ആരാധകരുടെ ആകാംഷ അവസാനിച്ചു, പൃത്വിരാജിന്റെ കൊവിഡ് പരിശോധനഫലം പുറത്ത്..!!
കൊച്ചി: നടന് പൃത്വിരാജിന്റെ കൊവിഡ് പരിശോധനഫലം നെഗറ്റീവ്. താരം തന്നെയാണ് ഇക്കാര്യം ഫേസ്ബുക്കിലൂടെ പുറത്തുവിട്ടത്. ബ്ലെസി സംവിധാനം ചെയ്യുന്ന ആടുജീവിതം എന്ന സിനിമയുടെ ചിത്രീകരണം പൂര്ത്തിയാക്കി കഴിഞ്ഞ ആഴ്ചയാണ് താരം നാട്ടിലെത്തിയത്. തുടര്ന്ന് കൊച്ചിയിലെ ഒരു സ്വകാര്യ ഹോട്ടലില് ക്വാറന്റീനില് ആയിരുന്നു താരം. ഇപ്പോള് ഫലം നെഗറ്റീവായെങ്കില് ക്വാറന്റീന് കാലാവധി പൂര്ത്തിയാക്കുമെന്ന് പൃഥിരാജ് ഫേസ്ബുക്കിലൂടെ അറിയിച്ചു.
കഴിഞ്ഞ മാസം 22നായിരുന്നു പൃത്വിരാജ് ബ്ലെസി എന്നിവരടങ്ങുന്ന സിനിമ സംഘം ജോര്ദാനില് നിന്നും കൊച്ചിയിലെത്തിയത്. തിരിച്ചെത്തിയതോടെയുള്ള ഏഴ് ദിവസത്തെ ഇന്സ്റ്റിറ്റിയൂഷണല് ക്വാറന്റീന് പൂര്ത്തിയാക്കിയ വിവരം താരം മേയ് 29ന് അറിയിച്ചിരുന്നു. സിനിമയുടെ ഷെഡ്യൂള് മാര്ച്ച് അവസാനമായിരുന്നു ജോര്ദാനില് ആരംഭിച്ചത്. നാട്ടില് തിരിച്ചെത്തിയ ശേഷം ഫോര്ട്ട് കൊച്ചിയിലെ ഓള്ഡ് ദര്ബാര് ഹോട്ടലിലായിരുന്നു പൃത്വിരാജ ്ക്വാറന്റീനില് കഴിഞ്ഞിരുന്നത്. ജിംനേഷ്യം ഉള്പ്പടെയുള്ളവ ഹോട്ടല് മുറിയില് ഒരുക്കിയിരുന്നു.
ഇപ്പോള് താരം വീട്ടില് ഹോം ക്വാറന്റീനില് കഴിയുകയാണ്. കൈക്ക് പരിക്കുള്ളതിനാല് ബ്ലസി അദ്ദേഹത്തിന്റെ തിരുവല്ലയിലെ വീട്ടിലുമായിരുന്നു ക്വാറന്റൈനില് കഴിഞ്ഞത്. ഹോട്ടലിലെ ഓരോ പ്രത്യേകതയും മറ്റും താരം ആരാധകരുമായി പങ്കുവച്ചിരുന്നു. ആരോഗ്യ സംരക്ഷണത്തിനാണ് താരം ഇക്കാലയളവില് ശ്രദ്ധ പതിപ്പിച്ചതെന്ന് താരം അറിയിച്ചരുന്നു. എഴുത്തുകാരന് ബെന്യാമിന്റെ ആടുജീവിതം എന്ന നോവല് കേന്ദ്രമാക്കി ബ്ലസി നിര്മിക്കുന്ന സിനിമയുടെ ചിത്രീകരണത്തിന് മാര്ച്ചിലാണ് പൃഥ്വിരാജും സംഘവും ജോര്ദാനില് പോയത്. കൊറോണ കാരണം ലോക്ക് ഡൗണ് പ്രഖ്യാപിച്ചതോടെ വിമാന സര്വീസ് റദ്ദാക്കപ്പെട്ടു. ഇതോടെ സംഘം ജോര്ദാനില് കുടുങ്ങി. ജോര്ദാനിലെ വാദി റം മരുഭൂമിയിലായിരുന്നു ചിത്രീകരണം.
