നിവിന് പോളിക്കും എബ്രിഡ് ഷൈനിനുമെതിരെ വഞ്ചനാക്കുറ്റത്തിന് കേസ്; സത്യം വിജയിക്കുമെന്ന് നിവിന്
കൊച്ചി: നടന് നിവിന് പോളിക്കും സംവിധായകന് എബ്രിഡ് ഷൈനുമെതിരെ പൊലീസ് കേസ്. തലയോലപ്പറമ്പ് പൊലീസ് വഞ്ചനാക്കുറ്റം ചുമത്തിയാണ് ഇരുവര്ക്കുമെതിരെ കേസ് രജിസ്റ്റര് ചെയ്തിരിക്കുന്നത്. മഹാവീര്യര് എന്ന സിനിമയുടെ സഹനിര്മ്മാതാവ് പി എസ് ഷംനാസ് ആണ് പരാതിക്കാരന്. ജാമ്യമില്ലാ വകുപ്പ് ചുമത്തിയാണ് നിവിന് പോളിക്കും എബ്രിഡ് ഷൈനുമെതിരെ എഫ്ഐആര് രജിസ്റ്റര് ചെയ്തിരിക്കുന്നത്.
'ആക്ഷന് ഹീറോ ബിജു 2' എന്ന ചിത്രത്തിന്റെ പേരില് വഞ്ചന നടന്നു എന്നാണ് ഷംനാസ് തന്റെ പരാതിയില് ആരോപിക്കുന്നത്. ആക്ഷന് ഹീറോ ബിജു 2-ന്റെ അവകാശം നല്കി ഷംനാസില് നിന്ന് ഒരു കോടി 95 ലക്ഷം രൂപ വാങ്ങിയെന്നാണ് എഫ് ഐ ആറില് പറയുന്നത്. എന്നാല് ഇത് മറച്ചുവെച്ച് ഇതേ സിനിമയുടെ വിദേശ വിതരണാവകാശം മറ്റൊരാള്ക്ക് നല്കി എന്നാണ് പരാതി.
മറ്റൊരാള്ക്ക് അഞ്ച് കോടി രൂപയ്ക്കാണ് സിനിമയുടെ വിദേശ വിതരണാവകാശം നല്കിയത് എന്ന് പരാതിയില് പറയുന്നു. നിവിന് പോളിയുടെ 'പോളി ജൂനിയര് ' എന്ന കമ്പനി രണ്ട് കോടി രൂപ ഇതിന്റെ പേരില് മുന്കൂറായി കൈപ്പറ്റി എന്നാണ് ആരോപണം. ഇതിലൂടെ തനിക്ക് ഒരു കോടി 90 ലക്ഷം രൂപയുടെ നഷ്ടമുണ്ടായി എന്നാണ് ഷംനാസിന്റെ പരാതി. എബ്രിഡ് ഷൈന് സംവിധാനം ചെയ്ത് നിവിന് പോളി നായകനായ മഹാവീര്യര് സിനിമയുടെ നിര്മ്മാതാക്കളില് ഒരാളായിരുന്നു ഷംനാസ്.
ആ സിനിമയുടെ നിര്മ്മാണവുമായി ബന്ധപ്പെട്ട് 95 ലക്ഷം രൂപയോളം തനിക്ക് കിട്ടാനുണ്ട് എന്നും ഷംനാസ് പറയുന്നു. ഇതിന് പിന്നാലെയാണ് എബ്രിഡ് ഷൈന്- നിവിന് പോളി കൂട്ടുകെട്ടില് വരാനിരിക്കുന്ന ചിത്രം ആക്ഷന് ഹീറോ ബിജു 2 ല് തന്നെ നിര്മ്മാണ പങ്കാളി ആക്കാമെന്ന് വാഗ്ദാനം ചെയ്ത് 1.90 കോടി രൂപ വീണ്ടും കൈപ്പറ്റിയത് എന്നും ഷംനാസ് ആരോപിക്കുന്നു. നിര്മ്മാണ പങ്കാളിത്തം സംബന്ധിച്ച കരാര് തയ്യാറാക്കുകയും ചെയ്തിരുന്നു.
എന്നാല് ഇതിന് ശേഷം മൂവര്ക്കുമിടയില് അഭിപ്രായഭിന്നത ഉടലെടുത്തു. ഇതോടെ ഷംനാസിന്റെ നിര്മ്മാണ കമ്പനിയുമായുള്ള കരാര് മറച്ചുവെച്ചുകൊണ്ട് ചിത്രത്തിന്റെ ഓവര്സീസ് അവകാശം വിറ്റു എന്നാണ് പരാതിയില് പറയുന്നത്. വൈക്കം കോടതിയെ ആണ് ഷംനാസ് ആദ്യം പരാതിയുമായി സമീപിച്ചത്. കോടതിയുടെ നിര്ദേശപ്രകാരമാണ് തലയോലപ്പറമ്പ് പൊലീസ് എഫ്ഐആര് ഇട്ടിരിക്കുന്നത്.
