കൊല്ലം മണ്ഡലത്തിനു വേണ്ടി എന്താണ് ചെയ്തിട്ടുള്ളത്? വിമര്‍ശനങ്ങള്‍ക്ക് മറുപടിയുമായി മുകേഷ്

രാഷ്ട്രീയ ജീവിതത്തില്‍ സമീപ കാലത്തായി നിരന്തരം ആക്ഷേപങ്ങള്‍ നേരിടുന്ന എംഎല്‍എയാണ് എം മുകേഷ്. സമൂഹ മാധ്യമങ്ങളിലൂടെയാണ് കൂടുതല്‍ വിമര്‍ശനങ്ങളും ഉയരുന്നത്. സ്വന്തം മണ്ഡലമായ കൊല്ലത്തിന് വേണ്ടി ഒന്നും ചെയ്തിട്ടില്ലെന്ന ആക്ഷേപമാണ് പ്രധാനമായും അദ്ദേഹം നേരിടുന്നത്. വരുന്ന നിയമസഭാ തിരഞ്ഞെടുപ്പില്‍ ഇത്തവണ കൊല്ലത്ത് സിറ്റിങ് എംഎല്‍എയായ മുകേഷ് മത്സരിക്കില്ലെന്ന റിപ്പോര്‍ട്ടുകളും പുറത്തുവരുന്നുണ്ട്.

കൊല്ലം മണ്ഡലത്തിന് വേണ്ടി ഒന്നും ചെയ്തിട്ടില്ലെന്ന ആക്ഷേപങ്ങള്‍ക്ക് വിശദമായ മറുപടിയുമായി രംഗത്തെത്തിയിരിക്കുകയാണ് മുകേഷ്. താന്‍ മണ്ഡലത്തിന് വേണ്ടി എന്തൊക്കെ ചെയ്തു എന്ന് അക്കമിട്ട് നിരത്തിയാണ് മുകേഷ് ഫേസ്ബുക്കില്‍ വിശദമായ കുറിപ്പ് എഴുതിയിരിക്കുന്നത്. സമയം കണ്ടെത്തി മുഴുവന്‍ വായിക്കണമെന്നും കുറുപ്പിനൊപ്പം ചേര്‍ത്തിട്ടുണ്ട്. പത്തു കൊല്ലമായി ലഭിച്ച എംഎല്‍എ ഫണ്ട് 56 കോടി രൂപയും പൂര്‍ണ വിനിയോഗിച്ചിട്ടുണ്ടെന്ന് മുകേഷ് അവകാശപ്പെടുന്നു. വികസന പദ്ധതികള്‍ ഓരോന്നും പറഞ്ഞുകൊണ്ടാണ് ഫേസ്ബുക്ക് പോസ്റ്റ് മുന്നോട്ടുപോകുന്നത്. ലിസ്റ്റ് അപൂര്‍ണമാണെന്നും ഇനിയുമുണ്ട് എഴുതാന്‍ എന്നും പറഞ്ഞാണ് കുറിപ്പ് അവസാനിപ്പിക്കുന്നത്. തിരഞ്ഞെടുപ്പിന് മുന്നോടിയായിട്ടാണ് മുകേഷിന്റെ കുറിപ്പ് എന്നത് ശ്രദ്ധേയമാണ്. മുകഷിന്റെ ഫേസ്ബുക്ക് പോസ്റ്റിന്റെ പൂര്‍ണരൂപം വായിക്കാം:

'കൊല്ലം നിയമസഭാ മണ്ഡലത്തിന് പുറത്തുള്ള ചില സുഹൃത്തുക്കൾ നിരന്തരം വന്നു എന്റെ മുഖപുസ്തകത്തിൽ കമന്റ് ചെയ്യാറുണ്ട് എംഎൽഎ എന്നുള്ള നിലയിൽ കൊല്ലം മണ്ഡലത്തിൽ എന്താണ് ചെയ്തിട്ടുള്ളത് എന്ന്...
അവർ അറിയുന്നതിനായി ചില പ്രധാനപ്പെട്ട പ്രവർത്തികളുടെ വിശദാംശങ്ങൾ താഴെ കൊടുക്കുന്നു... സമയം കണ്ടെത്തി മുഴുവൻ വായിക്കണമെന്ന് എല്ലാ സുഹൃത്തുക്കളോടും അഭ്യർത്ഥിക്കുന്നു...

ഒന്നുമില്ലെങ്കിലും നാലര പതിറ്റാണ്ടായി നിങ്ങളെയൊക്കെ ചിരിപ്പിക്കുകയും ചിന്തിപ്പിക്കുകയും ചെയ്ത ഒരാളല്ലേ... അത്രയുമെങ്കിലും ചെയ്യുമെന്ന് പ്രതീക്ഷിക്കുന്നു...

