ഹാഷ്മിയുടെ ചെവിക്കല്ല് അടിച്ച് പൊട്ടിച്ചൂടേയെന്ന് ചോദിച്ചു, അയാൾക്ക് എന്നെ കീഴ്പ്പെടുത്താനാകില്ല';അഖിൽ

24 ന്യൂസ് ചാനലിലെ 'ജനകീയ കോടതി' പരിപാടിക്ക് പിന്നാലെ മാധ്യമപ്രവർത്തകൻ ഹാഷ്മി താജ് ഇബ്രാഹിമിനെതിരെ ബിഗ് ബോസ് താരവും മുൻ എഡിഎ മത്സരാർത്ഥിയുമായ അഖിൽ മാരാർ. ഒന്നും ഒളിക്കാൻ ഇല്ലാത്തത് കൊണ്ടും ആരെയും ഭയക്കാൻ ഇല്ലാത്തത് കൊണ്ടുമാണ് ചാനലിൽ പരിപാടിക്ക് പോയതെന്നും എന്നാൽ തനിക്ക് പറയാനുള്ളതൊന്നും കേൾക്കാൻ ഹാഷ്മി തയ്യാറായില്ലെന്നും അഖിൽ മാരാർ ആരോപിച്ചു. തന്നെ ബിജെപിയുടെ വക്താവാക്കാനും സാജു എം ജേക്കബിനെ വെളുപ്പിക്കാനുമാണ് ഹാഷ്മി ശ്രമിച്ചതെന്നും അഖിൽ കുറ്റപ്പെടുത്തി. അഖിലിൻ്റെ ഫേസ്ബുക്ക് കുറിപ്പ് ഇങ്ങനെ

' Kitex presents ജനകീയ കോടതി കണ്ട ശേഷം തലച്ചോർ ഉള്ള ഒരു വിഭാഗം എന്നോട് ചോദിച്ചു എന്തിനാണ് അഖിലേ ഈ തന്തയ്ക്ക് പിറക്കാത്ത ഹാഷ്മി വിളിച്ചപ്പോൾ ഈ പരിപാടിക്ക് പോയത്...ഞാൻ വ്യക്തിപരമായൊ, രാഷ്ട്രീയമായോ ആരോടും ഒരു പകയോ വിദ്വോഷമൊ ഉള്ളിൽ സൂക്ഷിക്കാത്ത ഒരു വ്യക്തിയാണ്. അവരുടെ ചാനൽ,അവരുടെ എഡിറ്റർ എന്നിരുന്നാലും ഞാൻ പോയത് എനിക്ക് ഒന്നും ഒളിക്കാൻ ഇല്ലാത്തത് കൊണ്ടും ആരെയും ഭയക്കാൻ ഇല്ലാത്തത് കൊണ്ടും സത്യം എന്റെ ഭാഗത്താണ് എന്ന ഉറച്ച ബോധ്യം ഉള്ളത് കൊണ്ടുമാണ്.

നിലപാടോ, പല പാടോ എന്ന വിഷയത്തിൽ തുടങ്ങിയ ചർച്ച..
കേരളത്തിൽ ബിജെപി യിൽ ഉയരുന്ന ഫണ്ട്‌ വിവാദം, തൃശൂരിലെ 25 കോടി വിവാദം , ദേവികുളം മുൻ mla രാജേന്ദ്രൻ പറഞ്ഞത്, ബിജെപി സംസ്ഥാന സെക്രട്ടറി പുറത്തവാനുള്ള കാരണം, കഴിഞ്ഞ ദിവസത്തെ പിസി ജോർജ് ന്റെ വെളിപ്പെടുത്തൽ..
ഇതുമായി കൂട്ടി വായിച്ചാൽ സാബു ജേക്കബ് 20/20 യ്ക്ക് വേണ്ടി ആളും പേരുമില്ലാത്ത ഒരു പാർട്ടിക്ക് 19 സീറ്റ് വാങ്ങിയതും 40 കോടി കൈപ്പറ്റിയതും ഞാൻ പറഞ്ഞത് ഹാഷ്മിക്ക് ഒരു പ്രശ്നമേയല്ല..

