'ആ പ്രശ്നത്തിന് ശേഷം പുറത്തിറങ്ങാതെയായി..'; വിഷമഘട്ടത്തില് കൂടെ നിന്നത് ജനങ്ങളെന്ന് നിവിന് പോളി
കൊച്ചി: വിഷമഘട്ടത്തില് ജനങ്ങളാണ് തന്റെ കൂടെ നിന്നത് എന്ന് നടന് നിവിന് പോളി. അടുത്തിടെ നിവിന് പോളിക്കെതിരെ പീഡന ആരോപണവുമായി ഒരു യുവതി രംഗത്തെത്തിയിരുന്നു. എന്നാല് പിന്നീട് യുവതിയുടേത് വ്യാജ പരാതിയാണ് എന്ന് തെളിഞ്ഞു. ഇതിന്റെ പശ്ചാത്തലത്തിലാണ് നിവിന് പോളിയുടെ പ്രതികരണം. നിലമ്പൂരില് നടന്ന ഗോകുലം നൈറ്റില് സംസാരിക്കുകയായിരുന്നു നിവിന് പോളി.
'ഒരു പ്രശ്നം വന്നപ്പോള് ചേര്ത്തുപിടിച്ചത് ജനങ്ങളും പ്രേക്ഷകരുമാണ്. ഈ പിന്തുണയ്ക്കും സ്നേഹത്തിനും ഒരുപാട് നന്ദിയുണ്ട്. അടുത്തിടെ ഉണ്ടായ പ്രശ്നങ്ങളൊക്കെ എല്ലാവര്ക്കും അറിയാം,' നിവിന് പോളി പറഞ്ഞു. ഒരുപാട് നാളുകള്ക്കുശേഷമാണ് ഇത്രയും വലിയ ജനക്കൂട്ടത്തിനു മുന്നില് നില്ക്കുന്നത് എന്നും അദ്ദേഹം കൂട്ടിച്ചേര്ത്തു. ആ പ്രശ്നങ്ങള്ക്കുശേഷം താനങ്ങനെ പുറത്തെ പരിപാടികള്ക്കൊന്നും പോകാറുണ്ടായിരുന്നില്ലെന്നും നിവിന് പറഞ്ഞു.
ഗോപാലന് ചേട്ടന് (ഗോകുലം ഗോപാലന്) തനിക്കൊരു മെന്ററിനെ പോലെയും ജ്യേഷ്ഠനെപോലെയുമാണ് എന്നും അതുകൊണ്ടാണ് വിളിച്ചപ്പോള് ഓടിവന്നത് എന്നും നിവിന് വ്യക്തമാക്കി. തനിക്കൊരു പ്രശ്നം വന്നപ്പോള് കൂടെ നിന്ന ജനങ്ങളോട് നന്ദി പറയാന് തനിക്ക് വേദി കിട്ടിയില്ലായിരുന്നു എന്നും അതിനായി താന് ഈ വേദി അതിന് ഉപയോഗിക്കുകയാണ് എന്നും നിവിന് കൂട്ടിച്ചേര്ത്തു.
ഈ വര്ഷം നല്ല സിനിമകളുമായി പ്രേക്ഷകര്ക്ക് മുന്നിലെത്തുമെന്നും പ്രോത്സാഹനവും സ്നേഹവും ഇനിയും ഉണ്ടാകണം എന്നും നിവിന് പറഞ്ഞു. നിലമ്പൂരിലെ തേക്കാണ് തന്റെ വീട്ടിലെ ഫര്ണിച്ചറുകള്ക്ക് ഉപയോഗിച്ചിരിക്കുന്നത് എന്നും നിവിന് പറഞ്ഞു. ' ആലുവയിലാണ് എന്റെ വീട്. ആലുവ ശിവരാത്രി മഹോത്സവം എന്റെ നാട്ടില് നടക്കാറുണ്ട്. ഇവിടുത്തെ ഈ ഉത്സവവും കടകളുമൊക്കെ അതിനെ ഓര്മപ്പെടുത്തുന്നുണ്ട്.
2018 ലെ വെള്ളപ്പൊക്കത്തില് എന്റെ വീട്ടില് മുഴുവന് വെള്ളം കയറിയിരുന്നു. ഒടുവില് വീട് പുതുക്കി പണിയേണ്ടതായി വന്നു. പുതുക്കി പണിയുന്ന സമയത്ത് നിലമ്പൂരിലെ തേക്ക് വെച്ച് പണിയണമെന്നായിരുന്നു എന്റെ ആഗ്രഹം. ഇവിടെ വന്ന് ഡിപ്പോയില് നിന്ന് തടിയെടുത്തു. ഇപ്പോള് നിലമ്പൂരിലെ മരങ്ങളാണ് എന്റെ വീട്ടിലുള്ളത്,' നിവിന് പോളി പറഞ്ഞു. കഴിഞ്ഞ വര്ഷമായിരുന്നു നിവിന് പോളിയ്ക്കെതിരെ യുവതി ലൈംഗികാരോപണം ഉന്നയിച്ചത്.
