അഖില് മാരാര് കൊട്ടാരക്കരയില് അല്ല; കളി മാറ്റി ബിജെപി, വീണ്ടും താര മല്സരത്തിന് പത്തനാപുരം
ട്വന്റി20യിലൂടെ എന്ഡിഎ പാളയത്തില് എത്തിയ മുന് ബിഗ്ബോസ് താരം അഖില് മാരാര് കൊല്ലം ജില്ലയിലെ കൊട്ടാരക്കര മണ്ഡലത്തില് മല്സരിക്കുമെന്നായിരുന്നു നേരത്തെയുള്ള വാര്ത്ത. എന്നാല് ഈ സീറ്റ് സഖ്യകക്ഷിക്ക് ബിജെപി വിട്ടുകൊടുക്കില്ലെന്നാണ് പുതിയ വിവരം. കോണ്ഗ്രസില് നിന്ന് കളംമാറി എത്തിയ ആര് രശ്മിയെ ബിജെപി ഇവിടെ സ്ഥാനാര്ഥിയാക്കിയേക്കും.
കോണ്ഗ്രസ് കേന്ദ്രങ്ങളെ ഞെട്ടിച്ചാണ് രശ്മി ബിജെപിയില് എത്തിയിരിക്കുന്നത്. കൊട്ടാരക്കര മണ്ഡലത്തില് ജനപിന്തുണയുള്ള നേതാവ് കൂടിയായ രശ്മി 2021ല് യുഡിഎഫ് സ്ഥാനാര്ഥിയായിരുന്നു. അതുകൊണ്ടുതന്നെ രശ്മിയെ മല്സരിപ്പിച്ചാല് നേട്ടമാകുമെന്ന് ബിജെപി വിലയിരുത്തുന്നു. എന്നാല് രശ്മിയുടെ രാജിയില് കോണ്ഗ്രസ് ഇതുവരെ പ്രതികരിച്ചിട്ടില്ല എന്നത് മറ്റൊരു കാര്യം.
രശ്മിയോട് കൊട്ടാരക്കര കേന്ദ്രമായി പ്രവര്ത്തിക്കാന് ബിജെപി നിര്ദേശിച്ചു എന്നാണ് റിപ്പോര്ട്ടുകള്. സ്ഥാനാര്ഥിയാക്കാന് വേണ്ടിയാണിത് എന്നു പ്രചാരണമുണ്ട്. കോണ്ഗ്രസിന് വേണ്ടി ഐഷ പോറ്റി മല്സരിക്കുമെന്ന പ്രചാരണവുമുണ്ട്. അങ്ങനെ ആണെങ്കില് കളംമാറി എത്തിയവര് പരസ്പരം ഏറ്റുമുട്ടുന്ന മണ്ഡലമായി കൊട്ടാരക്കര മാറും. ഇരുവരെയും നേരിടാന് സിപിഎമ്മിന് വേണ്ടി കെഎന് ബാലഗോപാലും ഇറങ്ങും.
അഖില് മാരാര് കഴിഞ്ഞ ദിവസം ട്വന്റി20ല് ചേര്ന്നിരുന്നു. പാര്ട്ടി അധ്യക്ഷന് സാബു എം ജേക്കബിനൊപ്പം അഖില് മാധ്യമങ്ങളെ കാണുകയും ചെയ്തു. കൊട്ടാരക്കര മണ്ഡലത്തില് അഖിലിനെ ട്വന്റി20 സ്ഥാനാര്ഥിയാക്കുമെന്നായിരുന്നു പ്രചാരണം. ഇവിടെയാണ് രശ്മിയെ സ്ഥാനാര്ഥിയാക്കാന് ബിജെപി ആലോചിക്കുന്നത്. ഇതോടെ ചില മാറ്റങ്ങള് വരും.
ജഗദീഷിന് അടിതെറ്റിയ മണ്ഡലത്തില് അഖില്?
തൊട്ടടുത്ത മണ്ഡലമായ പത്തനാപുരം ട്വന്റി20ക്ക് ബിജെപി കൈമാറുമെന്നാണ് പറയപ്പെടുന്നത്. അവിടെ അഖില് മാരാരിനെ സ്ഥാനാര്ഥിയാക്കുമെന്നും കേള്ക്കുന്നു. അങ്ങനെ നടന്നാല് പത്തനാപുരം വീണ്ടും താരപ്പോരിന് ഒരുങ്ങും. മന്ത്രി ഗണേഷ് കുമാറിന്റെ തട്ടകമാണ് പത്തനാപുരം. ഇവിടെ ഗണേഷിനെതിരെ മല്സരിച്ച് ജയിക്കുക എന്നത് എത്ര എളുപ്പമുള്ള കാര്യമല്ല. നേരത്തെ കോണ്ഗ്രസിന് വേണ്ടി ഇറങ്ങിയ ജഗദീഷിന് അടിതെറ്റിയ മണ്ഡലമാണ്.
