എ എന് രാധാകൃഷ്ണന് രാഷ്ട്രീയ മര്യാദ പ്രകാരം തെറ്റ് തിരുത്തണം: ജി സുധാകരന്
തിരുവനന്തപുരം: മുഖ്യമന്ത്രിക്കും കുടുംബത്തിനുമെതിരെ ആക്രമണോൽസക ഭാഷയിൽ ഭീഷണി മുഴക്കാൻ ശ്രമിച്ച ബിജെപി സംസ്ഥാന നേതാവ് എ എൻ രാധാകൃഷ്ണന്റെ സമീപനം അത്യന്തം പ്രതിഷേധാർഹമാണെന്ന് സിപിഎം നേതാവ് ജി സുധാകരന്. തന്റെ പ്രസംഗം രാഷ്ട്രീയ മര്യാദ പ്രകാരം തിരുത്താന് ബിജപി നേതാവ് തയ്യാറാകണമെന്നും അദ്ദേഹം ആവശ്യപ്പെട്ടു. ഇത്തരം രീതികൾ നമ്മുടെ കേരളത്തിലെ രാഷ്ട്രീയ മര്യാദകൾ മനസിലാക്കുന്നവർ അനുകരിക്കുമെന്ന് തോന്നുന്നില്ല. അതിനാൽ പറ്റിയ തെറ്റ് തിരുത്തി ഖേദം പ്രകടിപ്പിക്കാൻ അദ്ദേഹം തയ്യാറെങ്കിൽ അതൊരു നല്ല തുടക്കമാവുമെന്നും ജി സുധാകരന് പ്രസ്താവനയില് പറയുന്നു.
ബഹുമാനപ്പെട്ട കേരള മുഖ്യമന്ത്രി സഖാവ് പിണറായി വിജയനെയും അദ്ദേഹത്തിന്റെ കുടുംബത്തെയും പൊതു മര്യാദകൾക്കും, രാഷ്ട്രീയ സംസ്കാരത്തിനും യോജിക്കാത്ത വിധം യാതൊരു യുക്തി ഭദ്രതയും ഇല്ലാതെ ആക്രമണോൽസക ഭാഷയിൽ തൻ്റെ പ്രസംഗത്തിൽ ഭീഷണി മുഴക്കാൻ ശ്രമിച്ച ബിജെപി സംസ്ഥാന നേതാവ് ശ്രീ എ എൻ രാധാകൃഷ്ണന്റെ സമീപനം അത്യന്തം പ്രതിഷേധാർഹമാണ് എന്നു മാത്രമല്ല തിരുത്തപ്പെടേണ്ടതുമാണ്.
രാജ്യം ഭരിക്കുന്ന രാഷ്ട്രീയ പാർട്ടിയുടെ നേതാവായ അദ്ദേഹം മുൻപും പലതവണ ഇത്തരം അക്രമ സ്വഭാവമുള്ള പ്രസ്താവനകൾ നടത്തിയിട്ടുണ്ട് എന്നുള്ളത് ഖേദകരമാണ്. അന്ധമായ വിരോധത്തിൽ സ്വയം കൽപ്പിച്ചു വെച്ച രാഷ്ട്രീയ ബോധത്തിൽ പ്രതിയോഗിയുടെ കുടുംബാംഗങ്ങളെ പോലും യുക്തിഭദ്രതയില്ലാത്ത ആരോപണങ്ങളിൽ വലിച്ചിഴക്കുന്നത് രാഷ്ട്രീയമര്യാദ യല്ല. സഖാവ് പിണറായി വിജയൻ്റെ കുടുംബാംഗങ്ങളെ പറ്റി യാതൊന്നും പറയേണ്ട ആവശ്യം അദ്ദേഹത്തിന് ഇല്ലല്ലോ.
ഇത്തരം രീതികൾ നമ്മുടെ കേരളത്തിലെ രാഷ്ട്രീയ മര്യാദകൾ മനസിലാക്കുന്നവർ അനുകരിക്കുമെന്ന് തോന്നുന്നില്ല. അതിനാൽ പറ്റിയ തെറ്റ് തിരുത്തി ഖേദം പ്രകടിപ്പിക്കാൻ അദ്ദേഹം തയ്യാറെങ്കിൽ അതൊരു നല്ല തുടക്കമാവും.
സ്റ്റൈലിഷ് ലുക്കില് തിളങ്ങി ഇഷാ ഗുപ്ത; കാണാം ചിത്രങ്ങള്
Recommended Video