അടുത്ത സസ്പൻസ്; ഇ ശ്രീധരന് പിന്നാലെ വിരമിച്ച ജസ്റ്റിസ് കൂടി ബിജെപിയിലേക്കെന്ന് കെ സുരേന്ദ്രൻ

തിരുവനന്തപുരം; നിയമസഭ തിരഞ്ഞെടുപ്പ് നടക്കാനിരിക്കെ ഇ ശ്രീധരന് പിന്നാലെ മറ്റ് ചില പ്രമുഖർ കൂടി ബിജെപിയിലെത്തുമെന്ന് പാർട്ടി സംസ്ഥാന അധ്യക്ഷൻ കെ സുരേന്ദ്രൻ. വിജയയാത്ര നാളെ തുടങ്ങാനിരിക്കെയാണ് ഇനിയും കൂടുതൽ പേർ ബിജെപിയിലെത്തുമെന്ന് സുരേന്ദ്രൻ വെളിപ്പെടുത്തിയത്.

ദേശീയ ചിന്താപ്രവാഹത്തിലേക്കുള്ള ഒഴുക്ക് തുടരുകയാണ്. റിട്ട:ജസ്റ്റിസുമാരടക്കം നിരവധി പ്രമുഖർ ഉടൻ തന്നെ ബിജെപിയുടെ ഭാഗമാകും. കേരളത്തെ വികസനത്തിലേക്ക് നയിക്കാൻ പര്യാപ്തരായ പൊതു സമ്മതരെയാണ് ഭാരതീയ ജനാതാ പാർട്ടി ജനസമക്ഷം അണിനിരത്തുന്നതെന്ന് സുരേന്ദ്രൻ പറഞ്ഞു. പൊതു സമൂഹത്തിന്റെയാകെ തിരിച്ചറിവിന്റെ പ്രതീകമായിട്ടാണ് പ്രമുഖരുടെ കടന്നുവരവിനെ, ഇടതു-വലതു മുന്നണികൾ നോക്കിക്കാണുന്നത്. എൻ.ഡി.എ വിട്ടു പോയവർകൂടി തിരിച്ചെത്തുന്നതോടെ മുന്നണി വിപുലപ്പെടുമെന്നും ബിജെപി വ്യക്തമാക്കി. ഇതിന്റെ ഭാഗമെന്നോണം പി.സി തോമസ് ഉൾപ്പെടെ ഉള്ളവർ സംസ്ഥാന അധ്യക്ഷൻ കെ.സുരേന്ദ്രൻ നയിക്കുന്ന വിജയ യാത്രയുടെ ഭാഗമായുണ്ടാകുമെന്നും പാർട്ടി അറിയിച്ചു.

English summary

After E Sreedharan Former Justice will also join BJP Says K Surendran