ജയലളിതയ്ക്ക് വിഴിഞ്ഞം നല്കരുത്, ബിജെപി വിളിച്ചാല് പ്രചാരണത്തിനിറങ്ങും; സുരേഷ് ഗോപി
തിരുവനന്തപുരം: വിഴിഞ്ഞം തുറമുഖ പദ്ധതി നടപ്പാക്കണമെന്ന് നടന് സുരേഷ് ഗോപി . നിലവില് ഒരു മാര്ഗം തുറന്ന് കിട്ടിയിരിയ്ക്കുകയാണ് . ഓരോ കാര്യങ്ങള് പറഞ്ഞ് ജയലളിതയ്ക്ക് വഴിയൊരുക്കി കൊടുക്കരുതെന്നും സുരേഷ് ഗോപി മുന്നറിയിപ്പ് നല്കുന്നു. വിഴിഞ്ഞത്തെ ജനങ്ങള് തുറമുഖ പദ്ധതി നടപ്പാക്കാന് ആഗ്രഹിയ്ക്കുന്നവരാണ്. തുറന്ന് കിട്ടിയ മാര്ഗം സുതാര്യമാണോ എന്ന് പരിശോധിയ്ക്കേണ്ടതുണ്ട് .
മാര്ഗം സുതാര്യമാണോ എന്ന് പരിശോധിയ്ക്കേണ്ടത് സംസ്ഥാന സര്ക്കാരിന്റെയും മുഖ്യമന്ത്രി ഉമ്മന്ചാണ്ടിയുടേയും ഉത്തരവാദിത്തമാണ്. കഴിയുമെങ്കില് പദ്ധതി നടപ്പാക്കണം. സാധാരണ പ്രജകളെപ്പോലെയാണ് താന് വിഴിഞ്ഞം വിഷയത്തെപ്പറ്റി സംസാരിയ്ക്കുന്നതെന്നും തിരുവനന്തപുരം പ്രസ്കഌബ്ബില് വിളിച്ച് ചേര്ത്ത വാര്ത്ത സമ്മേളനത്തില് സുരേഷ് ഗോപി പറഞ്ഞു .
അരുവിക്കര തിരഞ്ഞെടുപ്പില് ബിജെപി നേതൃത്വം ആവശ്യപ്പെട്ടാല് ഒ രാജഗോപാലിന് വേണ്ടി പ്രചാരണത്തിന് ഇറങ്ങുമെന്ന് സുരേഷ് ഗോപി പറഞ്ഞു. ഇക്കാര്യം മുന്പും അദ്ദേഹം പറഞ്ഞിട്ടുണ്ട്. വിഴിഞ്ഞം പദ്ധതി നടപ്പാക്കാന് കേരളം തയ്യാറായില്ലെങ്കില് തമിഴ്നാടിന് കൈമാറുമെന്ന് കേന്ദ്രം മുന്നറിയിപ്പ് നല്കിയിരുന്നു . തമിഴ്നാട്ടിലെ കുളച്ചലിലും ആഴക്കടല് തുറമുഖം സംബന്ധിച്ച സര്വെ നടത്തിയിരുന്നു .
Click it and Unblock the Notifications
Sign in with Google