കാര്യങ്ങൾ അതിവേഗം അറിയാൻ
നോട്ടിഫിക്കേഷൻ അനുവദിക്കൂ  
For Daily Alerts
Oneindia App Download

'ഇന്നിനി മരിച്ചാലും വേണ്ടില്ല', ഈ ദിവസത്തിന് വേണ്ടിയാണ് കാത്തിരുന്നതെന്ന് ജോമോന്‍ പുത്തന്‍പുരയ്ക്കല്‍

Google Oneindia Malayalam News

തിരുവനന്തപുരം: അഭയ കേസില്‍ ഫാദര്‍ തോമസ് കോട്ടൂരിനേയും സിസ്റ്റര്‍ സെഫിയേയും കുറ്റക്കാരെന്ന് കണ്ടെത്തിയ കോടതി വിധിയോട് പ്രതികരിച്ച് ജോമോന്‍ പുത്തന്‍പുരയ്ക്കല്‍. അഭയ കേസുമായി ബന്ധപ്പെട്ട ആക്ഷന്‍ കൗണ്‍സില്‍ കണ്‍വീനറായ ജോമോന്‍ പുത്തന്‍പുരയ്ക്കല്‍ വര്‍ഷങ്ങളായി കേസിന് പിറകെയായിരുന്നു. മൂന്ന് പതിറ്റാണ്ടായി നീതിക്ക് വേണ്ടി നടത്തിയ പോരാട്ടത്തിന്റെ വിജയമാണിതെന്ന് വിധിക്ക് ശേഷം ജോമോന്‍ പ്രതികരിച്ചു. പണവും സ്വാധീനവും ഉപയോഗിച്ച് കോടതിയെ വിലയ്ക്ക് എടുക്കാന്‍ സാധിക്കില്ലെന്ന് തെളിഞ്ഞെന്നും ജോമോന്‍ പറഞ്ഞു.

ഈ ദിവസത്തിന് വേണ്ടിയാണ് താന്‍ കാത്തിരുന്നത്. അഭയ കേസിലെ വിധിയില്‍ താനൊരു നിമിത്തം മാത്രമാണ്. ഇന്ന് ഇനി മരിച്ചാലും തനിക്ക് ദുഖമില്ല. അടയ്ക്കാ രാജുവിന്റെ രൂപത്തില്‍ ദൈവമാണ് ദൃക്‌സാക്ഷിയായത് എന്നും ജോമോന്‍ പുത്തന്‍പുരയ്ക്കല്‍ പ്രതികരിച്ചു. നീതിപൂര്‍വ്വമായി സബിഐ കോടതി കേസില്‍ വിധി പറഞ്ഞു. വിധിയില്‍ വലിയ സന്തോഷമുണ്ടെന്നും ജോമോന്‍ പുത്തന്‍പുരയ്ക്കല്‍ വ്യക്തമാക്കി.

jomon

പ്രതികള്‍ക്ക് അര്‍ഹിക്കുന്ന ശിക്ഷ തന്നെ ലഭിക്കും എന്നാണ് പ്രതീക്ഷിക്കുന്നത് എന്നും ജോമോന്‍ പറഞ്ഞു. 1992 മാര്‍ച്ച് 27നാണ് കോട്ടയത്തെ പയസ് ടെന്‍ത് കോണ്‍വെന്റിലെ കിണറ്റില്‍ സിസ്റ്റര്‍ അഭയയെ മരിച്ച നിലയില്‍ കണ്ടെത്തിയത്. മരണത്തില്‍ ദുരൂഹത ഉണ്ടെന്നും അന്വേഷണം വേണം എന്നും ആവശ്യപ്പെട്ട് മാര്‍ച്ച് 31നാണ് ജോമോന്‍ പുത്തന്‍പുരയ്ക്കലിന്റെ നേതൃത്വത്തില്‍ ആക്ഷന്‍ കൗണ്‍സില്‍ രൂപീകരിച്ചത്. അഭയയ്ക്ക് നീതി ഉറപ്പാക്കാനുളള പോരാട്ടമായിരുന്നു പിന്നീട് ഈ 28 വര്‍ഷക്കാലവും ജോമോന്‍ നടത്തിയത്.

Recommended Video

cmsvideo
കൊല്ലപ്പെടുമ്പോള്‍ വെറും 19 വയസ്സായിരുന്നു അഭയയുടെ പ്രായം | Oneindia Malayalam

https://malayalam.oneindia.com/news/chennai/dmk-starts-mission-200-to-destroy-aiadmk-in-tamil-nadu-stalin-will-lead-272573.html

English summary
Action Counsel Convener Jomon puthenpurackal reacts to Abhaya Case verdict
വാർത്തകൾ അതിവേഗം അറിയൂ
Enable
x
Notification Settings X
Time Settings
Done
Clear Notification X
Do you want to clear all the notifications from your inbox?
Settings X
X