ദിലീപ് ഒടുവിൽ ചിരിച്ചു?നടിയെ ആക്രമിക്കുന്ന ദൃശ്യങ്ങളടങ്ങിയ ഫോൺ കത്തിച്ചതായി പോലീസ്!തിരിച്ചടി...
കഴിഞ്ഞ ദിവസം രാത്രി പോലീസ് അറസ്റ്റ് ചെയ്ത രാജു ജോസഫ് ചോദ്യം ചെയ്യലിനിടെയാണ് ഇക്കാര്യം വെളിപ്പെടുത്തിയത്.
കൊച്ചി: ഒടുവിൽ ആ മൊബൈൽ ഫോണിന് വേണ്ടിയുള്ള അന്വേഷണവും അവസാനിച്ചു. നടിയെ ആക്രമിച്ച കേസിൽ ദൃശ്യങ്ങൾ പകർത്തിയ മൊബൈൽ ഫോൺ കത്തിച്ചു കളഞ്ഞതായി അഡ്വക്കേറ്റ് രാജു ജോസഫ് പോലീസിന് മൊഴി നൽകി.
കഴിഞ്ഞ ദിവസം രാത്രി പോലീസ് അറസ്റ്റ് ചെയ്ത രാജു ജോസഫ് ചോദ്യം ചെയ്യലിനിടെയാണ് ഇക്കാര്യം വെളിപ്പെടുത്തിയത്. മൊബൈൽ ഫോൺ കത്തിച്ചു കളഞ്ഞതായി പോലീസും സ്ഥിരീകരിച്ചിട്ടുണ്ടെന്ന് മംഗളം റിപ്പോർട്ട് ചെയ്യുന്നു. പൾസർ സുനിയുടെ അഭിഭാഷകനായ പ്രതീഷ് ചാക്കോയുടെ ജൂനിയറായ രാജു ജോസഫിനെ കഴിഞ്ഞ ദിവസം രാത്രിയാണ് പോലീസ് അറസ്റ്റ് ചെയ്തത്. മൊഴി രേഖപ്പെടുത്തിയ ശേഷം ഇയാളെ പിന്നീട് ജാമ്യത്തിൽ വിട്ടയക്കുകയും ചെയ്തിരുന്നു.
ഫോൺ കത്തിച്ചു കളഞ്ഞു....
നടിയെ തട്ടിക്കൊണ്ടുപോയി ആക്രമിച്ച ദൃശ്യങ്ങളടങ്ങിയ മൊബൈൽ ഫോൺ കത്തിച്ചു കളഞ്ഞുവെന്നാണ് അഡ്വക്കേറ്റ് രാജു ജോസഫ് പോലീസിന് മൊഴി നൽകിയിരിക്കുന്നത്.
നിർണ്ണായക തെളിവ്....
ഫോൺ കത്തിച്ചതായി രാജു ജോസഫ് മൊഴി നൽകിയതായി പോലീസ് സ്ഥിരീകരിച്ചിട്ടുണ്ട്. ഇതോടെ കേസുമായി ബന്ധപ്പെട്ട നിർണ്ണായക തെളിവാണ് പോലീസിന് നഷ്ടമായിരിക്കുന്നത്.
തിരിച്ചടി...
കേസിലെ നിർണ്ണായക തെളിവായ മൊബൈൽ ഫോൺ കത്തിച്ചു കളഞ്ഞതായി സ്ഥിരീകരിച്ചതോടെ അന്വേഷണ സംഘത്തിന് കനത്ത തിരിച്ചടിയായിരിക്കുകയാണ്.
പ്രതീഷ് ചാക്കോയ്ക്ക്....
നടിയെ ആക്രമിച്ചതിന് ശേഷം ഒളിവിൽ കഴിയുന്നതിനിടെയാണ് പൾസർ സുനി മൊബൈൽ ഫോൺ അഭിഭാഷകനായ പ്രതീഷ് ചാക്കോയ്ക്ക് കൈമാറിയത്.
പൾസർ സുനി പിടിയിലായതോടെ...
എന്നാൽ കോടതിയിൽ കീഴടങ്ങാനെത്തിയ പൾസർ സുനിയെ പോലീസ് നാടകീയമായി അറസ്റ്റ് ചെയ്തതോടെയാണ് പ്രതീഷ് ചാക്കോയും രാജു ജോസഫും മൊബൈൽ ഫോൺ കത്തിച്ചു കളഞ്ഞത്.
കാറും കസ്റ്റഡിയിൽ...
മൊബൈൽ ഫോണും മെമ്മറി കാർഡും നശിപ്പിക്കാനായി കൊണ്ടുപോയ രാജു ജോസഫിന്റെ കാർ പോലീസ് കസ്റ്റഡിയിലെടുത്തിട്ടുണ്ട്. തമിഴ്നാട് തൂത്തുക്കുടി രജിസ്ട്രേഷനിലുള്ളതാണ് കാർ.
നാദിർഷയെ ചോദ്യം ചെയ്തേക്കും...
നടിയെ ആക്രമിച്ച കേസുമായി ബന്ധപ്പെട്ട് നടനും സംവിധായകനുമായ നാദിർഷയെ വീണ്ടും ചോദ്യം ചെയ്തേക്കുമെന്നും റിപ്പോർട്ടുണ്ട്. അപ്പുണ്ണിയുടെ മൊഴിയുടെ അടിസ്ഥാനത്തിൽ ചില കാര്യങ്ങളിൽ വ്യക്തത വരുത്താനാണ് നാദിർഷയെ വീണ്ടും ചോദ്യം ചെയ്യുന്നത്.