രാവിലെയും ഉച്ചക്കും വൈകിട്ടും ചാനലിൽ ഇരുന്ന് ഒരേ വിഷയത്തിൽ പല അഭിപ്രായങ്ങൾ പറയുന്ന ഹാഷ്മി എന്നോട് എന്റെ നിലപാട് മാറ്റവുമായി ബന്ധപ്പെട്ട ഒരു കാര്യങ്ങളും ചോദിച്ചില്ല എന്ന് മാത്രമല്ല സാബു ജേക്കബിനെ സംരക്ഷിക്കാൻ ഉള്ള വ്യഗ്രതയിൽ ആയിരുന്നു.. ഞാൻ മറുപടി പറയാതിരിക്കാൻ സ്വന്തം മൈക്കിന്റെ വോയിസ് ലെവൽ കൂട്ടി വെച്ചും,ഞാൻ പറഞ്ഞു തുടങ്ങുമ്പോൾ കട്ട്‌ ചെയ്തും ആഘോഷിച്ചു..

തൊണ്ട വയ്യെന്നും ഉച്ചത്തിൽ സംസാരിക്കാൻ ബുദ്ധിമുട്ട് ഉണ്ടെന്നും ഷോ തുടങ്ങും മുൻപ് പറഞ്ഞിട്ടും ഒന്നെകാൽ മണിക്കൂർ ഞാനും ഹാഷ്മിയുമായി ആദ്യ ഭാഗത്തിൽ സംസാരിച്ചതിന്റെ അര മണിക്കൂർ കട്ട്‌ ചെയ്തു കളഞ്ഞു. അടുത്ത ഭാഗത്തിലും ഹാഷ്മിക്ക് ദോഷം വരും എന്ന ഭാഗം മനോഹരമായി കട്ട്‌ ചെയ്തു. കൈ വാക്കിനു ഇരുന്ന അവന്റെ ചെവിക്കല്ല് അണ്ണൻ എന്താ അടിച്ചു പൊട്ടിക്കാഞ്ഞത് എന്ന് കുറച്ചു പേര് എന്നോട് ചോദിച്ചു.. സത്യത്തിൽ പറയാൻ ഉള്ളതൊക്കെ വ്യക്തമായി അവിടെ ഇരുന്ന് തന്നെ ഞാൻ പറഞ്ഞിരുന്നു..

കൊട്ടാരക്കര സീറ്റ് നൽകാം എന്ന് പറഞ്ഞു ചതിച്ചതോ.. തൃപ്പൂണിത്തുറ പോലൊരു പ്രധാന സീറ്റ് നൽകാത്തതോ ആയിരുന്നില്ല ഞാൻ പാർട്ടി ഉപേക്ഷിച്ചപ്പോൾ പറഞ്ഞ പ്രശ്നങ്ങൾ.. 3 മാസമായി വിളിച്ചാൽ ഫോൺ എടുക്കാത്ത, യാതൊരു രാഷ്ട്രീയ പ്രവർത്തനങ്ങളും താല്പര്യമില്ലാത്ത ഒരു പാർട്ടിയിൽ തുടരാൻ എനിക്ക് താല്പര്യമില്ല. അതോടൊപ്പം പൊതു സമൂഹത്തിന് മുന്നിൽ കാശ് കിട്ടിയത് കൊണ്ടാണ് ഞാൻ മത്സരിക്കാൻ പോയത് എന്ന ആക്ഷേപം ഉയർന്നപ്പോൾ എനിക്ക് ആരുടെയും പണം കിട്ടിയില്ല പകരം ഞങ്ങളുടെ പേരിൽ സാബു ജേക്കബ് അത് വാങ്ങിയിട്ടുണ്ട് എന്നാണ് പറഞ്ഞത്...

പണം ആവശ്യപ്പെട്ട് പാർട്ടിയിൽ പോകുന്നവർ സാധാരണ തിരഞ്ഞെടുപ്പിന് മുൻപ് തന്നെ അത് വാങ്ങും. എന്നാൽ ഈ യാഥാർഥ്യങ്ങൾ ഒന്നും ഹാഷ്മിക്ക് കേൾക്കണ്ട.. ഈ മനോരോഗി തിരഞ്ഞെടുപ്പ് റിസൾട്ട് വന്നപ്പോൾ ലക്ഷകണക്കിന് വോട്ടിനു ഞാൻ ജയിക്കും എന്നൊക്കെ പറഞു പരിഹസിക്കുന്നത് കണ്ടിട്ടും ജനകീയ കോടതിയിൽ വിളിച്ചപ്പോൾ പോയത് എന്റെ മാന്യതയാണ്.. എന്നെ കോൺഗ്രസ്സ് ആക്കി മാറ്റിയ കാലത്തും സവർക്കറെ ഞാൻ തള്ളിപ്പറഞ്ഞില്ല എന്ന് പറഞ്ഞത് ഹാഷ്മിക്ക് പൊള്ളേണ്ട കാര്യം എന്താണ്..?

