Click it and Unblock the Notifications
Just In
Don't Miss
-
വിഷാദത്തെ അകറ്റിനിര്ത്താം, മൂഡ് ഓഫ് മാറ്റി മനസ് തണുപ്പിക്കുന്ന ഭക്ഷണങ്ങള് -
പ്രതിമാസ വരുമാനം വേണോ, ഈ പോസ്റ്റ് ഓഫീസ് നിക്ഷേപ പദ്ധതി തിരഞ്ഞെടുക്കൂ, 1000 രൂപയിൽ അക്കൗണ്ട് തുറക്കാം -
തിക്കും തിരക്കും കുറയ്ക്കണം; ഇന്ത്യ കാത്തിരുന്ന മാരുതി കാറിന്റെ ബുക്കിംഗ് അനൗദ്യോഗികമായി ആരംഭിച്ചു -
പൊന്നു ചങ്ങായിമാരേ വേഗം രക്ഷപ്പെട്ടോളീൻ...! ഗൂഗിൾ കൈയൊഴിഞ്ഞു, ഈ 3 ആപ്പുകൾ ഉടൻ ഡിലീറ്റ് ചെയ്യാൻ നിർദേശം -
IPL 2024: ധോണി തല്ലിക്കൂട്ടി, ഹാര്ദിക്ക് മുംബൈ ടീമില് ഒറ്റപ്പെട്ടു! പിന്തുണയില്ലെന്ന് ഗില്ലി -
ആ സിനിമയില് വിനീത് പാടുന്നതിനെ എതിര്ത്തു; ഞാന് പറഞ്ഞിട്ടാണെന്ന് കരുതില്ലേ: ശ്രീനിവാസന് -
ബാംഗ്ലൂരിൽ നിന്ന് പോണ്ടിച്ചേരി ട്രെയിനിൽ കണ്ട് വരാം... ചെലവും ഇല്ല, കിടിലൻ കാഴ്ചകളും..
48 മണിക്കൂർ വാഹന പണിമുടക്ക് തുടങ്ങി! ബസുകളും ടാക്സികളും പങ്കെടുക്കില്ല, ചരക്കുനീക്കം സ്തംഭിച്ചേക്കും
സംസ്ഥാനത്തെ ഇടത്തരം ചരക്കുവാഹനങ്ങളും, ബസ്, ഓട്ടോ, ടാക്സി വാഹനങ്ങളും പണിമുടക്കിൽ നിന്ന് വിട്ടുനിൽക്കുകയാണ്.
തിരുവനന്തപുരം: ജിഎസ്ടിയിലെ അപാകതകൾ പരിഹരിക്കണമെന്ന് ആവശ്യപ്പെട്ട് ആൾ ഇന്ത്യ മോട്ടോർ ട്രാൻസ്പോർട്ട് കോൺഗ്രസ് ആഹ്വാനം ചെയ്ത 48 മണിക്കൂർ പണിമുടക്ക് തുടങ്ങി. ട്രക്കുടമകൾക്ക് ജിഎസ്ടി രജിസ്ട്രേഷൻ വേണമെന്ന നിബന്ധന ഒഴിവാക്കുക, ഡീസൽ വിലവർദ്ധനവ് പിൻവലിക്കുക, വാഹന ഇൻഷൂറൻസ് പ്രീമിയം വർദ്ധിപ്പിക്കാനുള്ള നീക്കത്തിൽ നിന്ന് പിന്മാറുക എന്നിവയാണ് സമരക്കാരുടെ ആവശ്യങ്ങൾ.
രാജ്യവ്യാപകമായി ആഹ്വാനം ചെയ്ത പണിമുടക്കിൽ പ്രമുഖ തൊഴിലാളി സംഘടനകളൊന്നും പങ്കെടുക്കാത്തതിനാൽ പൊതുഗതാഗത സംവിധാനത്തെ പണിമുടക്ക് ബാധിക്കില്ല. സംസ്ഥാനത്തെ ഇടത്തരം ചരക്കുവാഹനങ്ങളും, ബസ്, ഓട്ടോ, ടാക്സി വാഹനങ്ങളും പണിമുടക്കിൽ നിന്ന് വിട്ടുനിൽക്കുകയാണ്. ഇതിനാൽ ബസ്, ടാക്സി വാഹനങ്ങൾ പതിവുപോലെ സർവ്വീസ് നടത്തുമെന്ന് സംഘടനകൾ അറിയിച്ചു.
എന്നാൽ, ലോറി ഓണേഴ്സ് വെൽഫയൽ ഫെഡറേഷന്റെ നേതൃത്വത്തിൽ സംസ്ഥാനത്തെ ഒരുവിഭാഗം ലോറി ഉടമകൾ പണിമുടക്കിൽ പങ്കെടുക്കുന്നുണ്ട്. ഇതിനാൽ അന്തർസംസ്ഥാന ചരക്കുനീക്കം ഭാഗികമായി തടസപ്പെട്ടേക്കാം.
ആൾ ഇന്ത്യ മോട്ടോർ ട്രാൻസ്പോർട്ട് കോൺഗ്രസ് ആഹ്വാനം ചെയ്ത പണിമുടക്കിൽ, ഐഎൻടിയുസി, സിഐടിയു, ബിഎംഎസ് തുടങ്ങിയ പ്രബല സംഘടനകളൊന്നും പങ്കെടുക്കുന്നില്ല. ചരക്കുനീക്കം ഭാഗികമായി തടസപ്പെടുമെന്നതൊഴിച്ചാൽ 48 മണിക്കൂർ പണിമുടക്ക് സംസ്ഥാനത്തെ കാര്യമായി ബാധിക്കില്ല.
