ലാലിനെതിരെ രേവതി; എങ്ങനെ മനസിലാക്കും, ചൊവ്വയില് നിന്ന് വന്നവര്ക്ക് എന്ത് ലൈംഗിക അധിക്ഷേപം
Recommended Video
കൊച്ചി: നടന് മോഹന്ലാലിന്റെ പരാമര്ശങ്ങള്ക്ക് മറുപടിയുമായി നടി രേവതി. ട്വിറ്ററിലാണ് അവര് മോഹന്ലാലിന് മറുപടി നല്കിയിരിക്കുന്നത്. പ്രത്യക്ഷത്തില് മോഹന്ലാലിന്റെ പേരെടുത്ത് പറയുന്നില്ല. എന്നാല് ലാല് കഴിഞ്ഞദിവസം പറഞ്ഞ കാര്യമാണ് ട്വീറ്റിന് ആധാരം. തങ്ങള് നേരിട്ട അതിക്രമങ്ങള് തുറന്നുപറയുന്ന മീ ടൂ കാംപയിനുമായി ബന്ധപ്പെട്ട് മോഹന്ലാല് കഴിഞ്ഞദിവസം യുഎഇയില് വാര്ത്താസമ്മേളനത്തില് പ്രതികരിച്ചിരുന്നു.
മീ ടൂ കാംപയിന് ഒരു ഫാഷനാണെന്നാണ് മോഹന്ലാല് പറഞ്ഞത്. അത് കുറച്ചുകാലം കഴിഞ്ഞാല് നില്ക്കുമെന്നും മോഹന്ലാല് പറഞ്ഞിരുന്നു. ഇത്തരത്തില് പ്രതികരിക്കുന്നവരെ എങ്ങനെ പറഞ്ഞു മനസിലാക്കുമെന്ന് രേവതി ചോദിക്കുന്നു. രേവതിയുടെ മറുപടി സോഷ്യല് മീഡിയയില് വൈറലായിക്കഴിഞ്ഞു. വിശദാംശങ്ങള് ഇങ്ങനെ....
മീ ടൂ കാംപയിന്
പ്രളയ ദുരിതാശ്വാസത്തിന് മുഖ്യമന്ത്രിയുടെ ഫണ്ടിലേക്ക് പണം കണ്ടെത്തുന്നതിന് താരസംഘടന അമ്മ യുഎഇയില് പ്രത്യേക പരിപാടി സംഘടിപ്പിക്കുന്നുണ്ട്. ഇതിന്റെ കാര്യപരിപാടികള് വിശദീകരിക്കാന് മോഹന്ലാല് മാധ്യമങ്ങളെ കണ്ടിരുന്നു. വാര്ത്താസമ്മേളനത്തിനിടെയാണ് ലാല് മീ ടൂ കാംപയിനുമായി ബന്ധപ്പെട്ടും പ്രതികരിച്ചത്.
മോഹന്ലാല് പറഞ്ഞത്
മീ ടൂവിനെ ഒരു മൂവ്മെന്റായി കാണേണ്ടതില്ല എന്നാണ് മോഹന്ലാല് പറഞ്ഞത്. മീ ടൂ ഇപ്പോള് ഒരു ഫാഷനായി മാറിയിരിക്കുകയാണ്. മലയാള സിനിമയെ ഇത് ബാധിക്കില്ല. പുരുഷന്മാര്ക്കും മീ ടൂ ആകാമെന്ന് അദ്ദേഹം ചിരിച്ചുകൊണ്ട് പറയുകയും ചെയ്തു. താന് അനുഭവിക്കാത്ത കാര്യത്തില് എങ്ങനെ അഭിപ്രായം പറയും. അത് ശരിയല്ലെന്നും മോഹന്ലാല് പറഞ്ഞു.
ഒരു പ്രമുഖ നടന്...
എന്നാല് ഇതിനെതിരെയാണ് നടി രേവതി രംഗത്തെത്തിയിരിക്കുന്നത്. മീ ടൂ ഫാഷനാണെന്നാണ് ഒരു പ്രമുഖ നടന് പറഞ്ഞത്. ഇവരെ എങ്ങനെ പറഞ്ഞു മനസിലാക്കും. അഞ്ജലി മേനോന് പറഞ്ഞ പോലെ, ചൊവ്വയില് നിന്ന് വന്നവര്ക്ക് ലൈംഗിക അധിക്ഷേപം എന്താണെന്ന് അറിയില്ല. എന്തുകൊണ്ട് തുറന്നുപറയേണ്ടി വരുന്നുവെന്ന് അറിയില്ല. ഈ പറച്ചില് എന്ത് മാറ്റംവരുത്തുമെന്നും അറിയില്ലെന്നും രേവതി ട്വിറ്ററില് പറയുന്നു.
പേരെടുത്ത് പറയാതെ
മോഹന്ലാലിന്റെ പേരെടുത്ത് പറയാതെയാണ് രേവതിയുടെ പ്രതികരണം. പ്രമുഖ നടന് എന്നാണ് അവര് സൂചിപ്പിച്ചിരിക്കുന്നത്. രേവതിയുടെ ട്വീറ്റ് സോഷ്യല് മീഡിയയില് വൈറലായി കഴിഞ്ഞു. വനിതാ താരസംഘടന ഡബ്ല്യുസിസിയുടെ മുന്നിരയിലുള്ള വ്യക്തിയാണ് രേവതി. നടി ആക്രമിക്കപ്പെട്ട വിഷയത്തില് ദിലീപിനെതിരെ ശക്തമായ നിലപാടെടുത്ത വ്യക്തി കൂടിയാണിവര്.