പത്തുകൊല്ലമായി ലഭിച്ച എംഎൽഎ ഫണ്ട് 56 കോടി രൂപയും പൂർണമായും വിനിയോഗിച്ചു.
കൂടാതെ സംസ്ഥാന സർക്കാരിന്റെ സഹായത്തോടുകൂടി...
സാംസ്കാരിക സമുച്ചയം 57 കോടി രൂപയ്ക്ക് പണിപൂർത്തീകരിച്ചു.
ആശ്രാമം ലിങ്ക് റോഡ് നാലാംഘട്ടം 74 കോടി അനുവദിച്ചു, ടെൻഡർ നടപടിയിലാണ്.
അഞ്ചാലുംമൂട് ഹയർസെക്കൻഡറി സ്കൂൾ 5 കോടി പൂർത്തീകരിച്ചു
മങ്ങാട് ഹയർസെക്കൻഡറി സ്കൂൾ മൂന്നുകോടി പൂർത്തീകരിച്ചു.
പണയിൽ ഹയർസെക്കൻഡറി സ്കൂൾ മൂന്നുകോടി പൂർത്തീകരിച്ചു.
പ്രശസ്ത ചിത്രകാരൻ എ രാമചന്ദ്രന്റെ കോടികൾ വില വരുന്ന അമൂല്യമായ ചിത്രങ്ങൾ പ്രദർശിപ്പിക്കുന്ന ആർട്ട് ഗ്യാലറി മൂന്നു കോടി രൂപ ചിലവിൽ പൂർത്തീകരിച്ചു.
60 ലക്ഷം രൂപ ചിലവിൽ ശ്രീനാരായണ ഗുരുവിന്റെ പൂർണ്ണകായ വെങ്കല പ്രതിമ പണി പൂർത്തീകരിച്ചു

തങ്കശ്ശേരി ഹാർബറിലെ അടിസ്ഥാന സൗകര്യ വികസനം 11.39 കോടി രൂപ ഇടതു വികസന പദ്ധതി നടപ്പിലായി വരുന്നു.
കൊല്ലം പോർട്ട് വിവിധ പദ്ധതികളിൽ ആയി 22.5 കോടി രൂപ ചെലവഴിച്ച് നിർമ്മാണങ്ങൾ പൂർത്തീകരിച്ചു
കൊല്ലം കോടതി സമുച്ചയം 88.21 കോടി രൂപ നിർമ്മാണം 50 ശതമാനം പൂർത്തിയായി
കൊല്ലം കെഎസ്ആർടിസി ഡിപ്പോ 15 കോടി രൂപ ചെലവിൽ തറക്കല്ലിട്ടു.
ടൂറിസം പദ്ധതി 56 കോടി രൂപ ചെലവിൽ നിരവധി പ്രവർത്തനങ്ങൾ നടന്നു വരുന്നു
ഞ്ഞാങ്കടവ്
നഗര കുടിവെള്ള പദ്ധതി
355 കോടി രൂപ ചിലവിൽ നിർമ്മാണം അന്തിമ ഘട്ടത്തിൽ
വിദ്യാഭ്യാസ മേഖലയിൽ
മണ്ഡലത്തിലെ 9 സ്കൂളുകളിലായി 35 കോടി രൂപ ചെലവിൽ
ഹൈടേക്ക് കെട്ടിടങ്ങൾ നിർമ്മിച്ചു
ജില്ലാ ആശുപത്രി രണ്ട് ലക്ഷത്തി 35,000 ചതുരശ്ര അടിയിൽ
134 കോടി രൂപയുടെ നിർമ്മാണം നടന്നുവരുന്നു
ക്യു എസ്എസ് കോളനി 179 കുടുംബങ്ങൾക്ക് 20 കോടി രൂപ ചെലവഴിച്ച് ഫ്ലാറ്റുകൾ നിർമ്മിച്ചു നൽകി
ലിങ്ക് റോഡ് കെഎസ്ആർടിസി ബസ്റ്റാൻഡ് മുതൽ ഓലക്കടവ് വരെയുള്ള 114 കോടി രൂപ പൂർത്തീകരിച്ചു
പാണമുക്കം വഴി ദേശീയപാത 66 എത്തിച്ചേരുന്ന വിധം അഞ്ചാംഘട്ടത്തിനുള്ള സാധ്യതയുടെ പരിഗണനയിലാണ്.

