സ്കൂള് കുട്ടികളുമായി പോയ ജീപ്പ് മതിലില് ഇടിച്ച് മൂന്നു മരണം, സംഭവം എറണാകുളത്ത്!!
രണ്ടു കുട്ടികളും ഡ്രൈവറുമാണ് മരിച്ചത്
കൂത്താട്ടുകുളം: എറണാകുളം കൂത്താട്ടുകുളത്ത് സ്കൂള് കുട്ടികളുമായി പോയ ജീപ്പ് മതിലിടിച്ച് മൂന്നു പേര് മരിച്ചു. രണ്ടു കുട്ടികളും ജീപ്പ് ഡ്രൈവറുമാണ് മരിച്ചത്. കൂത്താട്ടുകുളം മേരിഗിരി സ്കൂളിലെ കുട്ടികളാണ് അപകടത്തില്പ്പെട്ടത്.
യുകെജി വിദ്യാര്ഥികളായ ആന്മരിയ ഷിജി, നയന ദിലീപ് എന്നിവരും ഡ്രൈവര് ജോസുമാണ് മരിച്ചത്. 13 കുട്ടികള്ക്കു പരിക്കേറ്റിട്ടുണ്ട്. ഇതില് രണ്ടു പേരുടെ നില ഗുരുതരമാണെന്നാണ് റിപ്പോര്ട്ട്. ഡ്രൈവര് ഉറങ്ങിപ്പോയതാണ് അപകടകാരണമെന്നാണ് പ്രാഥമിക നിഗമനം.
അപകടത്തില് ജീപ്പിന്റെ മുന്ഭാഗം പൂര്ണമായും തകര്ന്നു. വാഹനം വെട്ടിപ്പൊളിച്ചാണ് പരിക്കേറ്റ കുട്ടികളെ പുറത്തിറക്കിയത്.
ഗുരുതരാവസ്ഥയിലുള്ള കുട്ടികളെ കോട്ടയത്തെയും എറണാകുളത്തെയും ആശുപത്രികളിലേക്കു മാറ്റി.
Click it and Unblock the Notifications
Sign in with Google