കോളിളക്കം സൃഷ്ടിച്ച കാംപയിന്
ഇന്ത്യന് സിനിമാ മേഖലയില് വന് വിവാദമാണ് മീ ടൂ കാംപയിന് സൃഷ്ടിച്ചത്. സിനിമാ മേഖലയില് മാത്രമല്ല, രാഷ്ട്രീയ, മാധ്യമ മേഖലകളിലുള്ളവരും അവര് നേരിട്ട പീഡനങ്ങളും ദുരനുഭവങ്ങളും തുറന്നുപറഞ്ഞതോടെ കേന്ദ്രമന്ത്രി ഉള്പ്പെടെയുള്ള പ്രമുഖരുടെ മുഖംമൂടിയാണ് അഴിഞ്ഞുവീണത്. കാംപയിന് സജീവമായി നില്ക്കുന്നതിനിടെയാണ് മോഹന്ലാല് പ്രതികരിച്ചത്. രേവതി മറുപടി നല്കിയതോടെ ഇനിയും ചര്ച്ചയായേക്കും.
മലയാളത്തിലെ ആദ്യ മീ ടൂ കാംപയിന്
നടന് മുകേഷിനെതിരെ മുന് സഹപ്രവര്ത്തക ടെസ് ജോസഫ് ചില വെളിപ്പെടുത്തലുകള് നടത്തിയിരുന്നു. ചെന്നൈയിലെ പരിപാടിക്കിടെ മുകേഷില് നിന്ന് ദുരനുഭവമുണ്ടായി എന്നാണ് അവര് വിശദീകരിച്ചത്. എന്നാല് നിയമനടപടികള്ക്കൊപ്പും അവര് മുതിര്ന്നില്ല. തന്റെ അനുഭവം പങ്കുവെക്കുക മാത്രമാണ് ചെയ്തതെന്നും രാഷ്ട്രീയ വിഷയമാക്കാന് ആഗ്രഹിക്കുന്നില്ലെന്നും ഇപ്പോള് മുംബൈയില് താമസിക്കുന്ന ടെസ് ജോസഫ് പറഞ്ഞിരുന്നു.
-
സ്വര്ണം ഉച്ചയ്ക്ക് വീണ്ടും വീണു; ഏറെ നാള്ക്കു ശേഷം ഒരു ലക്ഷത്തിന് താഴെ, പുതിയ പവന്, ഗ്രാം വില -
ശബരി റെയിൽപാതയ്ക്ക് ഇനി എത്ര കാത്തിരിക്കണം? 2032ൽ അങ്കമാലി-എരുമേലി റൂട്ടിൽ ട്രെയിനുകൾ ഓടി തുടങ്ങും..! -
"എന്റെ യോഗ്യത ചർച്ച ചെയ്തത് കൊണ്ടാണ് പിഷാരടിയുടെ കാര്യം എടുത്തിട്ടത്, തൃക്കാക്കരക്കാർ മാറി ചിന്തിക്കണം" -
പ്രധാനമന്ത്രി ഒരുപാടു കാര്യങ്ങള് പറഞ്ഞു; ഓമിക്ക് കൊടുത്ത ചോക്ലേറ്റ് നിധി പോലെ സൂക്ഷിച്ചുവച്ചിട്ടുണ്ട് -
പാൻ കാർഡ് നിയമങ്ങളിൽ വൻ മാറ്റം; ഏപ്രിൽ മുതൽ പണമിടപാടുകളിൽ ജാഗ്രത, ഇല്ലെങ്കിൽ പണി കിട്ടും! -
സ്വര്ണം തിരിച്ചുകയറി; എണ്ണ വീണു, ട്രംപിന്റെ ഒറ്റ പ്രഖ്യാപനത്തോടെ വിപണിയില് ട്വിസ്റ്റ്, ചര്ച്ചയില് പ്രതീക്ഷ -
സ്വര്ണം ഊരി നല്കി സ്ത്രീകള്; ഒരു മാസത്തെ ശമ്പളം നല്കി എംഎല്എ, ഇന്ത്യയോട് നന്ദി പറഞ്ഞ് ഇറാന് -
ശുക്രൻ തെളിയും വൈകാതെ; ഈ രാശിക്കാർ പുതിയ കാറും വീടും വാങ്ങും, സ്വത്ത് തർക്കങ്ങൾ പരിഹരിക്കും! -
പൊന്നും പണവും കൈയിലേക്ക്...; ഈ രാശിക്കാര്ക്കിനി രാജയോഗത്തിന് സമാനമായ നേട്ടം -
ഏപ്രില് 1 മുതല് ശമ്പള ഘടന മാറും..! കൈയില് കിട്ടുന്ന ശമ്പളം കുറയുമോ? അറിയേണ്ടതെല്ലാം -
ഹണി റോസിനെ വിട്ട് മൊണാലിസയെ എത്തിച്ച ബോച്ചെയുടെ തന്ത്രം ജയിച്ചു; എന്നാല് സര്ക്കാര് പെടുമോ? -
കേരളത്തിലെ ഈ ജില്ലയ്ക്ക് പറയാനുള്ളത് 'നാണക്കേടിന്റെ' തിരഞ്ഞെടുപ്പ് ചരിത്രം; ഇത്തവണ മാറുമോ
Click it and Unblock the Notifications
Sign in with Google