• search
  • Live TV
കാര്യങ്ങൾ അതിവേഗം അറിയാൻ
നോട്ടിഫിക്കേഷൻ അനുവദിക്കൂ  
For Daily Alerts

ശുഭ്രപതാക പിടിച്ച എസ്എഫ്‌ഐക്ക് രക്തരക്ഷസിന്റെ സ്വഭാവം! കടന്നാക്രമിച്ച് കണ്ണൂരിലെ എഐവൈഎഫ്

കണ്ണൂര്‍: ഭരണ കക്ഷികളായ സിപിഐയും സിപിഎമ്മും തമ്മില്‍ കലശലാകുന്ന ഏറ്റുമുട്ടല്‍ വിദ്യാര്‍ത്ഥി സംഘടനകളിലേക്കും. സിപിഐയുടെ വിദ്യാര്‍ത്ഥി വിഭാഗമായ എഐവൈഎഫ് രൂക്ഷവിമര്‍ശനമാണ് എസ്എഫ്‌ഐക്കെതിരെ ഉയര്‍ത്തിയിരിക്കുന്നത്. കണ്ണൂര്‍ ജില്ലാ സമ്മേളനത്തിന്റെ പ്രവര്‍ത്തന റിപ്പോര്‍ട്ടിലാണ് എസ്എഫ്‌ഐക്കെതിരെ എഐവൈഎഫ് ആഞ്ഞടിച്ചിരിക്കുന്നത്. സമാധാനത്തിന്റെ ശുഭ്രപതാക പിടിച്ച എസ്എഫ്‌ഐക്ക് രക്തരക്ഷസിന്റെ സ്വഭാവമാണെന്ന് റിപ്പോര്‍ട്ടില്‍ കുറ്റപ്പെടുത്തുന്നു.

എസ്എഫ്‌ഐയില്‍ നിന്ന് എഐവൈഎഫ് ഭീഷണി നേരിടുന്നുണ്ട്. കണ്ണൂര്‍ ജില്ലയിലെ കോളേജ് ക്യാംപസ്സുകളില്‍ എസ്എഫ്‌ഐയുടെ ഏകാധിപത്യമാണെന്നും എഐവൈഎഫ് റിപ്പോര്‍ട്ടില്‍ പറയുന്നു. സിപിഐയില്‍ നിന്നും വേണ്ടത്ര പിന്തുണ ലഭിക്കുന്നില്ല എന്ന പരാതിയും പ്രവര്‍ത്തന റിപ്പോര്‍ട്ടിലുണ്ട്.

ജില്ലയിലെ എഐവൈഎഫ് പ്രവര്‍ത്തകര്‍ക്ക് എസ്എഫ്‌ഐയില്‍ നിന്ന് തുടര്‍ച്ചയായി ആക്രമണം നേരിടേണ്ടി വരുന്നു. സിപിഐ നേതൃത്വത്തോട് പരാതിപ്പെട്ടിട്ടും കാര്യമുണ്ടായില്ലെന്നും റിപ്പോര്‍ട്ടില്‍ പറയുന്നുണ്ട്. എഐവൈഎഫ് ജില്ലാ സെക്രട്ടറിയെ എസ്എഫ്‌ഐ ജില്ലാ സെക്രട്ടറി ഭീഷണിപ്പെടുത്തുന്ന സംഭവം വരെയുണ്ടായി. തലശ്ശേരി ബ്രണ്ണന്‍ കോളേജിലും പളളിക്കുന്ന് വനിതാ കോളേജിലുമടക്കം എസ്എഫ്‌ഐയുടെ ഗുണ്ടാ വിളയാട്ടമാണെന്നും ആരോപണമുണ്ട്.

ജില്ലയിലെ വര്‍ഗീയ സ്വഭാവം പുലര്‍ത്തുന്ന സംഘടനകളോട് എസ്എഫ്‌ഐക്ക് മൃദുസമീപനം ആണെന്നും റിപ്പോര്‍ട്ടില്‍ കുറ്റപ്പെടുത്തുന്നുണ്ട്. കണ്ണൂരിലെ ഐഐടിയും പോളിയുമടക്കം എസ്എഫ്‌ഐയുടെ ആയുധപ്പുരകളാണെന്നും എഐവൈഎഫ് പ്രവര്‍ത്തന റിപ്പോര്‍ട്ടില്‍ ആരോപിക്കുന്നു.

English summary
AIYF slams SFI in their Kannur District Meet report
വാർത്തകൾ അതിവേഗം അറിയൂ
Enable
x
Notification Settings X
Time Settings
Done
Clear Notification X
Do you want to clear all the notifications from your inbox?
Settings X
X
We use cookies to ensure that we give you the best experience on our website. This includes cookies from third party social media websites and ad networks. Such third party cookies may track your use on Oneindia sites for better rendering. Our partners use cookies to ensure we show you advertising that is relevant to you. If you continue without changing your settings, we'll assume that you are happy to receive all cookies on Oneindia website. However, you can change your cookie settings at any time. Learn more