ഉരുള്‍പൊട്ടലില്‍ നിന്നും രക്ഷിച്ച, മൂന്ന് ദിവസം ഭക്ഷണം തന്ന കേരള പോലീസിനോട് നന്ദി പറഞ്ഞ് ജയറാം

കുതിരാനിലെ ഉരുള്‍പൊട്ടലില്‍ നിന്നും തങ്ങളെ രക്ഷിച്ച് മൂന്നുദിവസമായി ഭക്ഷണം നല്‍കിയ കേരള പോലീസിനോട് നന്ദി പറഞ്ഞ് നടന്‍ ജയറാം.ഉരുള്‍പൊട്ടലിനെതുടര്‍ന്ന് 16 മണിക്കൂറോളമാണ് ജയറാമും കുടുംബവും കുടുങ്ങികിടന്നത്. ഫേസ്ബുക്ക് ലൈവിലൂടെയാണ് ഇക്കാര്യം അറിയിച്ചത്‌.

''കേരളം അനുഭവിച്ചു കൊണ്ടിരിക്കുന്ന ദുരിതത്തില്‍പെട്ടുപോയ ഒരു കുടുംബമാണ് ഞങ്ങളുടേത്. ഞങ്ങള്‍ മദ്രാസില്‍ നിന്ന് കാര്‍ മാര്‍ഗം വരുന്ന വഴിക്ക് കുതിരാന്‍ എന്നു പറയുന്ന സ്ഥലത്തു വെച്ചാണ് മണ്ണിടിച്ചിലില്‍ പെട്ടത്. തങ്ങള്‍ക്ക് മുന്നില്‍ പത്തിരുപതോളം വാഹനങ്ങളുണ്ടായിരുന്നു. അവിടെ നിന്ന് ഞങ്ങളെ രക്ഷിച്ചത് കേരള പോലീസാണ്. അവരുടെ തന്നെ ക്വാര്‍ട്ടേഴ്‌സില്‍ മൂന്നു ദിവസത്തോളം തങ്ങളെ താമസിപ്പിച്ചു,ഭക്ഷണം തന്നു. കേരള പോലീസിനോട് നന്ദി..മുഖ്യമന്ത്രിക്ക് നന്ദി..എല്ലാവരോടും നന്ദി പറയുന്നു.''

രക്ഷപെട്ടതിനശേഷം ദുരിതാശ്വാസപ്രവര്‍ത്തനങ്ങളില്‍ ഏര്‍പെട്ടിരിക്കുകയാണ് ജയറാമും കുടുംബവും.താരം ബ്രാന്‍ഡ് അംബാസിഡറായിട്ടുള്ള രാംരാജ് രണ്ട് ലോറി നിറയെ ഷാര്‍ട്ടും മുണ്ടും, സത്രീകള്‍ക്കുള്ള വസ്ത്രങ്ങളും നല്‍കുന്നുണ്ട്.ഇതൊക്കെയും എത്രയും പെട്ടെന്ന് ആവശ്യക്കാര്‍ക്ക് എത്തിക്കും.അതോടൊപ്പം തന്നെ
വിവിധ ക്യാമ്പുകളിലേക്ക് ആവശ്യസാധനങ്ങള്‍ കൊടുത്തയ്ക്കുന്ന ജിസിഡിഐയുടെ കോംപ്ലസിലേക്ക് അത്യാവശ്യ സാധനങ്ങള്‍ വേണമെന്നും, കുട്ടികള്‍ക്കുള്ള ഭക്ഷണങ്ങള്‍,കുടിവെള്ളം,മരുന്നുകള്‍ തുടങ്ങിയവ ആരെങ്കിലും നല്‍കണമെന്നും ലൈവിലൂടെ ജയറാം പറഞ്ഞു.

മുഖ്യമന്ത്രിയുടെ ദുരിതാശ്വാസ നിധിയിലേക്ക് നിങ്ങൾക്കും സംഭാവന നൽകാം. ഇതാണ് സംഭാവനകൾ അയക്കാനുള്ള വിവരം.

Name of Donee: CMDRF
Account number : 67319948232
Bank: State Bank of India
Branch: City branch, Thiruvananthapuram
IFSC Code: SBIN0070028
Swift Code: SBININBBT08

keralacmdrf@sbi എന്ന യുപിഐ ഐഡി വഴിയും സംഭാവനകൾ നല്‍കാവുന്നതാണ്.

English summary

Actor jayaram says about kerala police