ട്വന്റി20ക്ക് സ്വാധീനമുള്ളത് എറണാകുളം ജില്ലയിലാണ്. നേരത്തെ ബിജെപിക്ക് വലിയ പ്രതീക്ഷ ഇല്ലായിരുന്ന ജില്ലയാണിത്. എന്നാല് ട്വന്റി20 എന്ഡിഎയിലെത്തിയതോടെ വോട്ട് മാറിമറിയുമെന്ന് ബിജെപി പ്രതീക്ഷിക്കുന്നു. കുന്നത്തുനാട് ഉള്പ്പെടെയുള്ള മണ്ഡലങ്ങളില് ഇത്തവണ ബിജെപി പ്രതീക്ഷയിലാണ്. ഏതൊക്കെ മണ്ഡലം ട്വന്റി20ക്ക് നല്കുമെന്നാണ് ഇനി അറിയേണ്ടത്.
ട്വന്റി20ക്ക് ലഭിക്കുന്ന സീറ്റില് ഏതെങ്കിലും ഒന്നില് അഖില് മാരാറിനെ സ്ഥാനാര്ഥിയാക്കാനാണ് ധാരണ. അദ്ദേഹത്തിന് കൂടി പിന്തുണയുള്ള മണ്ഡലമായിരിക്കും നല്കുക. എന്നാല് രാഷ്ട്രീയ സമവാക്യങ്ങള് മാറിമറിയുമ്പോള് കൊട്ടാരക്കര ട്വന്റി20ക്ക് കിട്ടാന് സാധ്യത കുറവാണ്. അങ്ങനെ സംഭവിച്ചാല് പത്തനാപുരം കൊണ്ട് തൃപ്തിപ്പെടേണ്ടി വരും. അവിടെ അഖിലിന് മല്സരിക്കുന്നതും ജയിക്കുന്നതും അത്ര എളുപ്പമാകില്ല.
-
രാഹുൽ ഗാന്ധിയും മല്ലികാർജുൻ ഖാർഗയും ആത്മപരിശോധന നടത്തണം; സിപിഎം -
ബിജെപി വിജയം 3ൽ ഒതുങ്ങില്ല, പത്തിലധികമെന്ന് സർവ്വേ, ഞെട്ടിക്കുന്ന മുന്നേറ്റമുണ്ടാക്കും, സീ ഫോർ പ്രവചനം ഇങ്ങനെ -
കേരളത്തിലെ രാഷ്ട്രീയ വിഭജനം യഥാര്ത്ഥമാണോ? എല്ഡിഎഫ്-യുഡിഎഫ് അധികാര സമവാക്യം പറയുന്നത് -
കേരളത്തെ ബിഗ് ബൗസ് ഹൗസിനോടുപമിച്ച് അഖില് മാരാര്, 'എല്ലാവരും എനിക്ക് തന്നെ വോട്ട് ചെയ്യും' -
പ്രചാരണത്തിന് ‘ഇന്ദിര ഗ്യാരന്റി’ വരുന്നു, വാഗ്ദാനങ്ങളുമായി കേരളം ചുറ്റും -
ആത്മവിശ്വാസവും പ്രതീക്ഷയും സ്വപ്നവും ഒഴുകി നടക്കുന്ന എറണാകുളം -
പത്തനംതിട്ടയിൽ അഞ്ചിടത്തും പഞ്ചതന്ത്രം പയറ്റി മുന്നണികൾ -
'ഗോൾവാൾക്കറുടെ ഫോട്ടോയ്ക്കു മുന്നിൽ താണുവണങ്ങിയത് ഏത് ഡീൽ ആയിരുന്നു?' വിഡി സതീശനോട് മുഖ്യമന്ത്രി -
‘കേരള ഇലക്ഷൻ ലീഗി’ൽ എൻഡിഎയുടെ ട്വന്റി 20 മാച്ച് -
ആരാധന വോട്ടാകുമോ? തെരഞ്ഞെടുപ്പിനിറങ്ങിയ സെലിബ്രിറ്റികളോട് കേരളം ചെയ്തതിങ്ങനെ... -
വോട്ട് പിടിക്കാൻ 40 ലക്ഷം മാത്രം! സ്ഥാനാർത്ഥികളുടെ ചിലവ് നിശ്ചയിച്ച് തിരഞ്ഞെടുപ്പ് കമ്മീഷൻ -
‘പൊലീസിന് ഈ വീട്ടിൽ കാര്യമുണ്ട്’- സമൂഹ മാധ്യമങ്ങളിലെ തെരഞ്ഞെടുപ്പ് പോസ്റ്റുകളിൽ പൊലീസ് ഇടപെടൽ
Click it and Unblock the Notifications
Sign in with Google