സുരേഷ് ഗോപിയുടെ വട്ടവട സന്ദര്ശനം താരത്തിന്റേത് മര്യാദയില്ലാത്ത പ്രവര്ത്തിയെന്ന് ആരോപണം!!
വട്ടവട: വട്ടവടയിലെ അഭിമന്യുവിന്റെ വീട്ടില് സന്ദര്ശനം നടത്തിയ സുരേഷ്ഗോപി എം പി താരപകിട്ട് കാണിക്കാന് എത്തിയതോ? പലയിടങ്ങളില് നിന്നും ഉയരുന്ന ചോദ്യമാണിത്. ശനിയാഴ്ച വൈകിട്ടാണ് ബി ജെ പി പ്രവര്ത്തകരുടെ അകംമ്പടിയോടെ താരം വട്ടവടയിലെ അഭിയുടെ വീട്ടില് സന്ദര്ശനം നടത്തിയത്. എന്നാല് സിനിമാസ്റ്റൈലില് ആഡംബരകാറില് വന്നിറങ്ങിയ സുരേഷ്ഗോപി മരണ വീട്ടിലേക്കാണ് പോകുന്നതെന്ന് മറന്നു പോയോ എന്നാണ് പലരും ചോദിക്കുന്നത്.
താരം സെല്ഫിയെടുത്ത് വട്ടവടയിലെ ജനങ്ങള്ക്കൊപ്പം സന്ദോഷം പങ്കിട്ട് ആര്ത്ത് രസിക്കുകയായിരുന്നു എന്നാണ് സോഷ്യല്മീഡിയയിലടക്കം പലരും പ്രതികരിക്കുന്നത്. അഭിയുടെ വീട്ടില് എത്തിയ സുരേഷ്ഗോപി അഭിയുടെ അച്ഛനോട് പോലീസ് അന്വേഷണം തൃപ്തികരമാണോ എന്ന് ചോദിച്ചറിഞ്ഞു. സി പി എംലും എസ് എഫ് ഐലും പ്രവര്ത്തിച്ചതണ് മകന്റെ കൊലപാതകത്തിലേക്ക് വഴിതുറന്നതെന്ന പരാമര്ശവും സുരേഷ്ഗോപി നടത്തി.
എന്നാല് പാര്ട്ടിയില് വിശ്വാസമുണ്ടെന്നായിരുന്നു അഭിയുടെ അച്ഛന്റെയും വീട്ടുകാരുടെയും നിലപാട്.വീടുകളുടെ ശോച്യവസ്ഥ മനസിലാക്കിയ എം പി വട്ടവട ഗ്രാമ പഞ്ചായത്ത് പ്രസിഡന്റ് രാമരാജിനോട് വീടുകള് നിര്മ്മിച്ച് നല്കാത്തതെന്താണെന്ന് ചോദിച്ചു.
അര്ഹതപ്പെട്ടവര്ക്ക് വീടുകള് അനുവദിച്ചിട്ടുണ്ടെന്നും എപി എല് ലിസ്റ്റില് ഉള്പ്പെട്ടിരിക്കുന്നവര്ക്ക് വീടുകള് ലഭിക്കില്ലെന്ന നിയമം സുരേഷ്ഗോപിക്കറിയില്ലെന്നും രാമരാജ് പറഞ്ഞു. ചെരുപ്പും കറന്റുമുള്ളവന് എ പി എല് ആണെന്നും പലരും പറഞ്ഞതോടെ താരം മറുപടിക്ക് ഇടംകൊടുക്കാതെ പിന്മാറുകയുെ കൂടി നിന്നവരുമായി സെല്ഫി എടുക്കുകയുമായിരുന്നു. സെല്ഫിയെടുത്ത് തിരികെ മടങ്ങിയ താരത്തിന്റെ നടപടി മര്യദയില്ലാത്തതായിരുന്നു എന്നാണ് വിവിധ ഇടങ്ങളില് നിന്നുയരുന്ന വാദം.