'യുദ്ധങ്ങൾ സൂക്ഷിച്ച് മാത്രം തിരഞ്ഞെടുക്കുക, ചിലപ്പോഴൊക്കെ ശരി ചെയ്യുന്നതിനേക്കാൾ മികച്ചത് സമാധാനം!!
തിരുവനന്തപുരം: നടി ആക്രമിക്കപ്പെട്ട കേസിൽ കൂറുമാറിയതിന് പിന്നാലെ നിരവധി പേരാണ് നടി ഭാമയെ വിമർശിച്ച് രംഗത്തെത്തിയത്. സിനിമാ രംഗത്തെ പ്രമുഖർക്ക് പുറമേ പൊതു പ്രവർത്തകരിൽ പലരും നടിയെ വിമർശിച്ച് രംഗത്തെത്തിയിരുന്നു. തനിക്കെതിരെയുള്ള രൂക്ഷ വിമർശനങ്ങൾ രൂക്ഷമായതിന് പിന്നാലെ സോഷ്യൽ മീഡിയയിലെ കമന്റ് നടി ഡിസേബിൾ ചെയ്തിരുന്നു.
'ബാബറി തകർത്തത് കർസേവകരുടെ കൂട്ടത്തിലെ അക്രമി സംഘം', ഗൂഢാലോചന ഇല്ലെന്ന് മുൻ ഐപിഎസ് ഓഫീസർ
കൊച്ചിയിൽ നടി ആക്രമിക്കപ്പെട്ട സംഭവത്തിന് പിന്നാലെ നടിയ്ക്ക് പിന്തുണ പ്രഖ്യാപിച്ച് ഫേസ്ബുക്കിലിട്ട പോസ്റ്റും ഇതിനൊപ്പം ഭാമ നീക്കം ചെയ്തിരുന്നു. നടി ആക്രമിക്കപ്പെട്ട സംഭവത്തിന് ശേഷം സോഷ്യൽ മീഡിയ പ്ലാറ്റ്ഫോമുകളിൽ നിന്ന് ഏറെക്കാലത്തേക്ക് വിട്ടുനിന്ന ഭാമ നടി ആക്രമിക്കപ്പെട്ട കേസിൽ കൂറുമാറിയ സംഭവത്തിന് ശേഷം നടി വീണ്ടും സോഷ്യൽ മീഡിയയിൽ സജീവമായിക്കഴിഞ്ഞിരിക്കുകയാണ്. 'യുദ്ധങ്ങൾ സൂക്ഷിച്ച് മാത്രം തിരഞ്ഞെടുക്കുക, ചിലപ്പോഴൊക്കെ ശരി ചെയ്യുന്നതിനേക്കാൾ മികച്ചത് സമാധാനമാണ്' ഇൻസ്റ്റഗ്രാമിലിട്ട പോസ്റ്റിലാണ് ഭാമയുടെ പ്രതികരണം. ശുഭാപ്തിവിശ്വാസത്തോടെയിരിക്കാനും ഭാമ സ്റ്റാറ്റസിൽ കുറിക്കുന്നുണ്ട്.
സ്വന്തം ചിത്രം കണ്ണാടിയിൽ പ്രതിഫലിക്കുന്ന ഫോട്ടോയാണ് വിവാദങ്ങൾക്ക് ശേഷം നടി ഇൻസ്റ്റഗ്രാമിലിട്ടത്. താര സംഘടനയായ അമ്മയുടെ സ്റ്റേജ് ഷോയ്ക്കിടെ ആക്രമിക്കപ്പെട്ട നടിയും ദിലീപും തമ്മിൽ തർക്കമുണ്ടായിരുന്നുവെന്നാണ് ഭാമ കേസിൽ നേരത്തെ നൽകിയ മൊഴി. ഈ നിർണ്ണായക മൊഴിയാണ് പിന്നീട് തിരുത്തിയത്. ഭാമ ഇക്കാര്യം കോടതിയിൽ സ്ഥിരീകരിക്കാൻ തയ്യാറാവാത്തതോടെയാണ് ഭാമ കൂറുമാറിയതായി പ്രഖ്യാപിക്കണമെന്ന് പ്രോസിക്യൂഷൻ ആവശ്യപ്പെടുന്നത്. ഭാമയ്ക്ക് പുറമേ നടൻ സിദ്ദിഖും കൂറുമാറിയിരുന്നു.