മദനിയ്ക്ക് ഈദ് നമസ്ക്കാരത്തില്‍ വിലക്ക് ഏര്‍പ്പെടുത്തി

ബാംഗളൂര്‍: പെരുന്നാള്‍ നമസ്‌ക്കാരത്തില്‍ നിന്ന് അബ്ദുള്‍ നാസര്‍ മദനിയ്ക്ക് വിലക്ക്. കര്‍ണാടക ആഭ്യന്തര സെക്രട്ടറിയുടെ നിര്‍ദ്ദേശത്തെത്തുടര്‍ന്നാണ് വിലക്ക്. തുടര്‍ന്ന് മദനിയ്ക്ക് ഈദ് നമസ്‌ക്കാരം നടത്താനായില്ല.ആഭ്യാന്തര സെക്രട്ടറിയുടെ നിര്‍ദ്ദേശ പ്രകാരം പൊലീസാണ് മദനിയ്ക്ക് വിലക്ക് ഏര്‍പ്പെടുത്തിയത്. മദനി ആശുപത്രിവിട്ട് പുറത്ത് പോകരുതെന്നാണ് പൊലീസ് നിര്‍ദ്ദേശം.

ചെറിയപെരുന്നാള്‍ നമസ്‌ക്കാരത്തില്‍ നിന്ന് തന്നെ വിലക്കിയത് കര്‍ണാടക സര്‍ക്കാരിന്റെ അറിവോടെയാണെന്നും ദുഖമുണ്ടെന്നും മദനി. പെരുന്നാള്‍ നമസ്‌ക്കാരത്തില്‍ എല്ലാരോടും ഒപ്പം പങ്കെടുക്കണമെന്ന് ആഗ്രമുണ്ടായിരുന്നു. എന്നാല്‍ നമസ്‌ക്കാരം വിലക്കിക്കൊണ്ടുള്ള രേഖാമൂലമുള്ള നിര്‍ദ്ദേശം ലഭിച്ചിട്ടില്ലെന്നും അബ്ദുള്‍ നാസര്‍ മദനി. ഇത്തരമൊരു നിര്‍ദ്ദേശം ലഭിച്ചാല്‍ നിയമപരമായ നടപടികളിലേയ്ക്ക് നീങ്ങുമെന്നും മദനി.

കഴിഞ്ഞ ദിവസം മുഖ്യമന്ത്രി ഉമ്മന്‍ചാണ്ടി സൗഖ്യ ആശുപത്രിയിലെത്തി മദനിയെ സന്ദര്‍ശിച്ചിരുന്നു. മദനിയ്ക്ക് പെരുന്നാള്‍ സമ്മാനവും മുഖ്യമന്ത്രി നല്‍കിയരുന്നു. കാഴ്ച ശക്തി കുറഞ്ഞതിനാല്‍ സ്വന്തം നിലയ്ക്ക് ചികിത്സ തേടാന്‍ മദനിയ്ക്ക് സുപ്രീം കോടതി ഒരുമാസക്കാലത്തെ ഇടക്കാല ജാമ്യം അനുവദിച്ചിരുന്നു.

English summary

Abdul Nazer Mahdani banned from Eid Prayers