Click it and Unblock the Notifications
Just In
Don't Miss
-
സ്വർണവില കേട്ട് തലകറങ്ങരുത്, ഉടൻ തന്നെ പവന്റെ വില 60,000 കടക്കും, ഇന്നത്തെ നിരക്കറിയാം -
T20 World Cup 2024: ആരേയും ഭയമില്ല, അടിച്ചുതകര്ക്കും; അഷുതോഷ് ടി20 ലോകകപ്പ് ടീമില് വേണോ? -
ആ തെറ്റിദ്ധാരണ മൂലം അവസരങ്ങള് വരാതായി, കാസ്റ്റ് ചെയ്യണമെന്ന് ആഗ്രഹിച്ചവര് പോലും വരാതായി: അനന്യ -
കാത്തിരുന്നൊരു കാമുകിയെ കിട്ടിയോ; കൈവിട്ടു പോകാതിരിക്കാന് ശ്രദ്ധിക്കേണ്ട 8 കാര്യം -
അവധി ഇത്തവണ ഹൗറയിൽ... ബെംഗളുരുവിൽ നിന്ന് കൊൽക്കത്തയുടെ ഇരട്ട നഗരത്തിലേക്ക് പോകാം, സ്പെഷ്യൽ ട്രെയിൻ -
റിയൽമി ഇത് എന്ത് ഭാവിച്ചാണാവോ! 10000 രൂപയിൽ താഴെ വിലയിലെ വേഗമേറിയ 5ജി ഫോൺ വരുന്നു -
കോംപാക്ട് എസ്യുവികൾക്കിടയിലെ രാജാവാകാൻ കിയ ക്ലാവിസ്, വരാൻ പോകുന്നത് കിടിലൻ ഫീച്ചറുകളുമായി
ബിനീഷ് കോടിയേരി കേരള ക്രിക്കറ്റ് അസോസിയേഷന്‍ ജോയിന്റ് സെക്രട്ടറി; തെരഞ്ഞെടുക്കപ്പെട്ടത് എതിരില്ലാതെ
തിരുവനന്തപുരം: അന്തരിച്ച സി പി ഐ എം നേതാവ് കോടിയേരി ബാലകൃഷ്ണന്റെ മകനും നടനുമായ ബിനീഷ് കോടിയേരി കേരള ക്രിക്കറ്റ് അസോസിയേഷനിലേക്ക് ( കെ സി എ ). കേരള ക്രിക്കറ്റ് അസോസിയേഷന്‍ ജോയിന്റ് സെക്രട്ടറി സ്ഥാനത്തേക്ക് ആണ് ബിനീഷ് കോടിയേരി എതിരില്ലാതെ തെരഞ്ഞെടുക്കപ്പെട്ടത്.
നിലവില്‍ കണ്ണൂരില്‍ നിന്നുള്ള ജനറല്‍ ബോഡി അംഗമാണ് ബിനീഷ് കോടിയേരി. നേതൃ സ്ഥാനത്തേക്കുള്ള തെരഞ്ഞെടുപ്പിന് നാമനിര്‍ദ്ദേശ പത്രിക സമര്‍പ്പിക്കേണ്ടതിന്റെ അവസാന ദിനം ഇന്നായിരുന്നു. എന്നാല്‍ സമയ പരിധി കഴിഞ്ഞിട്ടും ബിനീഷ് കോടിയേരിക്ക് എതിരെ ആരും പത്രിക നല്‍കിയില്ല.
ഇതോടെ ബിനീഷ് കോടിയേരി എതിരില്ലാതെ തെരഞ്ഞെടുക്കപ്പെടുകയായിരുന്നു. ജയേഷ് ജോര്‍ജ് ആണ് കെ സി എ പ്രസിഡന്റ്. വിനോദ് എസ് കുമാര്‍ സെക്രട്ടറിയായും പി ചന്ദ്രശേഖന്‍ വൈസ് പ്രസിഡന്റ് ആയും തെരഞ്ഞെടുക്കപ്പെട്ടു. കെ എം അബ്ദുല്‍ റഹിമാന്‍ ആണ് കെ സി എ ട്രഷറര്‍ ആയി തെരഞ്ഞെടുക്കപ്പെട്ടത്. സതീശന്‍ കൗണ്‍സിലര്‍ ആയും തെരഞ്ഞെടുക്കപ്പെട്ടു.
കണ്ണൂര്‍ ജില്ലാ ക്രിക്കറ്റ് അസോസിയേഷന്‍ തെരഞ്ഞെടുപ്പില്‍ ബിനീഷ് കോടിയേരിയുടെ പാനല്‍ മികച്ച വിജയമായിരുന്നു നേടിയത്. കേരള ക്രിക്കറ്റ് അസോസിയേഷന്‍ കേരളത്തിലെ ഏറ്റവും സമ്പന്നമായ കായിക സംഘടനയാണ്. കേരള ക്രിക്കറ്റ് അസോസിയേഷന്റെ ജനറല്‍ ബോഡിയില്‍ നേരത്തേയും ബിനീഷ് കോടിയേരി അംഗമായിട്ടുണ്ട്.
മികച്ച സംഘാടകന്‍ എന്ന പേര് ഇതിനോടകം ആര്‍ജിക്കാനും ബിനീഷ് കോടിയേരിക്ക് സാധിച്ചിരുന്നു. തിരുവനന്തപുരത്തെ കാര്യവട്ടം സ്പോര്‍ട്സ് ഹബ്ബില്‍ വെച്ച് നടന്ന മൂന്ന് രാജ്യാന്തര ക്രിക്കറ്റ് മത്സരങ്ങളില്‍ റിസപ്ഷന്‍ കമ്മറ്റി ചെയര്‍മാനായി ബിനീഷ് കോടിയേരി പ്രവര്‍ത്തിച്ചിരുന്നു.
കേരള ക്രിക്കറ്റ് അസോസിയേഷനിലേക്ക് ആദ്യമായി വരുന്നത് 2018 ലായിരുന്നു. ബികെ 55 എന്ന പേരില്‍ ക്രിക്കറ്റ് ക്ലബ്ബ് രൂപീകരിച്ചാണ് കണ്ണൂര്‍ ജില്ലാ ക്രിക്കറ്റ് അസോസിയേഷനിലേക്ക് ബിനീഷ് കോടിയേരി ആദ്യമായി എത്തിയത്. സിനിമാ താരങ്ങളുടെ സെലിബ്രിറ്റി ക്രിക്കറ്റ് ലീഗില്‍ മോഹന്‍ലാല്‍ നയിച്ച കേരള സ്‌ട്രൈക്കേഴ്‌സില്‍ അംഗമായിരുന്നു. സി സി എല്ലിന്റെ വിവിധ സീസണുകളില്‍ കളിച്ചിട്ടുണ്ട്.
