എഐ ക്യാമറ വിവാദം; കെൽട്രോണിന്റെ മറുപടി അസംബന്ധമെന്ന് രമേശ് ചെന്നിത്തല
തിരുവനന്തപുരം: എ ഐ ക്യാമറ അഴിമതിയിൽ കെൽട്രോണിനെതിരെ രൂക്ഷവിമർശനവുമായി മുൻ പ്രതിപക്ഷ നേതാവ് രമേശ് ചെന്നിത്തല.
എ ഐ ക്യാമറയുടെ വിലയെത്രയെന്ന വിവരാവകാശം വഴിയുള്ള ചോദ്യത്തിന് അത് വെളിപ്പെടുത്താനവില്ലെന്ന കെല്ട്രോണിന്റെ മറുപടി അഴിമതി മൂടി വയ്ക്കുന്നതിനുള്ളതാണെന്ന് ചെന്നിത്തല കുറ്റപ്പെടുത്തി.
പൊതു മേഖലാ സ്ഥാപനത്തിന് യോജിക്കാത്ത മറുപടിയാണ് കെൽട്രോൺ എന്ന സ്ഥാപനം നൽകിയത്. അസംബന്ധമായ മറുപടിയാണ് ഇത്. കെൽട്രോണിൻ്റെ വിശ്വാസ്വത തന്ന പൂർണ്ണമായും നഷ്ടപ്പെടുത്തുന്നതാണ് മറുപടി.
കെല്ട്രോണ് ആര്ക്ക് വേണ്ടിയാണ് പണിയെടുക്കുന്നത്? കുത്തക കമ്പനിയുടെ കൊള്ളക്ക് കൂട്ട് നില്ക്കുന്ന കെല്ട്രോണ് സാധാരണക്കാരന്റെ വീഴ്ചകള് വിറ്റ് കാശാക്കാന് നോക്കുകയാണെന്നും ചെന്നിത്തല തുറന്നടിച്ചു.
'ക്യാമറയുടെ വില വെളിപ്പെടുത്തിയാല് ആരുടെ ട്രേഡ് സീക്രട്ട് ആണ് നഷ്ടപ്പെടുന്നത്? ജനങ്ങളെ കൊള്ളയടിക്കാന് കൂട്ട് നില്ക്കുന്ന കെല്ട്രോണിന്റെയും സര്ക്കാരിന്റെയും മുഖമാണിവിടെ വികൃതമായിരിക്കുന്നത്. കെല്ട്രോണ് ചെയര്മാന് നാരായണമൂര്ത്തി പറഞ്ഞത് ഒരു ക്യാമറയുടെ വില ഒന്പത് ലക്ഷമാണെന്നാണ്. ഒരു ലക്ഷം പോലും വിലവരാത്ത ക്യാമറയാണെന്ന് മാലോകര്ക്കെല്ലാം മനസ്റ്റിലായിട്ടും കെല്ട്രോണ് ഇപ്പോഴും കള്ളക്കളി തുടരുകയാണെന്നും ചെന്നിത്തല വിമർശിച്ചു.
ആദ്യം ഒരു തവണ തന് ഉന്നയിച്ച ആരോപണം ചോദ്യം ചെയ്ത നാരായണമൂര്ത്തി രേഖകള് സഹിതം മുപടി നല്കിയിട്ട് പിന്നീട് ഇത് വരെ വായ തുറന്നിട്ടില്ല. ഞാന് ഒരിക്കല് കൂടി പറയുന്നു ഇനിയും ഈ തീവെട്ടി കൊള്ളക്ക് കൂട്ട് നില്ക്കുകയാണെങ്കില് ശിവശങ്കറിന്റെ ഗതി തന്നെയായിരിക്കും അദ്ദേഹത്തിന് വരിക. സ്കൂള് തുറക്കുന്ന ആഴ്ചയില് തന്നെ വിവാദ ക്യാമറ ഉപയോഗിച്ച് ചാകര കൊയ്യാനുള്ള പുറപ്പാടിലാണ് സര്ക്കാരെങ്കില് ശക്തമായി തന്നെ നേരിടും. സര്ക്കാരിന്റെ നീക്കത്തെ ആശങ്കയോടെയാണ് ജനം കാണുന്നത്. സ്കൂള് തുറക്കാറായിട്ടും റോഡിലെ കുണ്ടും കുഴിയും ദിവസേന കൂടുമ്പോഴും യാത്രക്കാര്ക്ക് സുരക്ഷിത യാത്രയൊരുക്കാതെ ജനങ്ങളെ കൊള്ളയടിക്കാനാണ് സര്ക്കാര് നോക്കുന്നതെന്നും ചെന്നിത്തല ആരോപിച്ചു.
മോട്ടോർ വാഹന വകുപ്പിന്റെ നേതൃത്വത്തിൽ സ്ഥാപിച്ച എ. ഐ. ക്യാമറകളുടെ പ്രവർത്തനം ജൂൺ 5 മുതൽ പ്രവർത്തനം ആരംഭിക്കുമെന്നാണ് മന്ത്രി ആന്റണി രാജു കഴിഞ്ഞ ദിവസം അറിയിച്ചത്. ക്യാമറ സ്ഥാപിക്കുന്ന സ്ഥലങ്ങളിൽ ഇത് സംബന്ധിച്ച് പൊതുജനങ്ങൾക്ക് കൃത്യമായി അറിവ് നൽകുന്നതിന് വേണ്ടി മുന്നറിയിപ്പു നൽകുകയും പ്രചരണങ്ങൾ നടത്തുകയും ചെയ്യുമെന്നും മന്ത്രി വ്യക്തമാക്കിയിരുന്നു.
Click it and Unblock the Notifications
Sign in with Google