നിവിന് പോളിയെ ഒന്നാം പ്രതിയും എബ്രിഡ് ഷൈനിനെ രണ്ടാം പ്രതിയും ആക്കിയാണ് കേസെടുത്തിരിക്കുന്നത്. അതേസമയം തനിക്ക് കേസിന്റെ വിശദാംശങ്ങള് ലഭ്യമായിട്ടില്ലെന്നും അന്വേഷണവുമായി സഹകരിക്കുമെന്നും എബ്രിഡ് ഷൈന് പറഞ്ഞു. ഇത് സംബന്ധിച്ച് പരസ്യ പ്രതികരണത്തിന് ഇല്ല എന്നും അദ്ദേഹം വ്യക്തമാക്കി.
അതേസമയം സംഭവത്തില് വിശദീകരണവുമായി നിവിന് പോളി രംഗത്തെത്തി. ജൂണ് 28 മുതല് ഈ വിഷയത്തില് കോടതി നിര്ദേശപ്രകാരമുള്ള മധ്യസ്ഥ ചര്ച്ചകള് നടന്നുവരികയാണ് എന്നും രഹസ്യസ്വഭാവം ഉറപ്പാക്കാന് കോടതി ഗാഗ് ഓര്ഡര് ഏര്പ്പെടുത്തിയിട്ടുണ്ട് എന്നും നിവിന് പ്രതികരിച്ചു. കോടതി നിര്ദേശങ്ങളെ മാനിക്കാതെയും, നിലവില് നടക്കുന്ന മധ്യസ്ഥ ചര്ച്ചകള് മറച്ചുവെച്ചും, വസ്തുതകള് വളച്ചൊടിച്ചുമാണ് പുതിയ കേസ് രജിസ്റ്റര് ചെയ്തത്.
വിഷയത്തില് ഉചിതമായ നിയമനടപടികള് സ്വീകരിക്കും എന്നും സത്യം വിജയിക്കും എന്നും നിവിന് തന്റെ പ്രസ്താവനയില് പറഞ്ഞു.
-
സ്വര്ണം വീണുടഞ്ഞു; ഇന്ന് ഞെട്ടിക്കുന്ന വിലക്കുറവ്, ഇത്രയും വില താഴുന്നത് ആദ്യം, പവന് വില അറിയാം -
സ്വര്ണം ദുബായ് വഴി; നടി രണ്യ ബെംഗളൂരുവില് കൊണ്ടുവന്നത് 127 കിലോ, ആഫ്രിക്കന് ഖനികളും തേടി -
സ്വർണ വിലയിൽ വൻ ഇടിവ്; പവന് കുറഞ്ഞത് 10,040 രൂപ..1 ലക്ഷത്തിന് താഴേക്ക് തന്നെ? -
സ്വര്ണം ഏതെങ്കിലും പോയി വാങ്ങല്ലേ; ഉഗ്രന് പണി കിട്ടും, കുറഞ്ഞ നിരക്കിലുള്ള സ്വര്ണം അറിയാം -
സ്വര്ണം ഉച്ചയ്ക്ക് വീണ്ടും വീണു; ഏറെ നാള്ക്കു ശേഷം ഒരു ലക്ഷത്തിന് താഴെ, പുതിയ പവന്, ഗ്രാം വില -
സുനിച്ചനുമായി വേർപിരിഞ്ഞ് കഴിയുന്നതിനെ കുറിച്ച് തുറന്ന് പറഞ്ഞ് മഞ്ജു പത്രോസ്;'ഒരു രീതിയിലും ബന്ധമില്ല' -
ശബരി റെയിൽപാതയ്ക്ക് ഇനി എത്ര കാത്തിരിക്കണം? 2032ൽ അങ്കമാലി-എരുമേലി റൂട്ടിൽ ട്രെയിനുകൾ ഓടി തുടങ്ങും..! -
പൊതുഅവധി; വിദ്യാഭ്യാസ സ്ഥാപനങ്ങൾക്കും സർക്കാർ-സ്വകാര്യ സ്ഥാപനങ്ങൾക്കും അവധി ബാധകം -
'ശോഭാ സുരേന്ദ്രൻ എടിഎം പൊളിച്ച് പണമുണ്ടാക്കിയതല്ല, മകന് കോടികൾ ശമ്പളം കിട്ടുന്ന ജോലി പാടില്ലേ' -
"എന്റെ യോഗ്യത ചർച്ച ചെയ്തത് കൊണ്ടാണ് പിഷാരടിയുടെ കാര്യം എടുത്തിട്ടത്, തൃക്കാക്കരക്കാർ മാറി ചിന്തിക്കണം" -
മഞ്ചേശ്വരത്ത് മുസ്ലിം ലീഗ് പെട്ടു; സ്ഥാനാര്ഥിയെ പ്രഖ്യാപിച്ച് എസ്ഡിപിഐ, കെ സുരേന്ദ്രന് ഹാപ്പി -
ശമ്പളം വെട്ടിക്കുറച്ചു; ഉന്നത ഉദ്യോഗസ്ഥര്ക്കും പോലീസുകാര്ക്കും കടുംവെട്ട്, കടുത്ത പ്രതിസന്ധിയില് ഹിമാചല്
Click it and Unblock the Notifications
Sign in with Google