തളിപ്പറമ്പില്‍ വാഹാനാപകടം, വടകര സ്വദേശി മരിച്ചു

കണ്ണൂര്‍: തളിപ്പറമ്പ് ദേശീയപാതയില്‍ കാറും ലോറിയും കൂട്ടിയിടിച്ച് വടകര സ്വദേശി മരിച്ചു. വടകര തിരുവള്ളൂരിലെ അബ്ദുള്‍റഹ്മാന്‍ ആണ് മരിച്ചത്. തളിപ്പറമ്പിലെ കുറ്റിക്കോലില്‍ ആയിരുന്നു അപകടം സംഭവിച്ചത്. അപകടത്തില്‍ രണ്ട് പേരുടെ നില അതീവ ഗുരുതരമാണ്.

തിങ്കളാഴ്ച രാവിലെ 7.15 ലോട് കൂടിയാണ് അപകടം നടന്നത്. പരിയാരം മെഡിക്കല്‍ കോളേജ് അവസാനവര്‍ഷ വിദ്യാര്‍ത്ഥിയായ ഷംഷീന(24) കാര്‍ ഡ്രൈവറായ വികെ ഹാരിസ്(25) എന്നിവരാണ് കാറിലുണ്ടായിരുന്ന മറ്റു രണ്ടു പേര്‍.

മകളെ കോളേജില്‍ കൊണ്ടുവിടുന്നതിനായി വടകരയില്‍ നിന്നും വരുന്ന വഴിയ്ക്കാണ് കണ്ണൂര്‍ ഭാഗത്തേക്ക് പോകുകയായിരുന്ന ലോറിയുമായി കൂട്ടിയിടിച്ചത്. ഇടിയുടെ ആഘാതത്തില്‍ കാറില്‍ താള്ചയിലേക്ക് മറിയുകയായിരുന്നു. കാറിന്റെ മുന്‍ സീറ്റില്‍ ഇരുന്ന റഹ്മാന് ഗുരുതരമായി പരിക്കു പറ്റിയിരുന്നു. ആശുപത്രിയിലേക്ക് കൊണ്ടു പോകുന്ന വഴിയ്ക്കാണ് മരണം സംഭവിച്ചത്. കനത്ത മഴയായിരിക്കാം അപകടത്തിന് കാരണമെന്ന് പറയുന്നു. സംഭവത്തില്‍ പോലീസ് അന്വേഷണം ആരംഭിച്ചിട്ടുണ്ട്.

English summary

Accident in taliparamba, died one person