എന്തിനാണച്ചായാ, മനുഷ്യനെ ഇങ്ങനെ വടിയാക്കുന്നത്?മനോരമയേയും ദേശാഭിമാനിയേയും ട്രോളി ജയശങ്കര്‍

മനോരമയേയും സിപിഎം​ മുഖപത്രം ദേശാഭിമാനിയേയും ട്രോളി അഡ്വ ജയശങ്കര്‍. ദേശാഭിമാനി ആലപ്പുഴ എഡിഷന്‍റെ ഉദ്ഘാടന വേദിയില്‍ വെച്ച് മനോരമ എഡിറ്റര്‍ ഫിലിപ്പ് മാത്യു നടത്തിയ പ്രസംഗത്തെയാണ് ജയശങ്കര്‍ പരിഹസിച്ചത്.

ഈ ഭരണം തുടർന്നാൽ കേരളം പറുദീസയാകും' എന്നായിരുന്നു ഫിലിപ്പ് മാത്യു പ്രസംഗത്തില്‍ പറഞ്ഞത്. ഫിലിപ്പ് മാത്യുവിന്‍റെ പ്രസംഗം അതേപടി ദേശാഭിമാനി വാര്‍ത്തയാക്കുകയും ചെയ്തു. ഇതാണ് ജയശങ്കര്‍ പരിഹസിച്ചത്.

പ്രസംഗം

ഈ ഭരണം തുടര്‍ന്നാല്‍ കേരളം പറുദീസയാകുമെന്ന് മലയാള മനോരമ എഡിറ്റര്‍ ഫിലിപ്പ് മാത്യു. ദേശാഭിമാനി ആലപ്പുഴ എഡിഷന്‍ ഉദ്ഘാടനച്ചടങ്ങില്‍ സംസാരിക്കുകയായിരുന്നു അദ്ദേഹം. കേരളം കണ്ട കരുത്തരായ മുഖ്യമന്ത്രിമാരിലൊരാളാണ് പിണറായി വിജയന്‍. വികസനവഴികളില്‍ വരുന്ന പ്രതിബന്ധങ്ങളെ തട്ടിത്തെറിപ്പിച്ച് മുന്നോട്ടുപോകാന്‍ മുഖ്യമന്ത്രി കാണിക്കുന്ന ഇച്ഛാശക്തി അപാരമാണ്. കേരളം ഇതുപോലെ മുന്നോട്ടുപോയാല്‍ ഒരു പറുദീസയാകുമെന്നുറപ്പ് എന്നായിരുന്നു ഫിലിപ്പ് മാത്യു പറഞ്ഞത്. ഇതായിരുന്നു ജശങ്കര്‍ ട്രോളിയത്. ഫേസ്ബുക്കിലാണ് ജയശങ്കറിന്‍റെ പരിഹാസം. ജയശങ്കറിന്‍റെ പോസ്റ്റ് ഇങ്ങനെ

ട്രോളല്ല

ഈ ഭരണം തുടർന്നാൽ കേരളം പറുദീസയാകും' (ട്രോളല്ല
"കേരളം കണ്ട കരുത്തരായ മുഖ്യമന്ത്രിമാരിലൊരാളാണ് പിണറായി വിജയൻ. വികസനവഴികളിൽ വരുന്ന പ്രതിബന്ധങ്ങളെ തട്ടിത്തെറിപ്പിച്ചു മുന്നോട്ടു പോകാൻ മുഖ്യമന്ത്രി കാണിക്കുന്ന ഇച്ഛാശക്തി അപാരമാണ്.
കേരളം ഇതുപോലെ മുന്നോട്ടു പോയാൽ ഒരു പറുദീസയാകുമെന്ന് ഉറപ്പ്. തിരുവനന്തപുരം മുതൽ കാസർകോട് വരെയുള്ള ജലപാത യാഥാർഥ്യമായാൽ കേരളം രണ്ടു വർഷം കൊണ്ട് ലോകത്തിലെ ഏറ്റവും വലിയ ടൂറിസ്റ്റ് കേന്ദ്രമായി വളരുമെന്നെതിൽ സംശയമില്ല. അതു നടപ്പാക്കാൻ മുൻകൈ എടുത്ത മുഖ്യമന്ത്രിക്കും ടീമിനും എല്ലാ ആശംസകളും നേരുന്നു..."

ആരാണ്

ആരാണ് വെള്ളം കൂട്ടാതെ ഇത്രയും വലിയ സത്യം മാലോകരെ അറിയിച്ചത്? തമ്പിച്ചായൻ എന്നു വിളിപ്പേരുളള ഫിലിപ്പ് മാത്യു; മലയാള മനോരമ പത്രാധിപൻ. ദേശാഭിമാനി ആലപ്പുഴ എഡിഷൻ്റെ ഉദ്ഘാടന ചടങ്ങായിരുന്നു വേദി.

വടിയാക്കുന്നത്

ഭൂമിയ്ക്കു സുറുമയിട്ട വീരന്മാരാണ് മനോരമക്കാർ. അവരിൽ ഏറ്റവും വിരുതനാണ് തമ്പിച്ചായൻ. മാത്തുക്കുട്ടിച്ചായൻ്റെ കച്ചവട ബുദ്ധിയും അന്നമ്മ കൊച്ചമ്മയുടെ ഹൃദയലാവണ്യവും ഒത്തിണങ്ങിയ അപൂർവ പ്രതിഭ. കേരളത്തെ പറുദീസയാക്കാനും പിണറായി വിജയൻ കർത്താവീശോമിശിഹായുടെ അവതാരമാണെന്ന് പറഞ്ഞു ഫലിപ്പിക്കാനും പോന്നവൻ.
എന്തിനാണച്ചായാ, മനുഷ്യനെ ഇങ്ങനെ വടിയാക്കുന്നത്?

ഫേസ്ബുക്ക് പോസ്റ്റ്

ഫേസ്ബുക്ക് പോസ്റ്റിന്‍റെ പൂര്‍ണരൂപം

English summary

adv jayasankar trolls manorama anad desabimani