പെരുമൺ പാലം 44 കോടി രൂപ ചിലവിൽ പണിപൂർത്തിയായി വരുന്നു.
കൊല്ലം വിക്ടോറിയ ആശുപത്രി പുതിയ ബ്ലോക്കിന് 109 കോടി രൂപ അനുവദിച്ചു.
കിഫ്‌ബിയുടെ പരിശോധനയിലാണ്
കൊല്ലം മണ്ഡലത്തിലെ 7.5 കോടി രൂപയുടെ റോഡ് നിർമ്മാണങ്ങളുടെ ടെൻഡറുകൾക്ക് അംഗീകാരം
കൊല്ലം മണ്ഡലത്തിലെ പനയം പഞ്ചായത്തിലെ പെരുമൺ തരിയൻ മുക്ക്- പെരിനാട് റെയിൽവേ ഓവർബ്രിഡ്ജ് റോഡിൻറെ നവീകരണത്തിന് 3,00,35710 രൂപയുടെ ടെൻഡറിനും കണ്ടച്ചിറ-മുടന്തിയാർവിള ജംഗ്ഷൻ റോഡിൻറെ നവീകരണത്തിന് 2,97,38,225 രൂപയുടെ ടെൻഡറിനും ഇന്ന് ചേർന്ന മന്ത്രിസഭ യോഗം അംഗീകാരം നൽകി. പെരിനാട് റെയിൽവേ സ്റ്റേഷൻ മുതൽ താന്നിക്ക മുക്ക് ജംഗ്ഷൻ വരെയുള്ള റോഡിൻറെ നവീകരണത്തിന് 1,53,360,20 രൂപയുടെ ടെൻഡറിന് കഴിഞ്ഞ മന്ത്രിസഭായോഗം അനുമതി നൽകിയിരുന്നു. ബി.എം&ബിസി നിലവാരത്തിൽ റോഡുകൾ നവീകരിക്കുന്നതിനാണ് അനുമതി നൽകിയിട്ടുള്ളത്. മൂന്ന് റോഡുകളുടേയും നിർമ്മാണ പ്രവർത്തനങ്ങൾ അടിയന്തരമായി ആരംഭിക്കുന്നതിന് ആവശ്യമായ നിർദ്ദേശങ്ങൾ നൽകിയിട്ടുണ്ട്.

