സ്വര്ണവില കുത്തനെ കൂടിയിട്ടും കല്യാണ് ജ്വല്ലേഴ്സിന്റെ വരുമാനത്തില് ഇടിവില്ല; മുന്വര്ഷത്തേക്കാള് അധികം!
സ്വര്ണ വിലയിലെ ചാഞ്ചാട്ടങ്ങള്ക്കിടയിലും വരുമാനത്തില് വളര്ച്ച രേഖപ്പെടുത്തി കല്യാണ് ജ്വല്ലേഴ്സ് ഇന്ത്യ ലിമിറ്റഡ്. 2025 മാര്ച്ച് 31 ന് അവസാനിച്ച സാമ്പത്തിക വര്ഷത്തിന്റെ നാലാം പാദത്തില് സ്വര്ണ വിലയില് അങ്ങേയറ്റത്തെ ചാഞ്ചാട്ടം നേരിട്ടിട്ടും കഴിഞ്ഞ വര്ഷത്തെ ഇതേ കാലയളവിനെ അപേക്ഷിച്ച് 37 ശതമാനം ഏകീകൃത വരുമാന വളര്ച്ച കൈവരിച്ചതായി കല്യാണ് ജ്വല്ലേഴ്സ് പ്രഖ്യാപിച്ചു.
ഇന്ന് പുറത്തിറക്കിയ ത്രൈമാസ അപ്ഡേറ്റിലാണ് കമ്പനി ഈ കണക്കുകള് വെളിപ്പെടുത്തിയത്. ഇന്ന് രാവിലെ 11.55 ന് എന് എസ് ഇയില് കല്യാണ് ജ്വല്ലേഴ്സ് ഇന്ത്യ ലിമിറ്റഡിന്റെ ഓഹരികള് 15.10 രൂപ അല്ലെങ്കില് 3.10 ശതമാനം കുറഞ്ഞ് 472.05 രൂപയില് ആണ് വ്യാപാരം നടത്തിയത്. യു എസ് മുന്നോട്ടുവെച്ച താരിഫ് വര്ധനവ് വിപണികളെ ഇളക്കിമറിച്ചതോടെ സ്വര്ണം ഉള്പ്പടെയുള്ള ലോഹങ്ങള് ആണ് നഷ്ടം തിരിച്ചുപിടിച്ചത്.
2025 സാമ്പത്തിക വര്ഷത്തെ നാലാം പാദത്തില് ഏകദേശം 39 ശതമാനം വരുമാന വര്ധനവോടെ കല്യാണ് വളര്ച്ച രേഖപ്പെടുത്തി. പ്രധാനമായും ശക്തമായ വിവാഹ ആവശ്യകതയായിരുന്നു ഇതിന് കാരണം എന്നാണ് കല്യാണ് അധികൃതര് വ്യക്തമാക്കുന്നത്. ഈ പാദത്തില് ഇന്ത്യയിലെ ഒരേ സ്റ്റോര് വില്പ്പന ഏകദേശം 21 ശതമാനം വളര്ച്ച നേടി. മിഡില് ഈസ്റ്റില്, കല്യാണ് ജ്വല്ലേഴ്സ് ഏകദേശം 24 ശതമാനം വരുമാന വളര്ച്ച കൈവരിച്ചു.
ഇത് കമ്പനിയുടെ ഏകീകൃത പാദ വരുമാനത്തില് ഏകദേശം 12 ശതമാനം സംഭാവന ചെയ്തു. എന്നിരുന്നാലും കല്യാണിന്റെ ഡിജിറ്റല്-ആദ്യ ജ്വല്ലറി പ്ലാറ്റ്ഫോമായ കാന്ഡെയര് ഇതേ കാലയളവില് ഏകദേശം 22 ശതമാനം വരുമാന ഇടിവ് രേഖപ്പെടുത്തി. അതിനിടെ നാലാം പാദത്തില് കമ്പനി തങ്ങളുടെ ഭൗതിക സാന്നിധ്യം ഗണ്യമായി വികസിപ്പിക്കുകയും ചെയ്തു. ഈ പാദത്തില് ഇന്ത്യയില് 25 പുതിയ കല്യാണ് ഷോറൂമുകള് ആരംഭിച്ചു.
2025 ഏപ്രില് തുടക്കത്തില് 3 ഷോറൂമുകളും കൂടി ആരംഭിച്ചു. നാലാം പാദത്തില് 14 കാന്ഡെരെ ഷോറൂമുകളും തുറന്നു. 2026 സാമ്പത്തിക വര്ഷത്തില് കല്യാണ് ജ്വല്ലേഴ്സ് തങ്ങളുടെ കല്യാണ്, കാന്ഡെരെ ഫോര്മാറ്റുകളിലായി 170 പുതിയ ഷോറൂമുകള് ലക്ഷ്യമിടുന്ന വിപുലീകരണ പദ്ധതികള്ക്ക് രൂപം നല്കിയിട്ടുണ്ട്. ഫ്രാഞ്ചൈസി ഉടമസ്ഥതയിലുള്ള കമ്പനി ഓപ്പറേറ്റഡ് മോഡലിന് കീഴിലുള്ള 90 കല്യാണ് ഷോറൂമുകളും ഇന്ത്യയില് 80 കാന്ഡെരെ ഷോറൂമുകളും ഇതില് ഉള്പ്പെടുന്നു. 2025 മാര്ച്ച് 31 വരെ, കല്യാണ് ജ്വല്ലേഴ്സിന് ഇന്ത്യ, മിഡില് ഈസ്റ്റ്, യുഎസ്എ എന്നിവിടങ്ങളിലായി 388 ഷോറൂമുകള് ആണ് ഉള്ളത്.
Click it and Unblock the Notifications
Sign in with Google