Click it and Unblock the Notifications
Just In
Don't Miss
-
T20 World Cup: ഹാര്ദിക്കിന്റെ ചീട്ടുകീറുമോ? ദ്രാവിഡും അഗാര്ക്കറും രോഹിത്തിനെ കണ്ടു! പണി ഉറപ്പ് -
ക്രെറ്റയുടെ ആൽഫ എഡീഷൻ കണ്ടോ, ബാങ്കോക്ക് ഇൻ്റർനാഷണൽ മോട്ടോർ ഷോയിലെ താരം -
ഭര്ത്താവിന്റെ വീട്ടില് മനസമാധാനം; അമ്മായിയമ്മയെ പാട്ടിലാക്കാന് മരുമകള് ചെയ്യേണ്ട 6 കാര്യം -
മോട്ടറോള എങ്ങനെയാ ഇത്ര സെറ്റപ്പായത്! അതിശയിപ്പിക്കുന്ന മികവുമായി മോട്ടോ G64 5G എത്തി -
കുതിപ്പിലേക്ക് തിരിച്ചെത്തി സെല്ലോ വേൾഡ് ഓഹരി, വാങ്ങാൻ ബ്രോക്കറേജ് ശുപാർശ, നോക്കുന്നോ -
മിന്നല് അടിച്ച് ഒരു പയ്യന് ശക്തി കിട്ടുന്നതായിരുന്നു ഐഡിയ, വില്ലനെ കിട്ടിയില്ല; സെറ്റായത് ഇങ്ങനെ; ബേസില് -
ബാംഗ്ലൂരിൽ നിന്ന് പോണ്ടിച്ചേരി ട്രെയിനിൽ കണ്ട് വരാം... ചെലവും ഇല്ല, കിടിലൻ കാഴ്ചകളും..
വയനാട്ടില്‍ രണ്ടിടത്തായി ഷോക്കേറ്റ് വൃദ്ധനും യുവാവും മരിച്ചു
കല്‍പ്പറ്റ: വയനാട്ടില്‍ രണ്ടിടത്തായി ഷോക്കേറ്റ് വൃദ്ധനും യുവാവും മരിച്ചു. പനമരം എരനെല്ലൂര്‍ വാണിമൂല ശ്രീനിവാസന്‍-പ്രീത ദമ്പതികളുടെ ഏക മകന്‍ ശ്യാം (23) ആണ് മരിച്ചത്. വ്യാഴാഴ്ച രാവിലെ വീട്ടുമുറ്റത്ത് വാഹനം കഴുകുന്നതിനിടെ ശ്യാമിന് ഷോക്കേല്‍ക്കുകയായിരുന്നുവെന്നാണ് കരുതുന്നത്. ജോലിക്കായി വീട്ടിലെത്തിയ അയല്‍വാസിയാണ് വീണ് കിടക്കുന്ന ശ്യാമിനെ കണ്ടത്. രക്ഷിക്കാന്‍ ശ്രമിക്കുന്നതിനിടെ അയാള്‍ക്കും ഷോക്കേറ്റു.
ഉടന്‍ കല്‍പ്പറ്റയിലെ സ്വകാര്യ ആശുപത്രിയിലെത്തിച്ചെങ്കിലും മരണം സംഭവിച്ചു. ഐ.ടി.ഐ. പഠനത്തിന് ശേഷം മാസങ്ങളായി കാത്തിരുന്ന് ലഭിച്ച ജോലിയില്‍ പ്രവേശിക്കാനായി ജൂണ്‍ മൂന്നിന് ബംഗളുരുവിലേക്ക് പോകാനിരിക്കുകയായിരുന്നു ശ്യാം. നാട്ടുകാര്‍ക്ക് ഏറെ പ്രിയങ്കരനായിരുന്ന ശ്യാമിന്റെ മരണവാര്‍ത്ത ഉള്‍കൊള്ളാന്‍ കഴിയുന്നില്ലെന്ന് സുഹൃത്തുക്കളും നാട്ടുകാരും പറഞ്ഞു. വിവരമറിഞ്ഞ് പ്രദേശവാസികളൊന്നടക്കം ശ്യാമിന്റെ വസതിയിലെത്തിയിട്ടുണ്ട്.
അമ്പലവയല്‍ തോമാട്ടുചാലില്‍ വീടിനുള്ളില്‍ മരിച്ചനിലയില്‍ കണ്ടെത്തിയ സംഭവവും ഷോക്കേറ്റതായാണ് ലഭിക്കുന്ന സൂചന. തോമാട്ടുചാല്‍ പോക്കാട്ടില്‍ മത്തായി (70) യെയാണ് വീടിനുള്ളില്‍ ഇന്ന് രാവിലെ മരിച്ചനിലയില്‍ കണ്ടെത്തിയത്. എട്ട് വര്‍ഷങ്ങള്‍ക്ക് മുമ്പേ ഭാര്യ മരിച്ചുപോയ മത്തായി മക്കളില്‍ നിന്നും മാറി തനിച്ചാണ് താമസിച്ച് വന്നിരുന്നത്.
ഇന്നലെ രാത്രി ഇടിമിന്നലുണ്ടായ സമയത്ത് സ്റ്റെബിലൈസറില്‍ നിന്നും പ്ലഗൂരാന്‍ ശ്രമിച്ചപ്പോള്‍ ഷോക്കടിച്ചതെന്നാണ് ലഭിക്കുന്ന സൂചന. ശരീരം ഭാഗീകമായി കരുവാളിച്ച നിലയിലാണു ള്ളത്. മൈസൂരിലുള്ള കൊച്ചുമകന്‍ വ്യാഴാഴ്ച രാവിലെ മത്തായിയുടെ വീട്ടിലെ ത്തിയപ്പോഴാണ് മരിച്ചുകിടക്കുന്ന നിലയില്‍ കണ്ടത്. അമ്പലവയല്‍ പോലീസ് അസ്വാഭാവിക മരണത്തിന് കേസെടുത്തിട്ടുണ്ട്. മൃതദേഹം പോസ്റ്റ്മോര്‍ട്ടത്തിനായി അമ്പലവയല്‍ ഗവ. ആശു പത്രിയിലേക്ക് മാറ്റി.
