മലയാളി പൊളിയല്ലേ...!, അബുദാബി ബിഗ് ടിക്കറ്റ് നറുക്കെടുപ്പില് 20 കോടി മലയാളിക്ക്
അബുദാബി: ലോകം മുഴുവനും ഇന്ന് കൊറോണ ഭീതിയില് കഴിയുകയാണ്. ഈ ദുരിതകാലത്തും ഭാഗ്യം മലയാളിയെ കൈവിടില്ലെന്ന് വ്യക്തമാക്കുന്ന ഒരു വാര്ത്തയാണ് പ്രവാസലോകത്ത് നിന്നും പുറത്തുവരുന്നത്. മറ്റൊന്നുമല്ല, അബുദാബി ബിഗ് ടിക്കറ്റ് നറുക്കെടുപ്പില് മലയാളിക്ക് ഒന്നാം സമ്മാനം നേടി. തൃശൂര് സ്വദേശിയായ ദിലീപ് കുമാറിനാണ് 20 കോടി രൂപയില് അധികം സമ്മാനമായി നേടിയത്. അതായത് 10 ദശലക്ഷം ദിര്ഹം. ഇന്നലെ നടന്ന നറുക്കെടുപ്പിലാണ് മലയാളി കോടിപതിയായത്.
കഴിഞ്ഞ ഏഴ് വര്ഷമായി യുഎഇയില് ജോലി നോക്കുന്ന ദിലീപ് 5000 ദിര്ഹമാണ് വേതനമായി വാങ്ങുന്നത്. ഓട്ടോ സ്പെയര്പാര്ട്സ് സ്ഥാപനത്തില് സെയില്സ്മാനായി ജോലി ചെയ്തുവരികയായിരുന്നു ദിലീപ്. ഏപ്രില് 14ന് ഓണ്ലൈനിലൂടെയാണ് ദിലീപ് ടിക്കറ്റ് വാങ്ങിയത്. നിലവില് തനിക്കുള്ള ബാങ്ക് വായ്പ അടച്ചുതീര്ക്കുകയാണ് അദ്യം ചെയ്യുകയെന്ന് അദ്ദേഹം പറഞ്ഞു. 16ഉം 9ഉം വയസുള്ള മക്കളുടെ മികച്ച ഭാവിക്ക് വേണ്ടിയും തുക ചെലവഴിക്കുമെന്നും അദ്ദേഹം കൂട്ടിച്ചേര്ത്തു. 5000 ദിര്ഹമാണ് ഒരു ടിക്കറ്റിന്റെ വില. മിക്കതവണയും ഈ നറുക്കെടുപ്പില് മലയാളികള്ക്കാണ് ഒന്നാം സമ്മാനം അടിക്കുക.