ആ നിലപാടിൽ എനിക്ക് മാറ്റം വരുത്തേണ്ട കാര്യമില്ല കാരണം അത് അവസാനിച്ച അധ്യായമാണ്.. ബിജെപിക്കെതിരെ ഉയരുന്ന ആരോപണങ്ങൾക്ക് ഞാൻ മറുപടി പറയണം എന്ന വാശിയാണ് ഹാഷ്മിക്ക്.. പല തവണ ബിജെപിയുടെ വക്താവ് ആവാൻ ഞാൻ ആഗ്രഹിക്കുന്നില്ല എന്നും ബിജെപിയുടെ വികസന രാഷ്ട്രീയത്തോട് എനിക്കും യോജിപ്പുണ്ട് എന്നാൽ മത പരമായ ഭിന്നത ഉയർത്തുന്ന അവരുടെ വർഗീയതയേ ഞാൻ എതിർക്കുന്നു എന്ന് പറഞ്ഞിട്ടും ഹാഷ്മി പറയുകയാണ്.. വക്താവ് ആയി സംസാരിക്കെന്നെ..?

എന്റെ ഏറ്റവും വലിയ ശത്രുക്കൾ അന്തം കമ്മികളും സുഡാപ്പികളും ആണ്.. ഈ രണ്ട് വിഭാഗത്തിന് വേണ്ടി ജീവിക്കുന്ന രക്ത സാക്ഷിയാണ് ഹാഷ്മി.. ഒരിക്കൽ പിണറായിയെ വെളുപ്പിക്കാൻ വന്ന് നാണം കേട്ടതിന്റെ പ്രശ്നം മാറ്റാൻ സാബു ജേക്കബിനെ വെളുപ്പിക്കാൻ ഇറങ്ങി അത്രേയുള്ളൂ.. അതിൽ എന്നെ എതിർക്കാൻ മൂന്ന് വിഭാഗം രാഷ്ട്രീയക്കാരും ഉണ്ട് എന്നത് ഹാഷ്മിക്ക് ഗുണം ചെയ്തു.. അല്ല ഗുണം ചെയ്യാൻ വേണ്ടി എഡിറ്റ് ചെയ്തും പറയാൻ അനുവദിക്കാതെ ആക്ഷേപിച്ചു രസിക്കുകയും ചെയ്തു..

ഈ ചർച്ച കണ്ട ബോധമുള്ള മനുഷ്യർക്ക് എല്ലാം കാര്യം പിടി കിട്ടി..
ഇനി ഹാഷ്മിയോട് ഒരു ചോദ്യം...ഇതേ തലക്കെട്ട്.... ഇതേ വിഷയം.. ലൈവ് ആയി എന്നോട് സംവദിക്കാൻ സാധിക്കുമോ..? ഒരു പാട്‌ ഒന്നും വേണ്ട അഞ്ച് നിലപാടുകൾ പറഞ്ഞിട്ട് മാറ്റി പറഞ്ഞത് മാത്രം മതി..ചാനലിൽ നിന്ന് തരുന്ന ലൈവ് നിർദേശങ്ങളും,എഡിറ്റും, കട്ട്‌ ഇല്ലാതെ നീ ഇനി ഒരഞ്ചു ജന്മം ജനിച്ചാലും സത്യം എന്റെ ഭാഗത്തുള്ള ഒരു വിഷയത്തിലും സംസാരിച്ചു എന്നെ കീഴ്പ്പെടുത്തില്ല.. വേണമെങ്കിൽ കൂവി തോൽപ്പിക്കാം.. തൈറോയ്ഡ് ഡെഫിശ്യൻസി ഉള്ളത് കൊണ്ട് എന്റെ തൊണ്ട പെറ്റേന്ന് അടയ്ക്കും..
ചർച്ച കേട്ട ജനങ്ങൾക്ക് മനസ്സിലായി എന്റെ ഉദ്ദേശ്യ ശുദ്ധി എന്തെന്നും kitex പ്രെസെന്റ്സ് ജനകീയ കോടതിയുടെ ഉദ്ദേശം എന്തെന്നും..
NB : പഴയ ജനകീയ കോടതിയുടെ കമന്റ് ബോക്സ് ഉൾപ്പെടെ നിങ്ങൾ ഒന്ന് കണ്ടു നോക്ക്.. അന്നും എഡിറ്റും കട്ട്‌ ചെയ്തും ആളാവാൻ നോക്കി.. അവസാനം un cut ഇട്ടപ്പോൾ കുരു പൊട്ടിയതും ജനം കണ്ടു..നിങ്ങളുടെ ചാനൽ, നിങ്ങളുടെ സ്വാതന്ത്ര്യം..