നടി ആക്രമിക്കപ്പെട്ട സംഭവത്തിൽ ഗൂഢശക്തികളുടെ കൈ? ആകെ ദുരൂഹം.. ആദ്യപ്രതികരണവുമായി മധു
കൊച്ചി: പ്രമുഖ നടിയെ തട്ടിക്കൊണ്ടുപോയി ആക്രമിച്ച സംഭവം മലയാള സിനിമാ രംഗത്ത് ചെറുതല്ലാത്ത മാറ്റങ്ങളാണ് ഉണ്ടാക്കിയത്. താരാധിപത്യം അടക്കം സിനിമയിലെ ദുഷ്പ്രവണതകള്ക്കെതിരെ വലിയ തോതില് വിമര്ശനങ്ങളുണ്ടായി. ഒരു കൂട്ടര് വിമര്ശനങ്ങളുന്നയിച്ചപ്പോള് ഒരു വാക്ക് പോലും മിണ്ടാതെ മൗനം പാലിച്ചവരുമുണ്ട്. മുതിര്ന്ന താരം മധു ആദ്യമായി നടിയെ ആക്രമിച്ച കേസില് പ്രതികരിച്ചിരിക്കുന്നു.
പിന്നിൽ ഗൂഢശക്തികളോ
പ്രമുഖ നടി ആക്രമിക്കപ്പെട്ട സംഭവം മലയാള സിനിമയ്ക്ക് കളങ്കമുണ്ടാക്കി എന്നാണ് മധുവിന്റെ പ്രതികരണം. ലോക സിനിമയില് തന്നെ സ്ഥാനമുള്ള മലയാളസിനിമയ്ക്ക് വന്നുഭവിച്ചിരിക്കുന്ന ആക്ഷേപത്തിന് പിന്നില് ഏതെങ്കിലും ഗൂഢ ശക്തികളുണ്ടോ എന്നത് അന്വേഷിക്കേണ്ടതാണ്.
സംഭവിച്ചത് എന്തെന്ന് അറിയില്ല
കേസില് സത്യസന്ധമായ അന്വേഷണമാണ് വേണ്ടത്. ദിലീപിന്റെ കാര്യത്തില് അഭിപ്രായം പറയുന്നതില് അര്ത്ഥമില്ല. കാരണം എന്താണ് സംഭവിച്ചത് എന്ന് കൃത്യമായി അറിയില്ലെന്നും മധു പറഞ്ഞു.
അന്വേഷണം നടക്കട്ടേ
നടി ആക്രമിക്കപ്പെട്ട സംഭവത്തില് ആരെയും കുറ്റപ്പെടുത്താനോ കുറ്റപ്പെടുത്താതിരിക്കാനോ തനിക്ക് സാധ്യമല്ല.കേസില് ഇപ്പോള് പോലീസ് അന്വേഷണം നടക്കുകയാണ് എന്നും മധു കുവൈറ്റില് മാതൃഭൂമി ന്യൂസിന് നല്കിയ അഭിമുഖത്തില് പ്രതികരിച്ചു.
കേസിൽ ദുരൂഹതയുണ്ട്
കേസുമായി ബന്ധപ്പെട്ട് ആകപ്പാടെ ഒരു ദുരൂഹത നിലനില്ക്കുന്നുണ്ട്. അതുകൊണ്ടു തന്നെ ഏതാണ് ശരിയെന്നോ ഏതാണ് തെറ്റെന്നോ പറയാനാവില്ല. ഇങ്ങനെയൊക്കെ സംഭവിച്ചതില് ദു:ഖമുണ്ടെന്നും മധു പറഞ്ഞു.
നല്ല ഇമേജിന് കളങ്കം
ദിലീപിന്റെ സിനിമകളേയും ദിലീപിന് മാത്രം ചെയ്യാന് സാധിക്കുന്ന കഥാപാത്രങ്ങള് ഒക്കെ ഓര്ക്കുമ്പോള് ഇങ്ങനെയൊക്കെ സംഭവിച്ചതില് വിഷമമുണ്ട്. സമൂഹത്തിലും പ്രേക്ഷകര്ക്കും മലയാള സിനിമയ്ക്കുണ്ടായിരുന്ന നല്ല ഇമേജിനാണ് കളങ്കം സംഭവിച്ചത്.
കാരണക്കാരെ കണ്ടെത്തണം
ഈ കുറ്റകൃത്യത്തിന് കാരണക്കാരായവരെ കണ്ടെത്തുകയാണ് വേണ്ടതെന്നും മധു പറഞ്ഞു. മലയാളത്തിലെ ഏറ്റവും മുതിര്ന്ന നടന്മാരില് ഒരാളായ മധു ഈ വിഷയത്തില് ആദ്യമായാണ് പ്രതികരണം നടത്തുന്നത്
രണ്ടായി മലയാള സിനിമ
നടി ആക്രമിക്കപ്പെട്ട സംഭവത്തോടെ മലയാള സിനിമ രണ്ടായി തിരിഞ്ഞിരുന്നു. ഒരു വിഭാഗം കുറ്റാരോപിതനായ ദിലീപിന് ഒപ്പവും മറുവിഭാഗം ആക്രമിക്കപ്പെട്ട നടിക്കൊപ്പവും നിലകൊണ്ടു.
