Click it and Unblock the Notifications
Just In
Don't Miss
-
അമ്മൂമ്മ ഒരുപാട് സ്ട്രഗിൾ ചെയ്തു; അമ്മ ഇന്ന് അതേ ലൈഫ് സ്റ്റെെലിലാണ്; എന്റെ ആവശ്യം വരാറില്ല; സൗഭാഗ്യ -
നിലവിളക്ക് തെളിയിക്കുന്നതിന് മുമ്പായി നിര്ബന്ധമായും ചെയ്യേണ്ട കാര്യങ്ങള് -
IPL 2024: രാഹുല് 'ഷോ', സഞ്ജുവും റിഷഭും ഭയക്കണം! ലോകകപ്പില് രോഹിത്തിനൊപ്പം ഓപ്പണറോ? -
മുങ്ങിത്താഴ്ന്ന ഥാറിനെ രക്ഷപ്പെടുത്തി മറ്റൊരു ഥാർ, ഞെട്ടിക്കുന്ന വൈറൽ വീഡിയോ കണ്ടോ -
ദിവസവും 233 രൂപ മാറ്റിവയ്ക്കാമോ, 12 ലക്ഷം രൂപ കയ്യിലെത്തും, ഇതാണ് പോസ്റ്റ് ഓഫീസ് പദ്ധതി -
കൊട്ടിയൂർ വൈശാഖോത്സവം 2024: ദർശനം പോലും പുണ്യം! അറിയാം പ്രധാന തിയതികളും വിശേഷ ദിവസങ്ങളും -
വാങ്ങാൻ ഒരു നിമിഷം പോലും പാഴാക്കരുത്, മോട്ടറോളയുടെ ജീനിയസ് സ്മാർട്ട്ഫോണിന് 5000 രൂപ ഡിസ്കൗണ്ട്!
മഞ്ജുവും കാവ്യയും അടക്കമുള്ള താരങ്ങൾ പറഞ്ഞതെല്ലാം പരസ്യമാക്കി! ഒടുവിൽ പോലീസ് കേസെടുത്തു...
അന്വേഷണ സംഘത്തെയും സംസ്ഥാന പോലീസിനെയും ഞെട്ടിച്ചുകൊണ്ടാണ് നടിയെ ആക്രമിച്ച കേസിലെ സാക്ഷിമൊഴികൾ പുറത്തുവന്നത്.
Recommended Video
കൊച്ചി: നടിയെ ആക്രമിച്ച കേസിൽ സാക്ഷിമൊഴി പ്രസിദ്ധീകരിച്ച മാധ്യമങ്ങൾക്കെതിരെ പോലീസ് കേസെടുത്തു. നടിയെ ആക്രമിച്ച കേസിലെ അന്വേഷണ ഉദ്യോഗസ്ഥനായ സിഐ ബിജു പൗലോസിന്റെ പരാതിയിൽ നെടുമ്പാശേരി പോലീസാണ് കേസെടുത്തുത്.
അന്വേഷണ സംഘത്തെയും സംസ്ഥാന പോലീസിനെയും ഞെട്ടിച്ചുകൊണ്ടാണ് നടിയെ ആക്രമിച്ച കേസിലെ സാക്ഷിമൊഴികൾ പുറത്തുവന്നത്. ദിലീപിന്റെ ആദ്യഭാര്യയും നടിയുമായ മഞ്ജു വാര്യർ, നടിമാരായ സംയുക്താ വർമ്മ, കാവ്യാ മാധാവൻ, ഗായിക റിമി ടോമി, നടൻ കുഞ്ചാക്കോ ബോബൻ തുടങ്ങിയവരുടെ സാക്ഷിമൊഴികളാണ് വിവിധ മാധ്യമങ്ങൾ പുറത്തുവിട്ടത്.
സാക്ഷിമൊഴികളും...
നടിയെ ആക്രമിച്ച കേസിൽ കുറ്റപത്രം ചോർന്നെന്ന ആരോപണത്തിന് പിന്നാലെയാണ് സാക്ഷിമൊഴികളും മാധ്യമങ്ങളിലൂടെ പുറത്തുവന്നത്. പോലീസ് കുറ്റപത്രം ചോർത്തി നൽകിയെന്ന ദിലീപിന്റെ പരാതിയിൽ കോടതിയിൽ വാദം തുടരുന്നതിനിടെയായിരുന്നു സാക്ഷിമൊഴികളും പരസ്യമായത്.
മഞ്ജുവും കാവ്യയും...
ദിലീപിന്റെ ആദ്യഭാര്യയും നടിയുമായ മഞ്ജു വാര്യരുടെ സാക്ഷിമൊഴിയാണ് ആദ്യം പുറത്തുവന്നത്. തൊട്ടുപിന്നാലെ സംയുക്താ വർമ്മ, മുകേഷ്, കാവ്യാ മാധവൻ, റിമി ടോമി, കുഞ്ചാക്കോ ബോബൻ തുടങ്ങിയവരുടെ സാക്ഷിമൊഴികളും വിവിധ മാധ്യമങ്ങൾ പ്രസിദ്ധീകരിച്ചു. സാക്ഷിമൊഴികൾ പരസ്യമായതോടെ അന്വേഷണസംഘം വീണ്ടും പ്രതിരോധത്തിലായി.
ദിലീപിനും...
ദിലീപിന് ആക്രമിക്കപ്പെട്ട നടിയോട് ശത്രുതയുണ്ടെന്ന് തോന്നിക്കുന്ന വിധമായിരുന്നു മിക്കവരുടെയും സാക്ഷിമൊഴികൾ. ഇവയുടെ പൂർണ്ണരൂപം മാധ്യമങ്ങളിൽ വന്നത് ദിലീപടക്കമുള്ള പ്രതികൾക്കും വെല്ലുവിളിയായിരുന്നു. കേസിൽ ദിലീപിനെ പ്രതിരോധത്തിലാക്കുന്ന തരത്തിലായിരുന്നു മിക്ക മൊഴികളും.
മാനക്കേട്...
കുറ്റപത്രം ചോർന്നതിന് പിന്നാലെ സാക്ഷിമൊഴികളും മാധ്യമങ്ങളിലെത്തിയത് പോലീസിനും നാണക്കേടായി മാറി. ഇതോടെയാണ് മാധ്യമങ്ങൾക്കെതിരെ നിയമനടപടി സ്വീകരിക്കാൻ പോലീസ് തീരുമാനിച്ചത്. ഇതിന്റെ ഭാഗമായി ശനിയാഴ്ച കോടതിയിൽ ഹർജിയും സമർപ്പിച്ചു.
മാധ്യമങ്ങൾക്കെതിരെ...
കോടതിയിൽ ഹർജി സമർപ്പിച്ചതിന് പിന്നാലെയാണ് മാധ്യമങ്ങൾക്കെതിരെ പോലീസ് കേസെടുത്തിരിക്കുന്നത്. നടിയെ ആക്രമിച്ച കേസിലെ അന്വേഷണ ഉദ്യോഗസ്ഥനായ സിഐ ബിജു പൗലോസിന്റെ പരാതിയിലാണ് നെടുമ്പാശേരി പോലീസ് കേസ് രജിസ്റ്റർ ചെയ്തിരിക്കുന്നത്.
