒരു നിമിഷം പോലും പാഴാക്കരുത്, മോട്ടറോളയുടെ ജീനിയസ് സ്മാർട്ട്ഫോണിന് 5000 രൂപ ഡിസ്കൗണ്ട്!
ചോദ്യ പേപ്പറിലെ ചന്ദ്രക്കല; പ്രസ്സിനെ കരിമ്പട്ടികയില്‍ പെടുത്തുമെന്ന് മന്ത്രി
തിരുവനന്തപുരം: പത്താംക്ലാസ് വിദ്യാര്‍ഥികളുടെ ചോദ്യ പേപ്പറുകളില്‍ മുസ്ലീം ലീഗിന്റെ ചിഹ്നമായ ചന്ദ്രക്കലയും നക്ഷത്രവും പതിപ്പിക്കാന്‍ ആര്‍ക്കും നിര്‍ദ്ദേശം നല്‍കിയിട്ടില്ലെന്ന് വിദ്യാഭ്യാസ മന്ത്രി അബ്ദു റബ്ബ്. സംഭവം വിവാദമായതോടെയാണ് വിശദീകരണവുമായി മന്ത്രി രംഗത്തെത്തിയത്.
പത്താംക്ലാസിലെ ഇംഗ്ലീഷ് മീഡിയം സാമൂഹ്യശാസ്ത്രത്തിന്റെ ചോദ്യ പേപ്പറിലാണ് ചന്ദ്രക്കലയും നക്ഷത്രവും ചേര്‍ത്തിരിക്കുന്നത്. വിദ്യാഭ്യാസ വകുപ്പ് ഭരിക്കുന്നത് മുസ്ലീം ലീഗ് ആയതിനാല്‍ ഇത്തരം ചിഹ്നം ചോദ്യപേപ്പറില്‍ വന്നതിനെതിരെ പ്രതിഷേധവും തുടങ്ങിക്കഴിഞ്ഞു. ഹിന്ദു സംഘടനകളാണ് പ്രധാനമായും പ്രതിഷേധം ഏറ്റെടുത്തത്.
അതേസമയം, ചോദ്യപേപ്പര്‍ അച്ചടി രഹസ്യ സ്വഭാവമുള്ളതിനാല്‍ സംസ്ഥാനത്തിന് പുറത്തുള്ള പ്രസ്സുകളിലാണ് അച്ചടി നടക്കുന്നതെന്ന് മന്ത്രി പറഞ്ഞു. ചോദ്യ പേപ്പര്‍ അവസാനിക്കുന്നിടത്ത് ചിഹ്നങ്ങള്‍ ചേര്‍ക്കുന്നത് പ്രസ്സുകളാണ്. സര്‍ക്കാര്‍ നിര്‍ദ്ദേശ പ്രകാരമല്ല ഇതു ചേര്‍ക്കുന്നത്. വരും വര്‍ഷങ്ങളില്‍ ഇത്തരം ചിഹ്നങ്ങള്‍ ഒഴിവാക്കാന്‍ നിര്‍ദ്ദേശം നല്‍കിക്കഴിഞ്ഞതായി അദ്ദേഹം വ്യക്തമാക്കി.
മാത്രമല്ല, മുസ്ലീംലീഗിനെ പ്രതിസ്ഥാനത്തു നിര്‍ത്തുന്ന സംഭവം ആയതിനാല്‍ പ്രസ്സിനെ കരിമ്പട്ടികയില്‍ പെടുത്തി ചോദ്യ പേപ്പര്‍ അച്ചടിയില്‍ നിന്നും മാറ്റി നിര്‍ത്തുമെന്നും അദ്ദേഹം പറഞ്ഞു. ചോദ്യ പേപ്പറില്‍ മുസ്ലീം ലീഗ് ചിഹ്നം കടന്നുവന്നതിനെ കുറിച്ച് പൊതു വിദ്യാഭ്യാസ വകുപ്പ് ഡയറക്ടര്‍ അന്വേഷണത്തിന് ഉത്തരവിട്ടിട്ടുണ്ട്.
