അലൻ വാവേ.. പെട്ടെന്ന് തിരിച്ച് വായോ; യുഎപിഎ അറസ്സില് വികാരഭരിതയായി സജിത മഠത്തില്
കോഴിക്കോട്: മാവോയിസ്റ്റ് അനുകൂല ലഘുലേഖ കൈവശം വെച്ചെന്നാരോപിച്ച് പോലീസ് അറസ്റ്റ് ചെയ്ത വിദ്യാര്ത്ഥികള്ക്കെതിരെ യുഎപിഎ ചുമത്തിയ സംഭവത്തില് ഉള്ളുലയ്ക്കുന്ന ഫേസ്ബുക്ക് കുറിപ്പുമായി നടി സജിത മഠത്തില്. യുഎപിഎ ചുമത്തപ്പെട്ട അലന് ശുഹൈബിന്റെ അമ്മയുടെ സഹോദരി കൂടിയാണ് സജിത മഠത്തില്.
അലന് വാവേ, വല്യമ്മയ്ക്കും അമ്മയ്ക്കും ഉറക്കം വരുന്നില്ലെന്ന് സജിത മഠത്തില് ഫേസ്ബുക്കില് കുറിക്കുന്നു. നാളെ വിയ്യൂർ ജയിലിലേക്ക് കൊണ്ടു പോകുന്ന നിനക്കായി വസ്ത്രങ്ങൾ എടുത്തു വെക്കുമ്പോൾ നിന്റെ ചുവന്ന മുണ്ടുകൾ എന്നെ ഭയപ്പെടുത്തുന്നത് പോലെ തോന്നുന്നുവെന്നും സജിത് കുറിക്കുന്നു.
സജിത മഠത്തിലിന്റെ ഫേസ്ബുക്ക് പോസ്റ്റിന്റെ പൂര്ണ്ണരൂപം ഇങ്ങനെ..
അലൻ വാവേ
വല്യമ്മക്കും
അമ്മക്കും
ഉറക്കം
വരുന്നില്ല.
നിന്റെ
നീളം
ഉതുക്കാൻ
തക്കവണ്ണം
പണിയിച്ച
കട്ടിലിൽ
ഞങ്ങൾ
നിശ്ശബ്ദരായി
ഇരിക്കുകയാണ്.
നിലത്ത്
കിടന്നാൽ
പുറംവേദന
വരുമെന്ന്
നീ
പറയാറില്ലെ?
നാളെ നിന്നെ വിയ്യൂർ ജയിലിലേക്ക് കൊണ്ടു പോകും. നിനക്കായി വസ്ത്രങ്ങൾ എടുത്തു വെക്കുമ്പോൾ നിന്റെ ചുവന്ന മുണ്ടുകൾ എന്നെ ഭയപ്പെടുത്തുന്നതു പോലെ! ഇനി വെള്ളമുണ്ടുകൾ മതിയല്ലെ?
രാത്രി പുസ്തകം വായിച്ചു ഉറങ്ങണ്ടെ? ഏത് പുസ്തമാണ് ബാഗിൽ വെക്കേണ്ടത്? അല്ലെങ്കിൽ നീ ഇനി ഒന്നും വായിക്കണ്ട! പുസ്തകം നിനക്ക് എത്തിക്കാൻ തന്നെ ഭയം തോന്നുന്നു.
നമുക്കിനി രാഷ്ട്രീയ ചർച്ചകൾ നടത്തണ്ട വാവേ... നിയമം പഠിക്കാൻ റാങ്കുമായി പുറപ്പെട്ട നീയിനി, നിയമത്തിന്റെ കുരുക്കഴിച്ച്,, അഴിച്ച്! ഇനി എത്ര നാൾ?
പെട്ടെന്ന് തിരിച്ച് വായോ!
നിന്റെ
കരുതലില്ലാതെ
അനാഥമായ
ഞങ്ങൾ!
പോലീസ് ജനാധിപത്യ അവകാശങ്ങള് കവര്ന്നെടുക്കുന്നു; യുഎപിഎ അറസ്റ്റില് പ്രതിഷേധവുമായി സിപിഎം