'പരാതി ഒരുപാട് കൊടുത്തതാണ്, ഒരുപാടുപേരെ കണ്ടതാണ്, ഇനി എഴുതാതെ വയ്യെന്ന് തോന്നി': ആദം ഹാരി

ആദം ഹാരി മലയാളികൾക്കെല്ലാം പരിചിതമായ പേരാണ്. പ്രൈവറ്റ് പൈലറ്റ് ലൈസൻസ് നേടിയ ഇന്ത്യയിലെ ആദ്യത്തെ ട്രാൻസ്മാൻ പൈലറ്റ് ആണ് ആദം. ദക്ഷിണാഫ്രിക്കയിൽനിന്നും ആണ് ആദം പ്രൈവറ്റ് പൈലറ്റ് ലൈസൻസ് നേടിയത്. ഒരുപാട് പ്രതിസന്ധി ഘട്ടങ്ങൾ കടന്നുകൊണ്ടാണ് ആദം തന്റെ ലക്ഷ്യത്തിലേക്ക് സഞ്ചരിക്കുന്നത്.

2019ൽ അന്നത്തെ ആരോഗ്യക്ഷേമ വകുപ്പും സാമൂഹിക നീതി വകുപ്പും കൈകാര്യം ചെയ്തിരുന്ന കെ.കെ.ശൈലജ ആദമിന് പൈലറ്റ് പഠനത്തിനായുള്ള സ്കോളർഷിപ്പ് നൽകാമെന്ന് പരസ്യമായി വാഗ്ദാനം ചെയ്തു. എന്നാൽ ആ വാഗ്ദാനം എങ്ങും എത്താത്ത അവസ്ഥയാണിപ്പോഴുള്ളത്. നാളുകളായി സർക്കാർ ഓഫിസുകൾ കയറിയിറങ്ങി നടന്നിട്ടും അധിക‍ൃതരിൽ നിന്നും അനുകൂലമായ സമീപനം ഇതുവരെയും ഉണ്ടായിട്ടില്ലെന്ന് ആദം പറഞ്ഞു.

ആദം ഫേസ്ബുക്കിൽ പങ്കുവെച്ച കുറിപ്പ് വായിക്കാം:

ബഹുമാനപ്പെട്ട മുഖ്യമന്ത്രി Pinarayi Vijayan, സാമൂഹ്യനീതി വകുപ്പ് മന്ത്രി Dr. R. Bindu, ബഹുമാനപ്പെട്ട MP A A Rahim സർ,
2019 ഇൽ എല്ലാ മാധ്യമങ്ങളുടെയും മുൻപിൽ വെച്ച് ആഘോഷമായി തന്നെ K K Shailaja Teacher അന്നൗൻസ് ചെയ്ത എന്റെ scholarship ന്റെ പേരിൽ ഞാൻ ദിവസേന പല ആളുകളുമായി ബന്ധപെടുകയും പോയി കാണുകയും ചെയ്യുന്നുണ്ട്. സെക്രട്ടറിയേറ്റിൽ കയറി ഇറങ്ങാത്ത വകുപ്പുകൾ ഇല്ല.

ആദ്യം release ചെയ്ത scholarship എല്ലാവർക്കും അറിയുന്നതുപോലെ DGCA guideline ലേ പ്രശ്നങ്ങൾ കാരണം ഇന്ത്യയിൽ തുടരാൻ സാധിക്കില്ലായിരുന്നു... പുതിയ ഗൈഡ്ലൈൻ കൊണ്ടുവന്നെങ്കിൽ പോലും അതിലും എനിക്ക് Gender affirmative procedures തുടരുന്നതിനു പരിമിതികൾ ഉണ്ട്. അതുകൊണ്ടുതന്നെ ഒരു വർഷം മുൻപേ ഞാൻ തുടർ പഠനത്തിനായി അനുവതിച്ച scholarship SouthAfrica യിലേക്ക് മാറ്റാനായി അപേക്ഷ നൽകി. ഇത്രനാളായി കാണാത്ത ആളുകളും മന്ത്രിമാരും ഇല്ല.

എന്റെ വയസും സമയവും കടന്നു പോകുകയാണ്. എന്റെ File പോകുന്ന ചില Department ലേ ആളുകളുടെ പെരുമാറ്റവും വളരെ Rude ആയാണ്. മാധ്യമങ്ങൾക്കും സർക്കാരിനും ആഘോഷിക്കാൻ മാത്രം പേരിനൊരു ആദ്യത്തെ Transgender എന്ന് പറഞ്ഞുകൊണ്ട് Label തരുമ്പോൾ, ആ ആഘോഷങ്ങളുടെ കാലയളവു വളരെ ചെറുതാണെന്ന് ഞാൻ മനസ്സിലാക്കുന്നു.. അത് കഴിഞ്ഞാൽ ആർക്കും വേണ്ടാത്തവരായി മാറും... എനിക്ക് ഒന്ന് മാത്രമാണ് അറിയേണ്ടത്... എനിക്ക് ആ scholarship തുക അനുവദിക്കുമോ ഇല്ലയോ...???

ഇല്ലെങ്കിൽ പറയണം ഞാൻ നിർത്തിയേക്കാം...! നിർത്തുന്നതിനേക്കാൾ സങ്കടം ഇത്രയും സമയം ഞാൻ നഷ്ടപ്പെടുത്തിയല്ലോ എന്നാലോചിക്കുമ്പോളാണ്.... ഇനിയും വയ്യ തരില്ലെങ്കിൽ അറിയിക്കണം... നടക്കാത്ത സ്വപ്‌നങ്ങൾ കണ്ട് ജീവിതം മുന്നോട്ട് കൊണ്ടുപോകാൻ വയ്യ.... അപേക്ഷയാണ് 🙏

Transgender വ്യക്തികൾക്കും,ദളിത്, Disabled വ്യക്തികൾക്കും കിട്ടേണ്ട അവകാശങ്ങൾ ഇത്തരത്തിൽ വൈകിപ്പിക്കുകയും വെറും വാഗ്ദാനങ്ങളായി മാറുകയും ചെയ്യുന്നത് വർഷങ്ങളായി തുടരുന്ന ഒരു കാര്യമാണ്...NB: Facebookil എഴുതാൻ പോലും പേടിയാണ്...എന്തിനാണ് പബ്ലിക്കായി പോസ്റ്റിടുന്നത് പരാതി കൊടുത്തൂടെ എന്ന് ചോദികുന്ന ഉദ്യോഗസ്ഥരുണ്ട്, പരാതി ഒരുപാട് കൊടുത്തതാണ്... ഒരുപാടു പേരെ കണ്ടതാണ്... ഇനി എഴുതാതെ വയ്യെന്ന് തോന്നി... മറുപടി നൽകണം

English summary

Adam Harry's social media post about his scholarship goes viral, here is what he said