ശോഭ സുരേന്ദ്രന്റെ വീടിന് സമീപം സ്ഫോടക വസ്തു പൊട്ടിത്തെറിച്ചു; 'എറിഞ്ഞത് വീട് ലക്ഷ്യമാക്കി'
തൃശൂര്: ബി ജെ പി സംസ്ഥാന വൈസ് പ്രസിഡന്റ് ശോഭ സുരേന്ദ്രന്റെ വീടിന് സമീപം സ്ഫോടക വസ്തു പൊട്ടിത്തെറിച്ചു. ശോഭാ സുരേന്ദ്രന്റെ തൃശൂരിലെ വീടിന്റെ സമീപത്തെ വീട്ടിലേക്ക് അജ്ഞാതര് സ്ഫോടക വസ്തു എറിയുകയായിരുന്നു. വെള്ളിയാഴ്ച രാത്രി പത്തേമുക്കാലോടെയാണ് സംഭവം. അയ്യന്തോള് ഗ്രൗണ്ടിന് അടുത്തുള്ള വീടിന് സമീപമാണ് സ്ഫോടനം ഉണ്ടായത്.
ശോഭയുടെ അയല്വാസിയുടെ വീടാണ് ഇത്. സ്ഫോടക വസ്തു വലിയ ശബ്ദത്തോടെ പൊട്ടിത്തെറിച്ചപ്പോഴാണ് പരിസരവാസികള് സംഭവം അറിയുന്നത്. സംഭവ സമയത്ത് ശോഭാ സുരേന്ദ്രനും വീട്ടില് ഉണ്ടായിരുന്നു. ബൈക്കില് എത്തിയവരാണ് സ്ഫോടക വസ്തു എറിഞ്ഞത് എന്നാണ് സംശയിക്കുന്നത്. പ്രദേശത്തേക്ക് നാലംഗ സംഘം ബൈക്കില് എത്തിയതായി പൊലീസും സ്ഥിരീകരിക്കുന്നുണ്ട്.
ശോഭയുടെ വീടാണെന്ന് തെറ്റിദ്ധരിച്ചാണ് ആക്രമണമുണ്ടായതെന്നാണ് നിഗമനം. അതേസമയം പൊട്ടിത്തെറിയുടെ വലിയ ശബ്ദം കേട്ടിരുന്നു എന്ന് ശോഭ സുരേന്ദ്രന് പറഞ്ഞു. സംഭവ ശേഷം പൊലീസ് സ്ഥലത്തെത്തി പരിശോധന നടത്തി. സംഭവം അറിഞ്ഞ് പാര്ട്ടി പ്രവര്ത്തകരും എത്തിയിരുന്നു. 'ഇതിന് പിന്നിലുള്ള ആളുകളെ കണ്ടെത്തണം എന്നാണ് ആവശ്യം. വീട് ലക്ഷ്യമാക്കി എറിഞ്ഞു എന്നാണ് ഞാന് മനസിലാക്കുന്നത്.
വീട് മാറി എറിയുകയായിരുന്നെങ്കില് ഇടത്തോട്ടോ വലത്തോട്ടോ മാറി എറിയാമായിരുന്നു വീടിന്റെ ഗേറ്റിന് കൃത്യമായി എറിയണം എന്ന് നിര്ബന്ധമില്ലല്ലോ എന്നും ശോഭ ചോദിച്ചു. സംഭവത്തില് സമഗ്ര അന്വേഷണം വേണമെന്ന് ബി ജെ പി പ്രാദേശിക ഘടകം ആവശ്യപ്പെട്ടിട്ടുണ്ട്. ആരാണ് ആക്രമണത്തിന് പിന്നില് എന്ന് വിശദമായി അന്വേഷിച്ച് കണ്ടെത്തണം എന്ന് ബി ജെ പി സിറ്റി പ്രസിഡന്റ് ജസ്റ്റിന് ജേക്കബ് ആവശ്യപ്പെട്ടു.
പ്രദേശത്തെ സി സി ടി വി ദൃശ്യങ്ങള് അടക്കം കേന്ദ്രീകരിച്ച് തൃശൂര് സിറ്റി പൊലീസ് കമ്മീഷണറുടെ നേതൃത്വത്തില് അന്വേഷണം ആരംഭിച്ചിട്ടുണ്ട്. സംശയകരമായ രീതിയില് രാത്രി ഒരു കാര് കണ്ടതായി പ്രദേശവാസികള് പൊലീസിന് മൊഴി നല്കിയിട്ടുണ്ട്. അതേസമയം, ജില്ലയിലെ ബി ജെ പി നേതാക്കളുടെ വീടുകള്ക്ക് സംരക്ഷണം നല്കാന് പൊലീസ് സര്ദേശം നല്കിയിട്ടുണ്ട്.
