സ്വര്ണം ഏറ്റവും വിലക്കുറവില് വാങ്ങണോ..? യുഎഇ മാത്രമല്ല, വേറെയുമുണ്ട് ഓപ്ഷന്
സാംസ്കാരികവും നിക്ഷേപപരവുമായ പ്രാധാന്യമുള്ള ഒരു വിലയേറിയ ലോഹമാണ് സ്വര്ണം. നിക്ഷേപം, സാംസ്കാരിക കാരണങ്ങള്, അലങ്കാരം, ആഡംബരം എന്നിവയ്ക്കാണ് എല്ലാവരും സ്വര്ണം വാങ്ങിക്കുന്നത്. നികുതി, ഇറക്കുമതി തീരുവ, വിപണി ആവശ്യകത തുടങ്ങിയ ഘടകങ്ങള് കാരണം സ്വര്ണ വില പലരാജ്യങ്ങളിലും വ്യത്യാസപ്പെടുന്നു. ഇക്കാരണത്താല് തനന്നെ ചില രാജ്യങ്ങള് സ്വര്ണ വാങ്ങുന്നവരുടെ കേന്ദ്രങ്ങളായി മാറുന്നു.
ഇന്ത്യയില് സ്വര്ണത്തിന് പ്രത്യേക പ്രാധാന്യമുണ്ട്. വിവാഹങ്ങളിലും ഉത്സവങ്ങളിലും സ്വര്ണത്തിന് വലിയ പങ്കാണ് ഉള്ളത്. ഇന്ത്യയില് 24 കാരറ്റ് സ്വര്ണത്തിന് പത്ത് ഗ്രാമിന് 85,370 രൂപയാണ് വില. അതേസമയം 22 കാരറ്റ് സ്വര്ണ്ണത്തിന്റെ വില 10 ഗ്രാമിന് 78,250.27 ആണ്. ഇന്ത്യക്കാര്ക്ക് ഏറ്റവും വിലക്കുറവില് സ്വര്ണം വാങ്ങിക്കാന് സാധിക്കുന്ന ചില രാജ്യങ്ങളെ കുറിച്ചാണ് ഇനി ഇവിടെ പറയാന് പോകുന്നത്.
യുഎഇ
ഇന്ത്യക്കാര് ഏറെയുള്ള ഗള്ഫ് രാജ്യമായ യുഎഇ ആണ് ഇതില് ഒന്നാമത്. യുഎഇയിലെ ദുബായ് നികുതി രഹിത ഷോപ്പിംഗ് ആണ് സ്വര്ണത്തിന് വാഗ്ദാനം ചെയ്യുന്നത്. ദുബായ് നഗരത്തിലെ ഗോള്ഡ് സൂക്ക് മത്സരാധിഷ്ഠിത വിലകളില് വൈവിധ്യമാര്ന്ന സ്വര്ണാഭരണങ്ങള് വാഗ്ദാനം ചെയ്യുന്നു. 24 കാരറ്റ് സ്വര്ണ്ണത്തിന് 10 ഗ്രാമിന് ഏകദേശം 78,960 രൂപയും 22 കാരറ്റ് സ്വര്ണ്ണത്തിന് 74,690 രൂപയും ആണ് വില. നികുതികളുടെയും തീരുവകളുടെയും അഭാവം മത്സരാധിഷ്ഠിത വിലകളില് ഉയര്ന്ന നിലവാരമുള്ള ഉല്പ്പന്നങ്ങള് തേടുന്ന ഉപഭോക്താക്കള്ക്ക് ദുബായിയെ പ്രിയപ്പെട്ട സ്ഥലമാക്കി മാറ്റുന്നു.
ഹോങ്കോങ്
മത്സരക്ഷമതയുള്ള സ്വര്ണ വിപണിക്കും കുറഞ്ഞ നികുതിക്കും പേരുകേട്ട സ്ഥലമാണ് ഹോങ്കോങ്. ഹോങ്കോങില്, 24 കാരറ്റ് സ്വര്ണ്ണത്തിന് 10 ഗ്രാമിന് ഏകദേശം 79,400 രൂപയാണ് വില. 22 കാരറ്റ് സ്വര്ണ്ണത്തിന് 72,800 രൂപയാണ്. ഒരു പ്രധാന സാമ്പത്തിക കേന്ദ്രമെന്ന നിലയില് ഹോങ്കോങിന്റെ പദവിയും സ്വര്ണത്തിന് വാറ്റ് അഥവാ വില്പ്പന നികുതി ഇല്ലാത്തതും വില കുറയ്ക്കാന് കാരണമാകുന്നു. ചൗ തായ് ഫുക്ക്, ലുക്ക് ഫുക്ക് പോലുള്ള നഗരത്തിലെ പ്രശസ്തമായ സ്വര്ണ കടകള് ഉയര്ന്ന നിലവാരമുള്ള ഇനങ്ങളുടെ വിശാലമായ ശേഖരം വാഗ്ദാനം ചെയ്യുന്നു.
സ്വിറ്റ്സര്ലന്ഡ്
മൊത്തത്തില് ചെലവേറിയതാണെങ്കിലും കുറഞ്ഞ വാറ്റ് കാരണം സ്വിറ്റ്സര്ലന്ഡിലെ സ്വര്ണ്ണം വിലകുറഞ്ഞതായിരിക്കും. ഇത് സ്വര്ണ്ണം വാങ്ങുന്നതിനുള്ള ഒരു പ്രായോഗിക ഓപ്ഷനാക്കി രാജ്യത്തെ മാറ്റുന്നു. സ്വിറ്റ്സര്ലന്ഡില് സ്വര്ണ്ണത്തിന്റെ വില 78,660 ആണ്. ആഗോള സാമ്പത്തിക കേന്ദ്രമെന്ന നിലയില് സ്വിറ്റ്സര്ലന്ഡിന്റെ പദവിയും അതിന്റെ ശക്തമായ കറന്സിയായ സ്വിസ് ഫ്രാങ്കും സ്വര്ണ വിലയെ സ്വാധീനിക്കുന്നു. സ്വിസ് നാഷണല് ബാങ്കിന്റെ പണനയങ്ങളും നിക്ഷേപകര്ക്ക് സുരക്ഷിതമായ ആസ്തി എന്ന നിലയില് രാജ്യത്തിന്റെ പങ്കും സ്വര്ണ വ്യാപാരത്തെയും വിലനിര്ണയത്തെയും ബാധിക്കുന്നു.
Click it and Unblock the Notifications
Sign in with Google