Recommended Video
രോഗ വ്യാപനത്തെ തുടര്ന്ന് ചിത്രീകരണം ദിവസങ്ങള് മുടങ്ങിയെങ്കിലും ഷെഡ്യൂള് പൂര്ത്തീകരിച്ച ശേഷമാണ് സംഘം ജോര്ദാനില് നിന്ന് മടങ്ങിയത്. ആടുജീവിതത്തിന്റെ ഒരു ഷെഡ്യൂള് കൂടി ബാക്കിയുണ്ട്. സഹാറ മരുഭൂമിയിലാണ് മറ്റൊരു ലൊക്കേഷന് എന്ന് അണിയറ പ്രവര്ത്തകര് പറയുന്നു. റസൂല് പൂക്കുട്ടിയാണ് ആടുജീവിതം സിനിമയക്ക് ശബ്ദ സന്നിവേശം നല്കുന്നത്. എആര് റഹ്മാന് സംഗീത സംവിധാനം നല്കുന്നു എന്നതും എടുത്തുപറയേണ്ടതാണ്. 2009ല് കേരള സാഹിത്യ അക്കാദമിയുടെ ഏറ്റവും നല്ല മലയാളം നോവലിലുള്ള പുരസ്കാരം ലഭിച്ചിട്ടുണ്ട് ആടുജീവിതത്തിന്. നോവല് പോലെ ജനകീയമാകും സിനിമയും എന്നാണ് ആരാധകരുടെ പ്രതീക്ഷ.
-
ഖത്തര് പറഞ്ഞത് സംഭവിച്ചാല് ഇന്ത്യ വെട്ടിലാകും; പെട്രോളിന് 200 രൂപ, കുവൈത്ത് എണ്ണ ഉല്പ്പാദനം നിര്ത്തി -
പുതിയ ജോലി കിട്ടും, നല്ല വിവാഹാലോചനകൾ വരും, സാമ്പത്തിക പ്രയാസങ്ങള് തീരും, നാൾഫലം -
സ്വർണം പണിക്കൂലി ഇല്ലാതെ വാങ്ങാം; ഇങ്ങനെ ബുക്ക് ചെയ്യൂ; പുതിയ സ്കീമുമായി ജ്വല്ലറികൾ -
ദിലീപ് വേണമെന്ന് ലാലിൻ്റെ ഡിമാൻ്റ്..പൊയ്മുഖങ്ങളെ തിരിച്ചറിയാൻ സിദ്ധിഖിന് ആയില്ല';ആലപ്പി അഷ്റഫ് -
സ്വര്ണം, സില്ക്ക് സാരി, 2500 രൂപ സഹായം; വമ്പന് പ്രഖ്യാപനവുമായി വിജയ്, വാഗ്ദാനപ്പെരുമഴ -
ബെംഗളൂരുവില് എയര്ബസിന്റെ വമ്പന് ടെക്നോളജി സെന്റര്; 5,000 ജീവനക്കാരെ ഉള്ക്കൊള്ളുന്ന ക്യാമ്പസ് -
ഗള്ഫില് സന്തോഷം; ഇറാന് ആക്രമണം നിര്ത്തി, ഒരു നിബന്ധന, മുന് സംഭവങ്ങളില് മാപ്പ് പറഞ്ഞ് പ്രസിഡന്റ് -
വിദേശയാത്രയും തൊഴിലും ആഗ്രഹിച്ചിരിക്കുന്നവര്ക്ക് സാധിക്കും, അപ്രതീക്ഷിതമായി വലിയ സൗഭാഗ്യം, വാരഫലം -
ചെന്നൈയെ ഞെട്ടിക്കാൻ ലുലു; മെട്രോ സ്റ്റേഷനുകളിലെ ഹൈപ്പർമാർക്കറ്റും ഡെയ്ലിയും അടുത്ത മാസം തുറക്കും -
സ്വർണം തിങ്കളാഴ്ച വാങ്ങുന്നുണ്ടോ? വില 1.20 ലക്ഷത്തിന് മുകളിലേക്കോ അതോ താഴേക്കോ? വിദഗ്ധർ പറയുന്നത് ഇതാണ് -
Women's Day Malayalam Wishes: വീണ്ടുമൊരു വനിതാദിനം കൂടി, ആശംസകള് അറിയിക്കാം -
ബെംഗളൂരു യെമലൂർ-ഔട്ടർ റിംഗ് റോഡ്; വടിയെടുത്ത് ഈസ്റ്റ് സിറ്റി കോർപറേഷൻ,മാർച്ച് 15 നകം പൂർത്തിയാക്കണം
Click it and Unblock the Notifications
Sign in with Google