ആലപ്പാട് സമരക്കാരുമായി സര്ക്കാര് ചര്ച്ചയ്ക്ക്; അശാസ്ത്രീയ ഖനനം പാടില്ലെന്ന് മന്ത്രി, പ്രതികരണം...
Recommended Video
കോഴിക്കോട്: ആലപ്പാട് സമരക്കാരുമായി ചര്ച്ചയ്ക്ക് തയ്യാറെന്ന് മന്ത്രി മേഴ്സിക്കുട്ടിയമ്മ. അശാസ്ത്രീയ ഖനനം പാടില്ലെന്നാണ് സര്ക്കാര് നിലപാടെന്നും അവര് പറഞ്ഞു. വ്യാവസായ വകുപ്പാണ് ചര്ച്ചയ്ക്ക് മുന്കൈ എടുക്കുക. നിയമസഭാ പരിസ്ഥിതി സമിതിയുടെ ശുപാര്ശകള് നടപ്പാക്കുമെന്നും മേഴ്സിക്കുട്ടിയമ്മ പറഞ്ഞു.
കരയിടിയാതെ ഖനനം നടത്തണമെന്ന് നേരത്തെ നിയമസഭാ പരിസ്ഥിതി സമിതി ശുപാര്ശാ റിപ്പോര്ട്ട് നല്കിയിരുന്നു. ഇത് പൂര്ണമായി പാലിക്കണമെന്ന് ആവശ്യപ്പെട്ടിട്ടുണ്ട്.
വ്യവസായ മന്ത്രി സമരക്കാരുമായി ചര്ച്ച നടത്തും. ജനങ്ങള്ക്ക് ഒപ്പമാണ് സര്ക്കാര്. തീരം ഇടിയുന്ന തരത്തില് ഖനനം അനുവദിക്കില്ല. ജനങ്ങള് ആവശ്യമുന്നയിച്ചാല് ചര്ച്ച വേണമല്ലോ. അതിനാല് വ്യവസായ വകുപ്പ് ചര്ച്ചയ്ക്ക് മുന്കൈ എടുക്കുമെന്നും മന്ത്രി പറഞ്ഞു.
തീര സുരക്ഷയ്ക്ക് സര്ക്കാര് മുന്ഗണന നല്കുന്നുണ്ട്. ഈ സര്ക്കാരിന്റെ കാലത്ത് പുലിമുട്ട് കെട്ടാന് നടപടിയുണ്ടായി. പുലിമുട്ട് ടെന്ഡര് ചെയ്ത് ജോലി തുടങ്ങാന് ആവശ്യപ്പെട്ടിട്ടുണ്ട്. ഐആര്ഇ ഇത്രയും കാലം ചെയ്ത പോലെ അല്ല മുന്നോട്ട് പോകേണ്ടത് എന്നാണ് സര്ക്കാര് നിലപാടെന്നും മന്ത്രി വിശദീകരിച്ചു.
ശബരിമലയിലേക്കില്ല, നിലപാട് വ്യക്തമാക്കി തൃപ്തി ദേശായി, മറ്റ് പ്രചാരണങ്ങൾക്ക് ഗൂഢ ലക്ഷ്യങ്ങൾ
അതേസമയം, കരിമണല് ഖനനത്തെ തുടര്ന്ന് ഗുരുതര പ്രശ്നങ്ങള് നേരിടുന്ന ആലപ്പാടിനെ കുറിച്ചുള്ള നിയമസഭാ സമിതി റിപ്പോര്ട്ട് അവഗണിക്കപ്പെട്ടിരുന്നുവെന്നാണ് പുറത്തുവരുന്ന വിവരം. രണ്ടു കമ്പനികളാണ് ഖനനം നടത്തുന്നത്. ഇന്ത്യന് റയര് എര്ത്തും കേരള മിനറല്സ് ആന്റ് മെറ്റല്സും. ഇവര് വീഴ്ച വരുത്തിയെന്നാണ് സഭാ സമിതി ചൂണ്ടിക്കാട്ടിയത്. ഇവയുടെ പ്രവര്ത്തനങ്ങള് നിരീക്ഷിക്കാന് മേല്നോട്ട സമിതി വേണമെന്ന പരിസ്ഥിതി സമിതി ശുപാര്ശ നടപ്പായിട്ടില്ല.