കാര്യങ്ങൾ അതിവേഗം അറിയാൻ
നോട്ടിഫിക്കേഷൻ അനുവദിക്കൂ  
For Daily Alerts
Oneindia App Download

സ്ഥാനാര്‍ഥി തീരുമാനം ഐശ്വര്യ കേരള യാത്രക്ക്‌ ശേഷം; വ്യക്തമാക്കി ധര്‍മ്മജന്‍

Google Oneindia Malayalam News

കൊച്ചി: നിയമസഭ തിരഞ്ഞെടുപ്പില്‍ മത്സരിക്കുന്നത്‌ സംബന്ധിച്ചുള്ള കാര്യങ്ങള്‍ ചെന്നിത്തലയുടെ ഐശ്വര്യ കേരള യാത്രക്ക്‌ ശേഷം മാത്രമേ തീരുമാനിക്കുവെന്ന്‌ നടന്‍ ധര്‍മജന്‍ ബോള്‍ഗാട്ടി. താന്‍ മത്സരിക്കണമോ വേണ്ടയോ എന്ന്‌ തീരുമാനിക്കേണ്ടത്‌ കോണ്‍ഗ്രസ്‌ നേതാക്കളാണെന്നും ധര്‍മജന്‍ ബോള്‍ഗാട്ടി വ്യക്തമാക്കി. എന്നോട്‌ ആരും മത്സരിക്കാന്‍ പറഞ്ഞിട്ടില്ല. ഞാന്‍ മത്സരിക്കുന്നത്‌ സംബന്ധിച്ച്‌ ആരോടും ആവശ്യപ്പെട്ടിട്ടുമില്ല. ഏറ്റഴും അവസാനം സീറ്റ്‌ പ്രഖ്യാപിക്കുന്ന പാര്‍ട്ടിയാണ്‌ കോണ്‍ഗ്രസെന്നും ധര്‍മജന്‍ ബോള്‍ഗാട്ടി പറഞ്ഞു.

കലാകാരന്‍മാരില്‍ ഞാന്‍ കോണ്‍ഗ്രസാണെന്ന്‌ പറയുന്ന വളരെ കുറച്ച്‌ ആളുകള്‍ മാതത്രമേയുള്ളു. കോണ്‍ഗ്രസാകുന്നത്‌ എന്തോ തെറ്റാണെന്ന്‌ എടുക്കുന്നത്‌ പോലെ തോന്നിയിട്ടുണ്ടെന്നും നടന്‍ ധര്‍മ്മജന്‍ ബോള്‍ഗാട്ടി. പാര്‍ട്ടി ആവശ്യപ്പെട്ടാല്‍ തീര്‍ച്ചയായും മത്സരിക്കുമെന്നും അദ്ദേഹം പറഞ്ഞു.

dharmajan

നിയമസഭാ തിരഞ്ഞെടുപ്പ്‌ സ്ഥാനാര്‍ഥി ചര്‍ച്ചകളില്‍ കോണ്‍ഗ്രസ്‌ സ്ഥാനാര്‍ഥി പേരുകളില്‍ സജീവമായി പറഞ്ഞു കേള്‍ക്കുന്ന പേരാണ്‌ ധര്‍മജന്റേത്‌. പാര്‍ട്ടി അനുവദിച്ചാല്‍ കേരളത്തില്‍ ഏതു നിയമസഭാ സീറ്റിലും മത്സരിക്കാന്‍ തയാറാണെന്ന്‌ ധര്‍മജന്‍ വ്യക്തമാക്കിയിരുന്നു. നേരത്തെ സംവരണ മണ്ഡലമായ ബാലുശ്ശേരിയില്‍ കോണ്ഡഗ്രസ്‌ സ്ഥാനാര്‍ഥിയായി ധരമ്മജന്‍ നില്‍ക്കുമെന്ന വാര്‍ത്തകള്‍ ഉണ്ടായിരുന്നു. എന്നാല്‍ സംവരണ മണ്ഡലത്തില്‍ ധര്‍മജനെ സ്ഥാനാര്‍ഥിയാക്കുന്നതിനെതിരെ ദളിത്‌ കോണ്‍ഗ്രസ്‌ രംഗത്തെത്തിയിരുന്നു. സംവരണ മണ്ഡലത്തില്‍ ധര്‍മ്മജനെ സ്ഥാനാര്‍ഥിയാക്കാന്‍ അനുവദിക്കുന്നില്ലെന്നായിരുന്നു ദളിത്‌ കോണ്‍ഗ്രസ്‌ നേതൃത്വം പറഞ്ഞത്‌.അതേ സമയം ധര്‍മജനെ നിയമസഭ തിരഞ്ഞെടുപ്പില്‍ രംഗത്തിറക്കാന്‍ കോണ്‍ഗ്രസ്‌ പദ്ധതിയിടുന്നുണ്ടെന്നാണ്‌ ലഭിക്കുന്ന സൂചനകള്‍

English summary
actor Dharmajan Bolgatty reveal about his congress candidateship in assembly election
വാർത്തകൾ അതിവേഗം അറിയൂ
Enable
x
Notification Settings X
Time Settings
Done
Clear Notification X
Do you want to clear all the notifications from your inbox?
Settings X
X