Click it and Unblock the Notifications
Just In
Don't Miss
-
റെഡ്മിയുടെ 5 സ്മാർട്ട്ഫോണുകൾക്ക് വില കുറഞ്ഞു; 2 എണ്ണത്തിന് വില 10000 രൂപയിൽ താഴെ മാത്രം -
മോഹൻലാലിന്റെ വക്കീലായി സിനിമയിൽ തുടക്കം, ഇപ്പോൾ 40 ലക്ഷം രൂപയുടെ ഇന്നോവ മുതലാളിയായി നടി -
ചാണക്യനീതി: എല്ലാവര്ക്കുമുണ്ട് ഒരു കഷ്ടകാലം, ജീവിതം നശിക്കാതിരിക്കാന് 7 കാര്യം -
IPL 2024: ഇംപാക്ട് പ്ലെയര് ബൗളര്മാരെ ദുര്ബലരാക്കുന്നു; ബാറ്റിംഗിനെ സഹായിക്കുന്നുവെന്ന് ബുംറ -
ശരീരത്തില് അടയാളങ്ങളുണ്ടെങ്കില് കാണിക്കണം, തനിച്ച് വരണം; കാസ്റ്റിംഗ് കൗച്ചിനെക്കുറിച്ച് നടി -
സെല്ലോ വേൾഡ്, ജസ്റ്റ് ഡയൽ ഉൾപ്പെടെ 5 ഓഹരികൾ, ലാഭം വേണമെങ്കിൽ ഇപ്പോൾ വാങ്ങാം, നോക്കുന്നോ -
പച്ചപ്പിനു നടുവിലെ വയലറ്റ് പൂക്കൾ... ജക്കരന്ത പൂത്തുലഞ്ഞ മൂന്നാർ, കാണാം നീലവസന്തക്കാഴ്ച
നടി ആക്രമിക്കപ്പെട്ട കേസ്: ദിലീപിനെതിരെ കുറ്റംചുമത്തി, വിചാരണ 28 മുതല്‍, വിധി ജൂണില്‍
കൊച്ചി: നടി ആക്രമിക്കപ്പെട്ട കേസില്‍ പ്രതികള്‍ക്കെതിരെ കുറ്റം ചുമത്തി. വിചാരണ കോടതിയില്‍ ദിലീപ് ഉള്‍പ്പെടെ എല്ലാ പ്രതികളും ഹാജരായി. പ്രതികളെ കോടതി കുറ്റപത്രം വായിച്ചുകേള്‍പ്പിച്ചു. പ്രതികള്‍ കുറ്റം നിഷേധിച്ചു. വിചാരണ ഈ മാസം 28ന് ആരംഭിക്കും. ആറ് മാസത്തിനകം വിചാരണ പൂര്‍ത്തിയാക്കി വിധി പ്രഖ്യാപിക്കാനാണ് സുപ്രീംകോടതി നിര്‍ദേശം.
ഈ പശ്ചാത്തലത്തില്‍ ജൂണില്‍ വിധി വന്നേക്കുമെന്നാണ് കരുതുന്നത്. ദിലീപ് ഉള്‍പ്പെടെയുള്ള പ്രതികളോട് ഇന്ന് ഹാജരാകാന്‍ വിചാരണ കോടതി നിര്‍ദേശിച്ചിരുന്നു. നേരത്തെ പലവട്ടം നിര്‍ദേശിച്ചിട്ടും ദിലീപ് ഹാജരായിരുന്നില്ല. ഇതിലുള്ള അതൃപ്തി കോടതി കഴിഞ്ഞാഴ്ച പ്രകടിപ്പിക്കുകയും ചെയ്തിരുന്നു.
വിചാരണ ആരംഭിക്കുന്നതിന് മുന്നോടിയായുള്ള നടപടിയാണ് ഇന്ന് കോടതിയില്‍ നടന്നത്. സാക്ഷികളെ വിസ്തരിക്കുന്നതുമായി ബന്ധപ്പെട്ട സമയ ക്രമം വരുംദിവസങ്ങളില്‍ കോടതി തീരുമാനിക്കും. പ്രതിപ്പട്ടികയില്‍ നിന്ന് ഒഴിവാക്കണമെന്ന് ദിലീപ് കോടതിയില്‍ ആവശ്യപ്പെട്ടിരുന്നെങ്കിലും തള്ളുകയാണ് ചെയ്തത്. ഇതിനെതിരെ ദിലീപ് ഹൈക്കോടതിയെ സമീപിക്കുമെന്ന് റിപ്പോര്‍ട്ടുകളുണ്ട്.
ദിലീപ് ഹൈക്കോടതിയെ സമീപിച്ചാല്‍ ഒരു പക്ഷേ വിചാരണ വൈകിയേക്കും. എന്നാല്‍ അപ്പീല്‍ ഹര്‍ജികളില്‍ തീരുമാനമാകുംവരെ കാത്തിരുന്നാല്‍ സുപ്രീംകോടതി നല്‍കിയ ആറ് മാസം കാലാവധി എന്നത് പാലിക്കാന്‍ സാധിച്ചേക്കില്ല. 2017 ഫെബ്രുവരി 17നാണ് തൃശൂരില്‍ നിന്ന് കൊച്ചിയിലേക്കുള്ള യാത്രയ്ക്കിടെ നടി കാറില്‍ വച്ച് ആക്രമിക്കപ്പെട്ടത്. ആദ്യം ക്വട്ടേഷന്‍ സംഘങ്ങള്‍ പിടിയിലായ കേസില്‍ ദിലീപ് അറസ്റ്റിലായതോടെയാണ് ദേശീയശ്രദ്ധയാകര്‍ഷിച്ചത്.