എന്നാല് കേസ് അന്വേഷിച്ച കോതമംഗലം ഊന്നുകല് പൊലീസ് നിവിന് പോളിക്ക് കുറ്റകൃത്യത്തില് പങ്കില്ലെന്നും പ്രതിപ്പട്ടികയില് നിന്ന് ഒഴിവാക്കുകയാണെന്നും വ്യക്തമാക്കി കോടതിയില് റിപ്പോര്ട്ട് സമര്പ്പിച്ചു. കുറ്റകൃത്യം ചെയ്തുവെന്ന് പരാതിക്കാരി ആരോപിക്കുന്ന ദിവസങ്ങളിലോ സമയത്തോ കൃത്യ സ്ഥലത്തും സമയത്തും നിവിന് ഉണ്ടായിരുന്നില്ലന്നും ആരോപിക്കപ്പെട്ട കുറ്റം ചെയ്തിട്ടില്ലെന്നുമാണ് അന്വേഷണ റിപ്പോര്ട്ടില് പറഞ്ഞിരുന്നത്.
സിനിമയില് അവസരം നല്കാമെന്ന് വാഗ്ദാനം ചെയ്ത് നിവിന് പോളി ഉള്പ്പെടെ ആറ് പേര് കൂട്ടബലാത്സംഗം ചെയ്തെന്നായിരുന്നു യുവതി പരാതി നല്കിയത്. ആറാം പ്രതിയായിട്ടായിരുന്നു നിവിന് പോളിയെ ചേര്ത്തിരുന്നത്.
-
'മോഹൻലാലിനോടൊപ്പമുള്ള ഈ കിടപ്പറ സീനിനെ കുറിച്ച് കേട്ടപാടെ നടിമാർ പലരും ഓടി രക്ഷപ്പെട്ടു,കാരണം';ആലപ്പി അഷ്റഫ് -
നടനും സംവിധായകനുമായ ഇഎ രാജേന്ദ്രൻ അന്തരിച്ചു -
ഖത്തര് വീണത് അമേരിക്കക്ക് നേട്ടമായി; ജപ്പാനും ജര്മനിയും മറ്റു വഴി തേടി, ഗള്ഫ് രാജ്യങ്ങള്ക്ക് തിരിച്ചടി -
ഇന്ത്യയ്ക്ക് വേണ്ടി ഹോർമുസ് തുറന്നു; അഞ്ച് സൗഹൃദ രാജ്യങ്ങളുടെ കപ്പലുകൾ തടയില്ലെന്ന് വ്യക്തമാക്കി ഇറാൻ -
സ്വര്ണവില കുറഞ്ഞേക്കും; സ്വര്ണത്തില് കൈവച്ച് തുര്ക്കി, വിപണിയില് ട്രെന്ഡ് മാറുന്നു എന്ന് റിപ്പോര്ട്ട് -
സമാധാനം ഇനിയും അകലെ? യുദ്ധം ഉടനെ അവസാനിക്കില്ലെന്ന് ഇറാന്: യുഎസുമായി യാതൊരു ചര്ച്ചയുമില്ല -
റഷ്യ ഇനി സ്വര്ണ കയറ്റുമതി ചെയ്യില്ല.!? പുതിയ പ്രഖ്യാപനവുമായി പുടിന്, വില കൂടാന് പോകുന്നു? -
ഇന്ന് ലോട്ടറിയെടുക്കുന്നവര്ക്ക് ഭാഗ്യം... ശുക്രദശ തലയ്ക്ക് മുകളില്; ഈ രാശിക്കാരാണോ? -
വിജയ്യെ സഭയിൽ എത്തിക്കാൻ എഐഎഡിഎംകെയുടെ കൈത്താങ്ങ്? പേരമ്പൂരിൽ കരുത്തർക്ക് സീറ്റില്ല, കാരണം? -
'സ്വര്ണം വാങ്ങലും വില്ക്കലും രണ്ടും നില്ക്കും, പൊതുജനം ആകെ അങ്കലാപ്പിൽ, ഒരു ദിവസം തന്നെ ലാഭവും നഷ്ടവും' -
ഉഗാദിക്കും ശിവരാത്രിക്കും ഞാന് മാംസം കഴിക്കാറുണ്ട്, അതിനെന്താണ് കുഴപ്പം: സിദ്ധരാമയ്യ -
കോട്ടയത്ത് ഒമ്പതിടത്തും പാകത്തിന് പോരാട്ട വേവ്
Click it and Unblock the Notifications
Sign in with Google