'ദുബായ് കിരീടവകാശി, ഖത്തര് സ്വദേശി'; നടി നേഹ സക്സേനയെ കുരുക്കാന് നീക്കം, സംഭവം ഇങ്ങനെ
കൊച്ചി: വിഴിഞ്ഞം തട്ടിപ്പ് കേസിലെ പ്രതി സല്മാനുല് ഫാരിസ് നടി നേഹ സക്സേനയെ കുരുക്കാന് ശ്രമിച്ചു എന്ന് വെളിപ്പെടുത്തല്. നടിയെ നിരന്തരം ബന്ധപ്പെട്ട് മോശമായ ചിത്രങ്ങള് അയച്ചു കൊടുത്ത് ഭീഷണിപ്പെടുത്തി എന്നാണ് ആരോപണം. മലപ്പുറം പോലീസില് പരാതി നല്കിയിരുന്നു. നടി വീണ്ടും കേരളത്തിലെത്തി കൂടുതല് നടപടികളിലേക്ക് കടക്കുമെന്ന് 24 ന്യൂസ് റിപ്പോര്ട്ട് ചെയ്തു.
വിഴിഞ്ഞം തുറമുഖ തട്ടിപ്പ് കേസ് ആണ് പുതിയ വിവരങ്ങള് പുറത്തുവരാന് കാരണം. വ്യാജ രേഖ ചമച്ച് കോടികളുടെ ടെന്ഡര് കിട്ടിയെന്ന് വിശ്വസിപ്പിച്ച് നിരവധി പേരില് നിന്നായി 300 കോടി രൂപ തട്ടിയെന്നാണ് മലപ്പുറം അരീക്കോട് സ്വദേശി സല്മാനുല് ഫാരിസിനെതിരായ കേസ്. ഇയാളെ പോലീസ് കഴിഞ്ഞ ദിവസം കൊച്ചിയില് നിന്ന് അറസ്റ്റ് ചെയ്തു. പ്രതി കൊച്ചിയില് മുമ്പ് ബിസിനസ് മീറ്റ് നടത്തി എന്ന വിവരവും പോലീസ് അന്വേഷിക്കുന്നുണ്ട്.
ദുബായ് കിരീടവകാശി എന്ന് പരിചയപ്പെടുത്തിയാണ് പ്രതി നടിയുമായി ഓണ്ലൈനില് ബന്ധപ്പെട്ടതത്രെ. മറ്റൊരു ഘട്ടത്തില് ഖത്തര് സ്വദേശിയുടെ ചിത്രങ്ങളും പ്രതി വ്യാജമായി ഉപയോഗിച്ചിരുന്നു. നടിയുമായി അറബിയില് സംസാരിക്കുകയും പ്രമുഖ ബ്രാന്റിന്റെ അംബാസഡര് ആകണം എന്ന് ആവശ്യപ്പെടുകയും ചെയ്തുവത്രെ. അതിന് വേണ്ടി ചില പരസ്യങ്ങള് ചെയ്യേണ്ടതുണ്ടെന്നും ആവശ്യപ്പെട്ടു എന്നാണ് നേഹ ആരോപിക്കുന്നത്.
നേഹയും സല്മാനും പരിചയപ്പെട്ടത് ഇങ്ങനെ
പത്ത് വര്ഷം മുമ്പ് തിരുവനന്തപുരത്തെ ഒരു ഷൂട്ടിങില് സല്മാനുല് ഫാരിസുമായി ബന്ധമുള്ള കുട്ടി തനിക്കൊപ്പം അഭിനയിച്ചിരുന്നു എന്നാണ് നേഹ പറയുന്നത്. അതുവഴിയാണ് സല്മാനുല് ഫാരിസ് നടിയുമായി ബന്ധം തുടങ്ങിയത്. പിന്നീട് ഏഴ് വര്ഷത്തോളം ഫേസ്ബുക്ക് വഴി സ്റ്റോക്കിങ് ശ്രമം നടന്നു. നടി അവഗണിച്ചതോടെ ഇന്സ്റ്റഗ്രാമില് വ്യാജ അക്കൗണ്ടുണ്ടാക്കി സന്ദേശം അയച്ചു.
യുഎഇ ഭരണകൂടത്തിലുള്ളവരുടെ പേര് കൂടി ചേര്ത്തുള്ള ഇന്സ്റ്റഗ്രാം അക്കൗണ്ട് വഴിയാണ് സന്ദേശം വന്നത് എന്ന് നടി പറയുന്നു. പ്രമുഖ ബ്രാന്റിന്റെ അംബാസഡര് ആകണം എന്ന് ആവശ്യപ്പെട്ടു. സംശയം തോന്നി നടി നടത്തിയ പരിശോധനയില് ഇത് വ്യാജമാണ് എന്ന് തോന്നി. അതിനിടെ സല്മാനുല് ഫാരിസ് ഓണ്ലൈനില് നടിയെ ബന്ധപ്പെട്ടു. ഇതും നടിക്ക് സംശയത്തിന് ഇടയാക്കുകയും മലപ്പുറം പോലീസില് പരാതി നല്കുകയും ചെയ്തു.
മലപ്പുറം പോലീസ് കേസെടുത്ത് അന്വേഷണം നടത്തുന്നുണ്ട്. ജൂണ് 3നും സല്മാനുല് ഫാരിസ് ഓണ്ലൈന് വഴി ഭീഷണിപ്പെടുത്തി എന്നാണ് നേഹ പറയുന്നത്. നടിയുടെയും മാതാവിന്റെയും മോര്ഫ് ചെയ്ത നഗ്ന ഫോട്ടോകള് അയച്ചു കൊടുത്തായിരുന്നു ഭീഷണി. ബലാല്സംഗ ഭീഷണി മുഴക്കിയെന്നും നടി പറയുന്നു. മറ്റുചില യുവതികളെയും പ്രതി പറ്റിച്ചു എന്ന ആരോപണവും ഉയര്ന്നിട്ടുണ്ട്.
Click it and Unblock the Notifications
Sign in with Google