അശ്ലീല ചുവയോടെ സംസാരിച്ചവരുടെ ചാറ്റ് പരസ്യപ്പെടുത്തി അരുന്ധതി

പത്തനംതിട്ട: ഫേസ്ബുക്കിലൂടെ തനിയ്ക്ക് അശ്ലീല സന്ദേശമയച്ചവരുടെ ചാറ്റ് പ്രസിദ്ധപ്പെടുത്തി നടിയും ആക്ടിവിസ്റ്റുമായി അരുന്ധതി രംഗത്ത്. ഫേസ്ബുക്ക് ചാറ്റുകളുടെ സ്‌ക്രീന്‍ഷോട്ട് തന്റെ വാളില്‍ പോസ്റ്റ് ചെയ്താണ് അരുന്ധതി കപട സദാചാരവാദികള്‍ക്ക് മുന്നറിയിപ്പ് നല്‍കുന്നത്.

പുറമെ സദാചാരവാദികളാകുന്ന മലയാളികളുടെ തനിനിറം പുറത്ത് കൊണ്ട് വരാനാണ് താന്‍ ചാറ്റ് പരസ്യപ്പെടുത്തുന്നതെന്ന് അരുന്ധതി പറയുന്നു. ലൈംഗിക ചുവയോടെയുള്ള യുവാക്കളുടെ ചാറ്റാണ് അരുന്ധതി പരസ്യപ്പെടുത്തിയിരിയ്ക്കുന്നത്. തുടര്‍ന്നും താന്‍ ഇത്തരം ചാറ്റുകള്‍ പരസ്യപ്പെടുത്തുമെന്ന് വിദ്യാര്‍ഥിനി കൂടിയായ അരുന്ധതി പറയുന്നു.

ഹൈദരാബാദില്‍ ചുംബന സമരം നടത്തിയതിന്റെ പേരിലാണ് സദാചാര ആക്രമണങ്ങള്‍ക്ക് അരുന്ധതി വിധേയാകുന്നത്. അരുന്ധതിയുടെ പോസ്റ്റുകള്‍ക്കും രൂക്ഷ വിമര്‍ശനമാണ് ലഭിയ്ക്കുന്നത്. ചുംബനത്തെ ജനറൈലൈസ് ചെയ്ത് സമരത്തിനിറങ്ങിയവര്‍ ലൈംഗികബന്ധത്തിലേര്‍പ്പെടാന്‍ താത്പര്യമുണ്ട് എന്ന് ഒരാള്‍ പറയുമ്പോള്‍ എന്തിന് ഇടുങ്ങിയ ചിന്തയിലേയ്ക്ക് മടങ്ങുന്നു എന്ന തരത്തിലാണ് കമന്റുകള്‍. ചുംബന സമരത്തിന്റെ പേരില്‍ ഏറെ വിമര്‍ശനങ്ങള്‍ നേരിട്ട പെണ്‍കുട്ടിയാണ് അരുന്ധതി.

English summary

Actress Arundhathi published obscene chat on her Facebook wall.