ബി ജെ പി ദേശീയ നിര്വാഹക സമിതി അംഗമായ ശോഭ സുരേന്ദ്രന് സംസ്ഥാനത്തെ പാര്ട്ടിയുടെ പ്രധാന നേതാക്കളില് ഒരാളാണ്. കേരളത്തില് നിന്നും ബി ജെ പിയുടെ നിര്വാഹക സമിതിയിലേക്ക് തിരഞ്ഞെടുക്കപ്പെട്ട ആദ്യ വനിത കൂടിയാണ് ശോഭാ സുരേന്ദ്രന്. തൃശൂര് ജില്ലാ സെക്രട്ടറി, ജില്ലാ ഭഗിനി പ്രമുഖ് എന്നീ നിലകളില് പ്രവര്ത്തിച്ച ശോഭാ സുരേന്ദ്രന് എ ബി വി പിയില് വിവിധ ചുമതലകളും നിര്വ്വഹിച്ചിട്ടുണ്ട്. 1995 ല് യുവമോര്ച്ച ജില്ലാ വൈസ് പ്രസിഡന്റും പിന്നീട് സംസ്ഥാന വൈസ് പ്രസിഡന്റും സെക്രട്ടറിയും അഖിലേന്ത്യാ എക്സിക്യൂട്ടീവ് കമ്മിറ്റി അംഗവുമായി.
-
പിടിവിട്ട് ട്രംപ്; ഇറാന്റെ പ്രതിരോധം അമ്പരിപ്പിക്കുന്നത്; യൂറോപ്യന് സഖ്യകക്ഷികള് പോലും പിന്തുണച്ചില്ല -
ബെംഗളൂരുവില്നിന്ന് അയര്ലന്ഡിലേക്ക് സ്ഥലംമാറ്റം; ശമ്പളത്തിലും വലിയ വ്യത്യാസം: താരതമ്യവുമായി ടെക്കി -
വിജയ് തിരിച്ചടി നേരിടും? കാലം ഉത്തരം നല്കുമെന്ന് രജനികാന്ത്; തമിഴ്നാട്ടില് 1996 ആവര്ത്തിക്കുമോ -
ശത്രുതയ്ക്ക് കാരണം ഇതാണ്',ദിലീപ് പറഞ്ഞത്.. 'മഞ്ജുവിനേയും കാവ്യയേയും വിവാഹം ചെയ്തത് മറ്റൊരു കാരണം' -
അഞ്ജലി നായരും വീണാ നായരും ലക്ഷ്മി പ്രിയയും ഉമ്മൻ ചാണ്ടിയുടെ മരുമകനും, കളം പിടിക്കാൻ ട്വന്റി 20 -
യുഎഇ തകര്ക്കുകയാണോ ഇറാന്റെ ലക്ഷ്യം; ഫുജൈറയിലും ഷാഹിലും ഡ്രോണ്, ഖത്തറിന്റെ ആവശ്യം തള്ളി -
പൃഥ്വിരാജ് ബോംബേയിൽ ഷൂട്ടിംഗുമായ നടന്നാൽ പോര,ഇടക്ക് നാട്ടിൽ വന്ന് അമ്മയെ കെട്ടിപിടിക്കുകയൊക്കെ വേണം';മേജർ രവി -
ജനവിധി തേടി ജന്മ നാട്ടിലേക്ക്; കലാപരിപാടികളില് നിന്നും അര്ദ്ധ വിരാമം: കുറിപ്പുമായി രമേഷ് പിഷാരടി -
മൊണാലിയുടെ വിവാഹത്തില് രാഷ്ട്രപതി ഇടപെടണം, ഒളിപ്പിച്ചത് കേരള സര്ക്കാരെന്ന് സുപ്രീംകോടതി അഭിഭാഷക -
ജലീലിന്റെ പഴയ 'ലീലകൾ' ജനങ്ങൾ മറന്നിട്ടില്ല;'മലപ്പുറം വിരുദ്ധ' പ്രചാരണങ്ങൾക്ക് ചൂട്ടുപിടിച്ചയാൾ';സന്ദീപ് വാര്യർ -
രാജ്യസഭാ തിരഞ്ഞെടുപ്പിൽ വമ്പൻ ജയവുമായി എൻഡിഎ; വോട്ട് മറിച്ച് പ്രതിപക്ഷം -
എങ്ങനെ കോടീശ്വരനാകാം?;ലുലു ഗ്രൂപ്പ് ചെയർമാൻ എംഎ യൂസഫലി പറയുന്നു ..യുവാക്കൾക്കുള്ള ടിപ്പുകളും
Click it and Unblock the Notifications
Sign in with Google