ഒ.എൻ.വി സ്ക്വയർ
സ്മാരക നിർമ്മാണത്തിന് ഒരു കോടി രൂപ അനുവദിച്ചു പന്ത്രണ്ടാം തീയതി വൈകിട്ട് 4:00 മണിക്ക് ബഹു മന്ത്രി സജി ചെറിയാൻ തറക്കല്ലിടും
കൊല്ലം നിയമസഭാ മണ്ഡലത്തിൽ എം മുകേഷ് എംഎൽഎയുടെ പേര് കൊത്തിയ ശിലാ ഫലകങ്ങളിൽ
ചിലത്
1കിളികൊല്ലൂർ പോലീസ് സ്റ്റേഷൻ കെട്ടിടം
2 മങ്ങാട് ഹയർ സെക്കൻഡറി സ്കൂൾ
3 അഞ്ചാലുംമൂട് സ്കൂൾ
4 അഷ്ടമുടി സ്കൂൾ
5 ടൗൺ യുപിഎസ്
6 ക്യുഎസ്എസ് കോളനി
7 ഓപ്പൺ യൂണിവേഴ്സിറ്റി
8 സാംസ്കാരിക സമുച്ചയം
9 തങ്കശ്ശേരി ബ്രേക്ക് വാട്ടർ
10 ആനന്ദലീശ്വരം ക്ഷേത്രക്കുളം
11 തൃക്കടവൂർ കാമ്പിയിൽ കുളം
12 പെരുമൺ പ്രാഥമിക ആരോഗ്യ കേന്ദ്രം
13 തൃക്കരുവ സാംസ്കാരിക സമുച്ചയം
14 തൃക്കരുവ ഭിന്നശേഷി സ്കൂൾ കെട്ടിടം
15 പനയം ഭിന്നശേഷി സ്കൂൾ കെട്ടിടം
16 തൃക്കരുവ സ്റ്റേഡിയം
17 അഷ്ടമുടി ക്രാഫ്റ്റ് സെൻറർ
18 അഷ്ടമുടി ബോട്ടി ജെട്ടി
19 സംഘ കടവ് ബോട്ട് ജെട്ടി
20 നീലാംബരി ഓഡിറ്റോറിയം
21 ആശ്രാമം നഴ്സിംഗ് സ്കൂൾ കെട്ടിടം
22 ജില്ലാ ആശുപത്രി
23 കൊല്ലം ബീച്ച് ടോയ്ലറ്റ് കോംപ്ലക്സ്
24 വെസ്റ്റ് കൊല്ലം ഹയർസെക്കൻഡറി സ്കൂൾ കെട്ടിടം
25 ആലുംമൂട് പണിയിൽ ഹൈസ്കൂൾ
26 അഞ്ചാലുംമൂട് ബസ് ടെർമിനൽ
27 തൃക്കടവൂർ എകെജി ഗ്രന്ഥശാലയ്ക്ക് കെട്ടിടം
28 തൃക്കടവൂർ ബസ് കാത്തിരിപ്പ് കേന്ദ്രം
29 ഹൈസ്കൂൾ ജംഗ്ഷൻ ബസ് കാത്തിരിപ്പ് കേന്ദ്രം
30 തൃക്കടവൂർ പള്ളിക്കു മുൻവശം ബസ് കാത്തിരിപ്പ് കേന്ദ്രം
31 താലൂക്ക്ച്ചേരി ജംഗ്ഷൻ ബസ് കാത്തിരിപ്പ് കേന്ദ്രം
32 വേളാങ്കണ്ണി പള്ളിക്ക് സമീപം ബസ് കാത്തിരിപ്പ് കേന്ദ്രം
33 അഞ്ചുകല്ലുംമൂട് ജംഗ്ഷൻ ബസ് കാത്തിരിപ്പ് കേന്ദ്രം
34 തങ്കശ്ശേരി ബസ് കാത്തിരിപ്പ് കേന്ദ്രം
35 ആശ്രാമം മൈതാനത്തിന് സമീപം ബസ് കാത്തിരിപ്പ് കേന്ദ്രം
36 കൊല്ലം വെസ്റ്റ്,
സ്മാർട്ട് വില്ലേജ് ഓഫീസ്
37 കൊല്ലം ഈസ്റ്റ്,സ്മാർട്ട് വില്ലേജ് ഓഫീസ്
38 അഞ്ചാലുംമൂട്,
സ്മാർട്ട് വില്ലേജ് ഓഫീസ്
39 തൃക്കരുവ,സ്മാർട്ട് വില്ലേജ് ഓഫീസ്
40 പനയം സ്മാർട്ട് വില്ലേജ് ഓഫീസ്
41 കൊല്ലം ബോയ്സ് ഹൈസ്കൂളിന് കിച്ചൻ ബ്ലോക്ക്
42 കൊല്ലം ഗേൾസ് ഹൈസ്കൂളിന് ഓഡിറ്റോറിയം
43 പോർട്ട് ലൈബ്രറി കെട്ടിടം
44 തങ്കശ്ശേരി ഗാന്ധി സേവാ സംഘം ലൈബ്രറി കെട്ടിടം
45 പ്രകാശ് കലാകേന്ദ്രം പുതിയ കെട്ടിടം
46 ആശ്രാമം അമിനിറ്റി സെൻറർ കുഴൽ കിണർ
47 പനയം തെക്കേവീട്ടിൽ മുക്ക് കുഴൽ കിണർ
48 തൃക്കരുവ ഗുരുവായൂരപ്പൻ ക്ഷേത്രത്തിന് സമീപം കുഴൽ കിണർ
49 പനയം കുഴൽ കിണർ
50 കണ്ടച്ചിറ, കുഴൽ കിണർ
51 തൃക്കടവൂർ പരപ്പത്ത് മുക്ക് കുഴൽ കിണർ
52 അഞ്ചാലുംമൂട് എൽപിഎസിന് മോട്ടോർ പമ്പ് സെറ്റ്
53 തൃക്കടവൂർ വില്ലേജ് ഓഫീസിന് കോമ്പൗണ്ട് വാൾ
54 അഞ്ചാലുംമൂട് എൽ.പി. എസിന് യൂറിനൽ ബ്ലോക്ക്
55 സാമ്പ്രാണികോടി ടൂറിസം അമിനിറ്റി സെൻറർ
56 ഹൈസ്കൂൾ ജംഗ്ഷൻ വികസനം
57 ആശ്രാമം മൈതാനം സൗന്ദര്യവൽക്കരണം
58 ജില്ലാ ജയിലിന് മോട്ടോർ പമ്പ് സെറ്റ്
59 കിളികൊല്ലൂർ പ്രാഥമിക ആരോഗ്യ കേന്ദ്രത്തിന് പുതിയ കെട്ടിടം
60 ഉളിയക്കോവിൽ കെ വി എസ്എൻഡിപി സ്കൂൾ
61 ചാത്തനാംകുളം എംഎസ്എം സ്കൂൾ
ടോയ്ലറ്റ് ബ്ലോക്ക്
62 കൊല്ലം സെൻറ് അലോഷ്യസ് സ്കൂൾ
ടോയ്ലറ്റ് ബ്ലോക്ക്
63 നീരാവിൽ എസ്എൻഡിപി ഹൈസ്കൂൾ ടോയ്ലറ്റ് ബ്ലോക്ക്
64 എകെജി വായനശാല കുരീപ്പുഴ.
ലിസ്റ്റ് അപൂർണ്ണമാണ്...
ഇനിയുമുണ്ട് എഴുതാൻ...