ഭാര്യയ്ക്ക് അമിത് ഷായെ പേടി? ഒന്നും പറയാതെ സോനാൽ ഷാ തിരുവനന്തപുരം ശ്രീ പത്മനാഭസ്വാമി ക്ഷേത്രത്തിൽ

കേരളത്തിലെയും തമിഴ്നാട്ടിലെയും വിവിധ ക്ഷേത്രങ്ങളിലാണ് സോനാൽ ഷായും ബന്ധുക്കളും സന്ദർശനം നടത്തുന്നത്.

By ഡെന്നീസ്

Published: Monday, September 18, 2017, 16:34 [IST]

തിരുവനന്തപുരം: ദക്ഷിണേന്ത്യയിൽ ബിജെപിയുടെ വിജയത്തിനായി പാർട്ടി ദേശീയ അദ്ധ്യക്ഷൻ അമിത് ഷായുടെ ഭാര്യയും രംഗത്തിറങ്ങി. ക്ഷേത്രങ്ങൾ സന്ദർശിച്ച് പൂജകൾ നടത്തിയാണ് അമിത് ഷായുടെ ഭാര്യ സോനാൽ ഷാ ബിജെപിയുടെ വിജയത്തിനായി പ്രവർത്തിക്കുന്നത്.

കേരളത്തിലെയും തമിഴ്നാട്ടിലെയും വിവിധ ക്ഷേത്രങ്ങളിലാണ് സോനാൽ ഷായും ബന്ധുക്കളും സന്ദർശനം നടത്തുന്നത്. തിരുവനന്തപുരം ശ്രീ പത്മനാഭസ്വാമി ക്ഷേത്രത്തിലെ ദർശനത്തോടെയാണ് തീർത്ഥാടനത്തിന് തുടക്കമായത്. തിങ്കളാഴ്ച രാവിലെ ഏഴു മണിയോടെയാണ് ഗുജറാത്തിൽ നിന്നുള്ള അറുപതംഗ സംഘം ശ്രീ പത്മനാഭസ്വാമി ക്ഷേത്രത്തിലെത്തിയത്.

പര്യടനത്തിന് പിന്നാലെ...

കേരളത്തിലും, തമിഴ്നാട്ടിലും പാർട്ടിയെ ശക്തിപ്പെടുത്താനായി അമിത് ഷാ നടത്തിയ ആദ്യഘട്ട പര്യടനത്തിന് പിന്നാലെയാണ് അദ്ദേഹത്തിന്റെ ഭാര്യ ഇരുസംസ്ഥാനങ്ങളിലെയും ക്ഷേത്രങ്ങൾ സന്ദർശിക്കാനെത്തിയിരിക്കുന്നത്.

അറുപത് പേർ...

അമിത് ഷായുടെ ഭാര്യ സോനാൽ ഷായും ബന്ധുക്കളും അടക്കമുള്ള അറുപതംഗ സംഘമാണ് തീർത്ഥാടനത്തിനായി വന്നിരിക്കുന്നത്.

തിരുവനന്തപുരത്ത് നിന്നും...

കേരളത്തിലെ ക്ഷേത്രങ്ങളിൽ നിന്നാണ് സംഘത്തിന്റെ യാത്ര തുടങ്ങുന്നത്. തിങ്കളാഴ്ച രാവിലെ ഏഴ് മണിയോടെയാണ് സോനാൽ ഷായും സംഘവും തിരുവനന്തപുരം ശ്രീ പത്മനാഭസ്വാമി ക്ഷേത്രത്തിലെത്തിയത്.

സുരക്ഷയൊന്നുമില്ല...

കാര്യമായ സുരക്ഷാ സന്നാഹങ്ങളില്ലാതെയാണ് സംഘം യാത്ര നടത്തുന്നത്. രാവിലെ പത്മനാഭസ്വാമി ക്ഷേത്രത്തിലെത്തി സോനാൽ ഷാ ശ്രീകോവിലിൽ പൂജിച്ച താമരപ്പൂക്കൾ പ്രസാദമായി വാങ്ങി.

കേരളത്തിൽ മാത്രമല്ല...

ബിജെപി ദേശീയ അദ്ധ്യക്ഷൻ അമിത് ഷായുടെ ഭാര്യയും ബന്ധുക്കളുമടങ്ങുന്ന അറുപതംഗ സംഘം കേരളത്തിലെ വിവിധ ക്ഷേത്രങ്ങൾ സന്ദർശിച്ച ശേഷം തമിഴ്നാട്ടിലേക്ക് തിരിക്കും. തമിഴ്നാട് സന്ദർശനത്തിന് ശേഷം ഇവർ ഗുജറാത്തിലേക്ക് മടങ്ങും.