അമ്മ കൈവിട്ടു
ദിലീപ് അറസ്റ്റിലായതിന് പിന്നാലെ താരസംഘടനയായ അമ്മ ദിലീപിനെ കൈവിട്ടിരുന്നു. അമ്മയുടെ ട്രഷറര് സ്ഥാനത്ത് നിന്നും പുറത്താക്കുകയും പ്രാഥമിക അംഗത്വം റദ്ദാക്കുകയും ചെയ്തു. അക്കാര്യത്തിലും ഒരു വിഭാഗത്തിന് എതിര്പ്പുണ്ട്.
പോയ ആളല്ല തിരികെ വന്നത്
ജയിലിലേക്ക് പോയ ദിലീപ് ആയിരുന്നില്ല തിരികെ വന്നത്. ദിലീപ് അഴിയെണ്ണുമ്പോള് പുറത്ത് നടന്ന ദിലീപ് അനുകൂല പ്രചാരണം പോയ ഇമേജ് തിരികെ കിട്ടാന് വളരെ സഹായിക്കുകയുണ്ടായി. കൂവലേറ്റ് പോയ നടന് പൂമാലയിട്ടാണ് തിരിച്ചിറങ്ങിയത്.
പൂർവ്വാധികം ശക്തിയോടെ അനുകൂലികൾ
ഇതോടെ ദിലീപ് അനുകൂലികള് കൂടുതല് ശക്തിയോടെ രംഗത്ത് ഇറങ്ങുകയും ചെയ്തു. രാമലീലയുടെ വിജയവും ദിലീപിന് തുണയായി. ഇതോടെ അമ്മയിലേക്കുള്ള ദിലീപിന്റെ പുനപ്രവേശം വീണ്ടും ചര്ച്ചയായിരിക്കുകയാണ്.
-
സ്വർണം പണിക്കൂലി ഇല്ലാതെ വാങ്ങാം; ഇങ്ങനെ ബുക്ക് ചെയ്യൂ; പുതിയ സ്കീമുമായി ജ്വല്ലറികൾ -
ദേശീയപാത 66 ലെ യാത്ര ഇനി സുഗമാകും; വരാപ്പുഴ പാലം മെയ് മാസം തുറക്കും -
മമ്മൂട്ടിയോട് അറിയുമോയെന്ന് ചോദിച്ചു, ആ എന്ന് പറഞ്ഞ് മൈൻ്റാക്കാതെ പോയി';അപമാനം നേരിട്ടെന്ന് സംവിധായകൻ -
ചെന്നൈയെ ഞെട്ടിക്കാൻ ലുലു; മെട്രോ സ്റ്റേഷനുകളിലെ ഹൈപ്പർമാർക്കറ്റും ഡെയ്ലിയും അടുത്ത മാസം തുറക്കും -
പശ്ചിമ കൊച്ചിയുടെ തലവര മാറും; നിര്ണായക ചുവടുവയ്പ്പുമായി കൊച്ചി വാട്ടര് മെട്രോ: ടെന്ഡര് വിളിച്ചു -
സ്വർണം തിങ്കളാഴ്ച വാങ്ങുന്നുണ്ടോ? വില 1.20 ലക്ഷത്തിന് മുകളിലേക്കോ അതോ താഴേക്കോ? വിദഗ്ധർ പറയുന്നത് ഇതാണ് -
പേരൂര്ക്കട ഫ്ലൈഓവര്, വട്ടിയൂര്ക്കാവ് റോഡ് ആന്ഡ് ജംഗ്ഷന്; കുരുക്കഴിഞ്ഞു, നിര്മാണം തുടങ്ങി -
ജോബി ജോര്ജ് ജയിലിലേക്ക്; സിനിമാ നിര്മാതാവിന് 4 വര്ഷം തടവ് വിധിച്ച് കോടതി, ഇതാണ് കേസ് -
സ്വര്ണവില കുത്തനെ ഇടിഞ്ഞു.. എന്നിട്ടും ദുബായില് ആരും സ്വര്ണം വാങ്ങുന്നില്ല..! കാരണമിത് -
ഗോപി സുന്ദറുമായുള്ള പ്രണയത്തിൽ സംഭവിച്ചത്; ഒരുപാട് ആഗ്രഹിച്ചു പക്ഷെ..അമൃത സുരേഷ് പറയുന്നു -
റഫീഖിനെ ഫോണില് വിളിച്ച് സംസാരിച്ച് മമ്മൂട്ടി, 'മനപൂര്വ്വം അപമാനിക്കാന് ശ്രമിച്ചതല്ല' -
'ആരോടും പറയാതെ പോയി, ബെഡ്റൂം തുറന്നപ്പോൾ കണ്ടത്.. തെളിവായി ഫോട്ടോകളുണ്ട്', മന്ത്രി ഗണേഷിനെതിരെ ഭാര്യ
Click it and Unblock the Notifications
Sign in with Google