തൃശൂര് ചോദിച്ചിട്ട് കൊടുത്തിട്ടില്ല, ഇന്ത്യ ചോദിച്ചാ കൊടുക്കുമോ? ലോങ്മാർച്ചിൽ നിമിഷ സജയനും
പൗരത്വ ഭേദഗതി നിയമത്തിനെതിരെ പ്രതിഷേധമറിയിച്ച് നടി നിമിഷ സജയനും രംഗത്ത്. കൊച്ചിയില് നടക്കുന്ന ലോങ് മാർച്ചിന് ഐക്യദാർഢ്യവുമായി നിമിഷ എത്തി. ഐക്യദാര്ഢ്യം പ്രകടിപ്പിച്ച് സംസാരിക്കവെയാണ് വഴിയില് കണ്ട ബോര്ഡിലെ വാചകം സൂചിപ്പിച്ച് തൃശൂര് ചോദിച്ചിട്ട് കൊടുക്കാത്ത നമ്മള് ഇന്ത്യ ചോദിച്ചാ കൊടുക്കുമോ? എന്ന് നിമിഷ ചോദിച്ചത്.
സിനിമയിലെയും മറ്റു സാംസ്കാരിക മേഖലകളിലെയും പ്രവര്ത്തകരാണ് മാര്ച്ചില് പങ്കെടുത്തത്. നടന്മാരായ ഷെയ്ന് നിഗം, മണികണ്ഠന്, സംവിധായകരായ കമല്, ആഷിക് അബു, ഗീതു മോഹന്ദാസ്, നടിമാരായ നിമിഷാ സജയന്, റീമാ കല്ലിങ്കല്, എഴുത്തുകാരായ ഉണ്ണി ആര്, എന് എസ് മാധവന്, സംഗീത സംവിധായകന് ഷഹബാസ് അമന്, ഗായികമാരായ രഞ്ജിനി ഹരിദാസ്, രശ്മി സതീഷ്, തിരക്കഥാകൃത്ത് ശ്യാം പുഷകരന്, സംവിധായിക അര്ച്ചന പദ്മിനി, ഛായാഗ്രഹകന് വേണു തുടങ്ങിയവര് മാര്ച്ചില് പങ്കെടുത്തു.
രാജേന്ദ്ര മൈതാനിയില് നിന്നു തുടങ്ങിയ പ്രതിഷേധമാര്ച്ച് ഫോര്ട്ട് കൊച്ചിയിലാണ് അവസാനിക്കുന്നത്. 'ഒറ്റയ്ക്കല്ല, ഒറ്റക്കെട്ട്' എന്നാണ് മാര്ച്ചിന്റെ പ്രധാന മുദ്രാവാക്യം. പൗരത്വ നിയമ ഭേദഗതി ഗൗരവമുള്ള രാഷ്ട്രീയ പ്രശ്നമാണെന്ന് സംവിധായകന് ആഷിക് അബു പറഞ്ഞു. ഇതില്നിന്ന് ആര്ക്കും മാറി നില്ക്കാന് കഴിയില്ല. ഏതൊക്കെ തരത്തില് പ്രതിഷേധിക്കാമോ, അങ്ങനെയെല്ലാം പ്രതിഷേധിക്കുകയാണ് വേണ്ടതെന്നും അദ്ദേഹം കൂട്ടിച്ചേർത്തു.
Click it and Unblock the Notifications
Sign in with Google