'ഇപ്പോഴും ഒരു പ്രിയപ്പെട്ടവന്റെ ജീവൻ നിലനിർത്താൻ ഓടുവാണ് ഞാൻ, ഈശ്വരനെ മുറുകെ പിടിച്ച്'; സീമ ജി നായർ

കാൻസർ ദിനത്തിൽ വൈകാരിക കുറിപ്പ് പങ്കുവെച്ച് നടി സീമ ജി നായർ. കാൻസർ എന്ന് കേൾക്കുമ്പോൾ തന്നെ നെഞ്ചിടിപ്പ് ഏറുമെന്നും .തന്റെ ഏറ്റവും പ്രിയപെട്ടവരെ ഓരോരുത്തരെയായി തന്നിൽ നിന്നും അടർത്തി മാറ്റിയ അസുഖമാണ് കാൻസർ എന്നും സീമ കുറിച്ചു. കാൻസർ വന്നാൽ തളരുന്നത്, തകരുന്നത് ഒരു വ്യക്തി മാത്രം അല്ല , ഒരു കുടുംബം ഒന്നാകെ ആണെന്നും സീമ ജീ നായർ ഫേസ്ബുക്കിൽ പങ്കുവെച്ച കുറിപ്പിൽ പറയുന്നു.

ഇപ്പോഴും ഒരു പ്രിയപ്പെട്ടവന്റെ ജീവൻ നില നിർത്താനായി ഓടുകയാണെന്നും ഈശ്വരനെ മുറുകെ പിടിച്ചുകൊണ്ട് ,അവന്റെ ജീവൻ തിരിച്ചുകിട്ടുമെന്ന പ്രതീക്ഷയിലാണ് താനെന്നും സീമ കുറിച്ചു.

സീമ ജി നായർ പങ്കുവെച്ച കുറിപ്പ്:

Feb 4 th . ഇന്ന് world cancer day. സത്യത്തിൽ ഈ പേര് കേൾക്കുമ്പോൾ തന്നെ നെഞ്ചിടിപ്പു ഏറുന്നു ..എന്റെ ഏറ്റവും പ്രിയപെട്ടവരെ ഓരോരുത്തരെയായി എന്നിൽ നിന്നും അടർത്തി മാറ്റിയ ഈ അസുഖം . കാൻസർ വന്നാൽ തളരുന്നത്, തകരുന്നത് ഒരു വ്യക്തി മാത്രം അല്ല. ഒരു കുടുംബം ഒന്നാകെ ആണ് ..

സാമ്പത്തിക ഭദ്രത ഇല്ലാത്ത കുടുംബങ്ങൾക്ക് ചിന്തിക്കാവുന്നതിന്റെ മേലെ ആയി കഴിഞ്ഞു ചികിത്സ ഭാരം. ഉള്ളത് പണയം വെച്ചും ,വിറ്റും ചികിത്സ തേടി കഴിയുമ്പോൾ പലരുടെയും ജീവിതം പിടിച്ചു നിർത്താനും പറ്റുന്നില്ല ..ഇത് മൂലം സ്വന്തം കിടപ്പാടം നഷ്ടപെട്ട രണ്ടുപേരുടെ പ്രശ്‍നം എന്റെ മുന്നിൽ കീറാമുട്ടിയായി നില്കുന്നു ..

ചില കാൻസർ മാത്രം തുടക്കത്തിലേ കണ്ടുപിടിച്ചാൽ ഭേദം ആക്കാൻ കഴിയുമെന്ന് ,പക്ഷെ പലതും അവസാന നിമിഷം ആണറിയുന്നത് ,സമയവും അപ്പോൾ കടന്നു പോയിട്ടുണ്ടാവും ..ഇതിനു പരിപൂർണമായി ഭേദമാകുന്ന ചികിത്സ ,ചെലവ് കുറഞ്ഞ ചികിത്സ ഇതൊക്കെ ഇതൊക്കെ എന്നാണാവോ ഇവിടെ വരുന്നത്.

ഏറ്റവും വലിയ ബിസ്സിനസ്സ് ഇടമായി ആശുപത്രികൾ വളർന്നു കഴിഞ്ഞു. ലക്ഷങ്ങളുടെ കണക്കുകൾമാത്രം ആണ് ആശുപത്രികൾക്ക് പറയാൻ ഉള്ളത് .. ഇപ്പോളും ഒരു പ്രിയപ്പെട്ടവന്റെ ജീവൻ നില നിർത്താൻ ഓടുവാണ് ഞാൻ ,ഈശ്വര വിശ്വാസി ആയതു കൊണ്ട് ,ഈശ്വരനെ മുറുകെ പിടിച്ചുകൊണ്ട് ,അവന്റെ ജീവൻ തിരിച്ചുകിട്ടുമെന്ന പ്രതീക്ഷയിൽ, സീമ കുറിച്ചു.